OL! Bloqu

ANA SƏHİFƏ

2009-10-15T23:00:00.000-07:00

Xalq Dövlət üçün yox, Dövlət Xalq üçündür
	Dövlətin yaranma nəzəriyyəsi – İctimai müqavilə nəzəriyyəsinə görə insanlar öz təhlükəsizliklərinin təmini, sosial rifahlarının yaxşılaşması üçün bir yerə yığışmış, razılaşma və seçki yolu ilə...
	davamı
OL-çular “ZUG der FREİHEİT” layihəsində iştirak etdilər
	1989-cu ilin oktyabrında tək Şərqi və Qərbi Almaniya üçün yox, bütün Avropa üçün çox əhəmiyyətli bir hadisə baş verdi.
	davamı
“Bu, Azərbaycan hökumətinə heç də yaxşı imic qazandırmır”
	“Mən kiminsə öz fikirlərini, xüsusilə də insan azadlıqları və insan haqlarına hörmət olunması ilə bağlı mövqeyini açıq ifadə etməsinə görə təzyiqə məruz qalmasını absurd hesab edirəm”.
	davamı
Bloqqerlərin məhkəməsi təxirə salındı
	Gənc bloqqerlərin məhkəməsi təxirə salındı. Buna səbəb prosesdə iştirak etmək üçün xəbərdarlıq edilən “Lebanese” restoranının sahibəsi və zərərçəkənlərin məhkəməyə gəlməməsi idi.
	davamı
Emin Milli: “İstintaq həmişə bizə qarşı qərəzli olub”
	Adnan Hacızadə ifadəsində onu da deyib ki, hadisədən əvvəl “Vüsal Məmmədovu evimizin qarşısında görmüşəm”.
	davamı
Hakim gənclər barədə həbs qərarını dəyişmədi
	Oktyabrın 7-də Səbail rayon Məhkəməsində gənc bloqqerlər Emin Milli və Adnan Hacızadənin məhkəməsi davam edib.
	davamı

Xalq Dövlət üçün yox, Dövlət Xalq üçündür

2009-10-15T02:41:00.000-07:00

Dövlətin yaranma nəzəriyyəsi – İctimai müqavilə nəzəriyyəsinə görə insanlar öz təhlükəsizliklərinin təmini, sosial rifahlarının yaxşılaşması üçün bir yerə yığışmış, razılaşma və seçki yolu ilə hökümət seçmiş və beləliklə hökümət və cəmiyyətdən ibarət dövlət institut kimi formalaşmağa başlamışdır. Dövlətin yaradılmasında insanlar könüllü olaraq iştirak etmiş, hökümətlərini zorla deyil özləri seçmişlər. Dövlət yaradıldıqdan sonra onun daxilində iki kəsim: cəmiyyət və hökümət meydana gəlmişdir. Beləliklə dövlətin uğurlu fəaliyyət göstərməsi üçün məsuliyyət həm hökümətin həm də cəmiyyətin üzərinə düşmüşdür.

Hökümət xalq tərəfindən seçilmiş bir qurumdur. Müvəqqətidir, səlahiyyətlər bölünmüşdür (qanun verici, icra edici, məhkəmə). Hökümət üzərinə məsuliyyət götürmüşdür ki, müəyyən zaman ərzində xalqa qulluq edəcək, onun təhlükəsizliyini, sosial rifahını təmin edəcək və hüquqlarını müdafiə edəcəkdir. Məsuliyyətə görə hökümət öz vəzifəsini icra edə bilmədikdə ya istefaya getməli, ya da xalq onu bir daha növbəti azad, demokratik seçkilərdə seçmir, başqa qüvvələrdən ibarət hökümət qurur.

Xalq dövlətin yaradılmasında, hökümətin seçilməsində bir başa iştirak etdiyindən onun da borcudur ki, hökümətin fəaliyyətinə nəzarət etsin, dövlətin fəaliyyətində iştirak etsin. Hökümət uğursuz fəaliyyət göstərdikdə, vədlərinə əməl etmədikdə, xalqın təhlükəsizliyini təmin etmədikdə, insan hüquqlarını kobudcasına pozduqda, sosial rifahını təmin etmədikdə və nəhayət ərazi bütövlüyünü qorumadıqda xalq onu ya seçki yolu ya da kütləvi etirazlar, sosial dəyişikliklər vasitəsilə dəyişir.

Yuxarıda göstərdiyim formanı avtoritar ölkələrə tətbiq etsək görərik ki, nə xalq öz məsuliyyətini bilir nə də hökümət. Xalqla hökümət arasında böyük uçurum var, komunikasiya zəifdir. Xalq hökümətdən istəmir, hökümət də vermir. Hökümət xalqa göstərmir, xalq da görüb tələb etmir. Məsuliyyət qarşılıqlıdır. Bu arada mərhum prezident Heydər Əliyevin “Xalq Dövlət üçün yox, Dövlət Xalq üçündür” kəlməsi yadıma düşdü. Hökümət xalqı təmsil etdiyindən, vəzifəli şəxslər mandatlarını xalqdan aldıqlarından onların üzərində məsuliyyət daha çoxdur. Xalq məsuliyyətini dərk etmədikdə, höküməti dəyişmək üçün iradə göstərmədikdə cinayət işləmir, əksinə, dözümlülük nümayiş etdirərək hökümətin xalqa qarşı törətdiyi cinayətlərə məruz qalır. Hökümət məsuliyyətini dərk etmədikdə, demokratik seçkilər keçirmədikdə, insan hüquqlarını kobudcasına pozduqda cinayət işləmiş olur və məsuliyyətə cəlb oluna bilir. Gödüyümüz kimi xalqın məsuliyyətsizliyi cinayət deyil, hökümətin məsuliyyətsizliyi nəticə etibarı ilə cinayətdir.

Xalqın avtoritar hökümətlərə təsir vasitələri QHT-lər, parlament, seçkilər, media və digər institutlar vasitəsilə çox zəif olduğundan alternativ vasitələrə ehtiyac yaranır. Demokratik İnstitutların yaranması üçün xalqın demokratik dəyərlərinin olması vacibdir. Demokratik dəyərlərin yaranması üçün isə alternativ informasiya mühüm əhəmiyyət kəsb edir. Avtoritar ölkələrdə xalq informasiya blakadasında olduğundan (alternativ fikir təqdim edən televiziya kanalının olmaması, müxalif mətbuatın ictimai rəy yarada bilməməsi və resurslarının az olması, ictimai müzakirələr üçün platformaların məhdud olması) demokratik dəyərlərin yaradılması prosesi çox zəif gedir. Demokratik dəyərlərin yaradılması üçün alternativ vasitələr internet mediası, yahoogrouplar, tənqidedici video roliklər, facebook və youtube kimi internet şəbəkələri, fərdi bloqlar daha səmərəlidir. Alternativ media vasitələri yeni bir şey olduğundan və hökümət nümayəndələrinin təfəkküründən daha böyük bir şey olduğundan avtoritar hökümətlər bu dili anlamır, lakin alternativ media vasitələrindən istifadə edən gənclərin sayının artdığını görür. Avtoritar hökümətlər böyüyən, kütləviləşən hər bir şeyi özünə təhlükə kimi qəbul etdiyindən, böyüyən lakin nəzarətsiz qalan alternativ media vasitələri şəbəkəsini də məhdudlaşdırmaq istəyir.

Azərbaycanda alternativ media vasitələri son zamanlar sürətli inkişaf edir və bu işdə AN şəbəkəsinin yaradıcılarından olan Emin Milli və OL Azərbaycan Gənclər Hərəkatının təsisçilərindən olan Adnan Hacızadə xüsusilə aktiv idilər. Onlar inqilab etmək istəmirdilər, onlar sadəcə alternativ tənqid üsulları ilə hökümətə, xalqa mesajlarını çatdırmaq istəyirdilər. Lakin onlar durduruldu. Adnan və Eminin həbsi əks effekt verdi. Adnan və Eminlə həmrək olanların sayı həm ictimai, həm də beynəlxalq səviyyədə artmış oldu. Şəbəkə daha da genişləndi.

Adnan və Emin təbiətcə pasifist, dəyərcə zorakılığa qarşı insanlardılar. Adnan sosial dəyişikliyin ancaq maariflənmə, dinc yollarla gələcəyinə inanırdı. Emin isə sürətli təkamülə inanırdı, inqilab istəmirdi. Onlar hər ikisi çox savadlı, sosial aktiv, gözəl təhlil qabiliyyətinə malik insanlardılar. Onların ruhunu öldürmək olmaz. Onlar Azərbaycana, bəşəriyyətə çox lazımlı, dəyərləri möhkəm, vicdanları sınmaz olan insanlardılar. Hökümət Azərbaycanda inkişaf etməkdə olan xaricdə təhsil almış, azad, sosial aktiv insanları təhlükə kimi deyil tərəfdaş kimi görməlidir. Bizlər ciddiyə alınmalıyıq.

Cəmiyyət hökümətdən gözləməli, hökümət də verməli. Cəmiyyət eyni zamanda məsuliyyətini dərk etməli və hökümətdən tələb etməlidir. Orta və yaşlı nəsil bunu edən deyil. Gənc nəsil tələb etməli, istəməli və nəticəyə nail olmalıdır. İstəmək, tələb etmək zamANıdır!

OL-çular “ZUG der FREİHEİT” layihəsində iştirak etdilər

2009-10-15T02:37:00.000-07:00

1989-cu ilin oktyabrında tək Şərqi və Qərbi Almaniya üçün yox, bütün Avropa üçün çox əhəmiyyətli bir hadisə baş verdi. Şərqi Almaniyanın vətəndaşları sovet rejiminə artıq dözə bilmədiklərinə görə ölkədən mümkün və qeyri-mümkün yollarla qaçmaq istəyirdilər – belə, Berlin Divarını Qərb Almaniya tərəfə keçən zaman neçə nəfər həlak olmuşdur. Macarıstan sərhədləri açandan sonra minlərlə almanlar bu ölkəyə yönəlmişdilər. Bu yolu da kəsəndən sonra qaçqınlar Çexoslovakiyaya yollandılar. Çexoslovakiyada olan Alman səfirliyi bütün qaçqınları öz binasına qəbul edirdi, amma məcburi köçkünlərin sayı gündən günə artırdı və artıq binanın həyətində də adamlar aylarla yaşayırdı. Payız gəldikcə vəziyyət daha da çətinləşirdi – soyuq havada çöldə yaşamaq asan deyil. Və bu maksimal nöqtədə dövlətlər tərəfindən qaçqınların Qərb Almaniyaya transfer olunmasına icazə verilmişdir.

Oktyabr ayında Azadlıq Qatarı Praqa şəhərindən Almaniyaya yola düşür. Baxmayaraq ki, Çexiyadan Qərbi Almaniyaya yol daha qısa ola bilər, qatar mütləq Almaniyanın Şərq tərəfindən keçib, Qərb tərəfinə getməli idi( əks halda qatardaki adamların statusu qaçqın ola bilməzdi). Qatarda gedənlər stansiyalarda onları qarşılayan adamlara əl edirdilər, stansiyada duranlar isə həmin qatara minib Qərbə getmək istəyirdi, lakin polis dəstələri buna yol vermirdi.

Bir neçə gündən sonra isə Berlin divarı çökdü.

Bu hadisələrdən 20 il sonra biz həmin qatarda Praqa şəhərindən Almaniyanın Hof şəhərinə kimi getdik. Amma bu dəfə qatardaki adamlar azad adamlar idi. Vaqonlarda almaniyan, çex artistləri, musiqiçiləri, gənclər var idi. Biz də, OL Hərəkatı kimi, Azərbaycanı bu qatarda təmsil edirdik. Bizdən başqa bu layihədə Gürcüstan, Belarusiya, Almaniya, Çexiya, Ermənistan və Polşa gəncləri də iştirak edirdilər. Biz hər stansiyada dayanırdıq, və havada azadlığı duyurduq: yüzlərlə gənclər plakatlarla, güllərlə bizə əl edib gülümsəyirdi. Orkestr çalırdı, insanlar bir birini təbrik edirdi. Yaşlı nəsil keçmişini yada salırdı – onların bəziləri həmin qatarda 20 il əvvəl gedirdi, bəziləri stansiyadan qatara baxıb onunla getmək istəyirdi, amma polislər buna yol vermirdi.

Məndən soruşanda ki, Azərbaycan ilə Almaniyanın Azadlıq Qatarından əlaqəsi nədir, dedim ki, 20 il əvvəl Azərbaycan da öz müstəqilliyini ikinci dəfə qazandı. Amma müstəqilliyi qazanib, azadlığımızı qoruyammadıq. Və istəyirəm ki bu Azadlıq Qatarı bir gün bizim ölkəmizə də gəlsin.

Esmira Məmmədova

“Bu, Azərbaycan hökumətinə heç də yaxşı imic qazandırmır”

2009-10-14T02:23:00.000-07:00

14.10.2009

“Mən kiminsə öz fikirlərini, xüsusilə də insan azadlıqları və insan haqlarına hörmət olunması ilə bağlı mövqeyini açıq ifadə etməsinə görə təzyiqə məruz qalmasını absurd hesab edirəm”.

Çexiyanın keçmiş prezidenti Vatslav Havel azərbaycanlı bloqçular Emin Milli və Adnan Hacızadə barədə belə deyib.

O bildirib ki, bu məlumatlar çox narahatedicidir: “Və Azərbaycan hökumətinə heç də yaxşı imic qazandırmır”.

Emin Milli və Adnan Hacızadə bu il iyulun 8-də “Lebanese” restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Bloqçular ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1851361.html

Bloqqerlərin məhkəməsi təxirə salındı

2009-10-13T02:21:00.000-07:00

3.10.2009

Gənc bloqqerlər - Emin Milli və Adnan Hacızadənin oktyabrın 13-nə təyin olunmuş məhkəməsi təxirə salındı. Buna səbəb prosesdə iştirak etmək üçün xəbərdarlıq edilən “Lebanese” restoranının sahibəsi Şahzeynəb Rüstəmova və zərərçəkənlərin məhkəməyə gəlməməsi idi.

Bundan başqa, Səbail rayon 9-cu polis bölməsinin məsul köməkçisi, şahid kimi dindirilməli olan Sənan Məmmədov da məhkəmədə iştirak etmirdi.

Hakim isə bildirdi ki, Şahzeynəb Rüstəmova və zərərçəkənlərə bir daha rəsmi məlumat göndəriləcək ki, növbəti məhkəmə prosesinə gəlsinlər, çünki onların prosesdə iştirakı vacibdir.

VƏKİLLƏR ETİRAZLARINI BİLDİRDİLƏR

Bloqqerlərin vəkilləri prosesin uzanmasına etirazlarını bildirərək, hakimdən zərərçəkənlərin prosesə məcburi gətirilməsi barədə qərar çıxarmasını istədilər. Hakim isə zərərçəkənlər Babək Hüseynov və Vüsal Məmmədovun nümayəndələrinin də məhkəmədə olmadığını əsas gətirərək dedi ki, əgər onlar növbəti prosesə də qatılmasalar, həmin iclasda məcburi gətirilmə məsələsinə baxılacaq.

Prosesdən sonra Emin Milli və Adnan Hacızadəyə valideynlərilə görüşməyə icazə veridi. Təxminən 45 dəqiqəlik görüşdən sonra valideynlər AzadlıqRadiosuna dedilər ki, övladları saxlanma şəraitindən şikayətlənmirlər. Amma bloqqerlər məhkəmə prosesini “tamaşa” adlandırıblar.

“YUXARIDA HANSISA SSENARiST OTURUB YAZIR”

Valideynlər özləri isə hələ də onlara övladları ilə davamlı görüş verilməməsindən və prosesin uzadılmasından narazıdırlar. Adnan Hacızadənin atası Hikmət Hacızadə:

- Bir balaca davaya görə iki aydır məhkəmə gedir. Nəyə görə məhkəmə iki həftə sonraya təxirə salındı? Bu iki həftəyə nə olacaq? Yuxarıda hansısa ssenarist oturub yazır, hansısa səhifə xoşuna gəlmir, cırır təzədən yazır.

Emin Millinin valideynləri isə hətta oktyabrın 14-ü oğullarının ad günündə belə onunla görüşə icazə verilməməsindən şikayətçidirlər.

Emin Milli və Adnan Hacızadə iyulun 8-də “Lebanese” restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyirlər.

Prosesdə zərərçəkənlər kimi tanınan Babək Hüseynov və Vüsal Məmmədov isə ifadələrində deyiblər ki, iyulun 8-də “Lebanese” restoranında Emin Milli və Adnan Hacızadə, həmçinin onlarla bir masada oturanlar söyüş söyüblər. Onlar buna etiraz edəndə dava düşüb və həmin masada oturanlar Vüsal Məmmədovla Babək Hüseynova hücum ediblər.

Bloqqerlərin növbəti məhkəməsi oktyabrın 27-nə təyin olunub.

http://www.azadliq.org/content/article/1850437.html

Emin Milli: “İstintaq həmişə bizə qarşı qərəzli olub”

2009-10-09T02:19:00.000-07:00

09.10.2009

Adnan Hacızadə ifadəsində onu da deyib ki, hadisədən əvvəl “Vüsal Məmmədovu evimizin qarşısında görmüşəm”.

Daha sonra Emin Milli ifadə verib. O bildirib ki, “istintaq həmişə bizə qarşı qərəzli olub”.

Bundan sonra hakim prosesə gəlməyən polis əməkdaşlarının ifadələrinin elan olunmasını istəyib. Müdafiə tərəfinin vəkilləri isə buna etirazlarının bildiriblər. Belə olan halda hakim həmin polislərin məhkəməyə gəlmələri üçün onlara bir daha teleqram göndəriləcəyini bildirib.

Bununla da növbəti proses başa çatıb.

Oktyabrın 13-ü saat 3-də məhkəmə davam edəcək.

***

Prokuror Adnan Hacızadəyə suallar verir.

***

Adnan Hacızadə məhkəmədə deyib ki, o özünü pasifist hesab edir və heç vaxt zorakılıq tərəfdarı olmayıb.

O, Vüsal Məmmədovla Babək Hüseynovu heç kimin vurmadığını deyib:

“Onlar 9-cu Polis Bölməsində bizdən xahiş elədilər ki, onları bağışlayaq. Mənim təhsilim, tərbiyəm və əxlaqım imkan vermir ki, kiməsə əl qaldıram”.

Adnan Hacızadə deyib ki, tibb eksperti onun burnunu yoxlamayıb.

Ekspertin rəyində Adnan Hacızadənin burnunun sınmadığı və yüngül xəsarət aldığı deyilir.

Adnan Hacızadə: “Mənim qana batmış köynəyim sübut kimi istifadə olunmayıb”.

Bu arada müdafiə tərəfi vəsatət verib ki, Vüsalla Babək haqqında verilmiş ekspert rəyi sübut növü kimi qəbul olunmasın. Çünki ekspertizanın rəyi saxtadır.

Hakim vəsatəti baxılmamış saxlayıb.

***

Emin Milli və Adnan Hacızadə 39-cu Polis Bölməsinin qarşısında çəkilən şəkillərini hakimə göstəriblər.

Bundan əvvəlki proseslərdə şahid qismində ifadə verən polis əməkdaşları demişdilər ki, Emin Milli və Adnan Hacızadəni hadisə baş verən gün “Livan” restoranından onlar aparıblar.

Gənclər isə bunun belə olmadığını, 39-cu Polis Bölməsinə özlərinin getdiklərini bildirmişdilər.

***

Məhkəmə başlayandan sonra vəkil Elton Quliyev çıxış edərək tibbi eksperti Məcid Məmmədovun verdiyi rəyin saxta olduğunu bildirib.

Hazırda isə Adnan Hacızadə ifadə verir.

***

Bu gün saat 15-00-da Səbail rayon Məhkəməsində gənc bloqqerlər – Adnan Hacızadə və Emin Millinin işi üzrə proses davam edir.

Vəkil İsaxan Aşurov AzadlıqRadiosuna bildirib ki, bugünkü məhkəmə iclasında təqsirləndirilən şəxslərin ifadəsi dinləniləcək.

Adnan Hacızadə və Emin Mİlli bu il iyulun 8-də “Livan” restoranında baş verən münaqişədən sonra həbs ediliblər.

Onlar xuliqanlıqda və qəsdən sağlamlığa az ağır zərər vurmada ittiham olunurlar. Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1847332.html

Hakim gənclər barədə həbs qərarını dəyişmədi

2009-10-07T02:12:00.000-07:00

07.10.2009

Oktyabrın 7-də Səbail rayon Məhkəməsində gənc bloqqerlər Emin Milli və Adnan Hacızadənin məhkəməsi davam edib. Prosesdə gənclərin vəkilləri vəsatət qaldıraraq Emin Milli və Adnan Hacızadə barəsində seçilmiş həbs-qətimkan tədbirinin dəyişdirilməsini və bunun girovla əvəzlənməsini hakimdən xahiş ediblər.

Dövlət ittihamçısı isə Cinayət Prosessual Məcəllənin 121.3-cü maddəsini əsas gətirərək deyib ki, yeni dəlillər olmadan artıq bir dəfə rədd edilmiş vəsatət yenidən qaldırıla bilməz. Ona görə də, məhkəmədən bu dəfə də vəsatəti təmin etməməyi xahiş edib.

Hakim vəsatətə baxmaq üçün prosesdə fasilə elan edib və geri qayıdanda vəsatətinin rədd olunduğunu bildirib.

Daha sonra prosesdə məhkəmə eksperti Məcid Məmmədov ifadə verib. Ekspertdən rəyindəki latın terminlərinin izahı soruşulub. Daha sonra rəyin mahiyyəti üzrə vəkillərin suallarını cavablandırıb.

Məcid Məmmədov deyib ki, verdiyi rəyi təsdiq edir. Ancaq o, rəyindəki şübhəli məqamlara dolaşıq cavablar verib.

Məsələn, deyib ki, baş-beyin silkələnməsi ilə adi beyin silkələnməsi arasında fərq var. Vəkil Elton Quliyev isə deyib ki, bu, tibbdə yenilikdir.

Vəkillər ekspertə irad tutublar ki, hadisədən dərhal sonra Vüsal Məmmədova həkimin verdiyi rəydə baş-beyin silkələnməsinin əlamətləri ilə bağlı heç nə göstərilməyib. Amma ekspertin bundan təxminən 10 saat sonra verdiyi rəydə həmin əlamətlərin olduğu göstərilib. Onlar bu ziddiyyəti aydınlaşdırmağı ekspertdən xahiş ediblər. Ekspert isə deyib ki, Vüsal Məmmədova verdiyi rəydə onun bu xəsarəti nə vaxt aldığını dəqiq deyə bilməyəcək.

EKSPERT GÖRMƏDİYİNİ RƏYƏ SALIB

Zərərçəkən Vüsal Məmmədovla bağlı ekspert rəyində onun xəsarət alandan sonra ambulator müalicə olunması yazılıb. Buna açıqlama gətirən ekspert Məcid Məmmədov ambulatory müalicə ilə bağlı əlində heç bir sənəd olmadığını, bunu sadəcə, Vüsal Məmmədovun şifahi deməsi əsasında rəyə saldığını bildirib. Vəkillərin “Vüsal Məmmədovun qulağının qanamasını şəxsən görmüsüzmü” sualına cavabında da ekspert deyib ki, bunu rəyə sadəcə, xəstəlik taxində yazıldığına görə salıb, şəxsən özü görməyib.

Daha sonra vəkillər “Livan” restoranının sahibəsi Şahzeynəb Rüstəmovanın şahid kimi dindirilməsini istəyiblər. Hakim isə deyib ki, xəstəxanadan sənəd gəlib ki, Rüstəmova ötən ay əməliyyat olunub və prosesə gələ bilməyəcək.

Vəkillər Adnanla Emin döyüləndən sonra onların yanında olan daha 7 şahidin də dindirilməsini vacib hesab eləyiblər. Ancaq hakim bu 7 nəfərdən yalnız birinin - Rəşadət Axundovun dindirilməsinə razılıq verib.

SINMIŞ STƏKANLAR

Rəşadət Axundov isə ifadəsində deyib ki, Adnanla Emini xəsarət almış vəziyyətdə görüb. O, Vüsal Məmmədovu 9-cu polis bölməsində gördüyünü və onun xəsarət almadığını da bildirib. Rəçadət Axundov onu da deyib ki, hadisə baş verəndən sonra «Livan» restoranına dostlarının orda qalmış əşyalarını geri götürməyə qayıdıblar. O zaman restoranın inzibatçısı onlardan hesabı ödəməyi istəyib. Hesaba mübahisə zamanı sındırılmış stəkanların pulu da salınıb. Gənclər həmin stəkanları qarşı tərəfin sındırdığını bildirib və bu pulu ödəməkdən imtina ediblər. Restoranın inzibatçısı da bu iradla razılaşıb və sınmış stəkanların pulunu gənclərdən almayıb.

Daha sonra vəkillər zərərçəkənlər Vüsal Məmmədovla Babək Hüseynovun növbəti prosesə gəlməsini də istəyiblər. Hakim də zərərçəkənlərin nümayəndəsindən bu xahişi təmin etməyi istəyib.

Bununla da bugünkü proses başa çatıb.

Növbəti proses oktyabrın 9-u saat 3-də olacaq.

Gənc bloqqerlər – Adnan Hacızadə və Emin Mİlli bu il iyulun 8-də «Livan» restoranında baş verən münaqişədən sonra həbs ediliblər.

Onlar xuliqanlıqda və qəsdən sağlamlığa az ağır zərər vurmada ittiham olunurlar. Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1845538.html

Tomas Hammerberq: Bloqqerlərin həbsi bizi ciddi şəkildə narahat edir

2009-10-01T21:35:00.000-07:00

Oktyabrın 1-də AN Şəbəkəsinin Fransa təmsilçisi Elnur Məcidli və Demokratiya və İnsan Haqları Komitəsinin sədri Çingiz Qənizadə, Avropa Şurasının insan hüquqları üzrə baş komissarı Tomas Hammerberq ilə görüş keçirib.

Tomas Hammerberqin Avropa Şurasının mərkəzi binasında yerləşən ofisində baş tutan görüşdə Azərbaycandakı insan haqlarıyla bağlı problemlərin mövcudluğu müzakirə olunub.

Qarşılıqlı müzakirə şəklində keçən toplantıda başda bloqqerlər Emin Milli və Adnan Hacızadənin həbsi olmaqla, siyasi məhbuslar məsələsi və ölkədə demokratiyanın inkişafına maneçilik törədən amillərə toxunulub.

30 dəqiqəyə yaxın davam edən görüşdə Çingiz Qənizadə ölkədəki demokratik vəziyyətin ürəkaçan olmadığını qeyd edərək baş komissarın dəstəyinin vacibliyini vurğulayıb. Azərbaycandakı insan haqlarıyla bağlı problemlərə toxunan Qənizadə, Avropa Şurasının mövcud vəziyyətə müdaxiləsini istəyib.

Elnur Məcidli, görüşdə AN şəbəkəsini təmsil etdiyini bildirərək AN şəbəkəsinin yaradıcılarından biri olan Emin Milli və OL Gənclər Hərəkatının fəalı Adnan Hacızadənin həbsinin qeyri-qanuni olduğunu və hər iki bloqqerin azadlığa buraxılması üçün Avropa Şurasının dəstəyinin əhəmiyyətini qeyd edib.

Tomas Hammerberq, söhbət əsnasında Azərbaycandakı hazırkı vəziyyətlə bağlı məlumatı olduğunu və bloqqerlər Emin Milli və Adnan Hacızadənin həbsinin ciddi narahatlıq doğurduğunu bildirib.

Azərbaycanla bağlı əsas diqqət etdikləri məsələnin gənc bloqqerlərin həbsi olduğunu bildirən baş komissar , məhkəmə prosesini diqqətlə izlədiklərini söyləyib.

Azərbaycanda milli azlıqlarla bağlı problemlərin olduğunu söyləyən Hammerberq, Talış Mədəniyyət Mərkəzinin rəhbəri Novruzəli Məmmədov həbsxanada vəfat etməsinə şübhəli yanaşdığını bildirib.

Çingiz Qənizadə isə Azərbaycanda milli azlıqlar problemi olmadığını, Novruzəli Məmmədovun və digər məhbusların milli azlıq olduğuna görə yox, siyasi fəaliyyətinə görə həbs edildiyini vurğulayıb.

Baş komissarın Azərbaycanda insan haqlarıyla bağlı əsas hansı məsələnin diqqət mərkəzində olması gərəkdiyi sualına Çingiz Qənizadə siyasi məhbusların mövcudluğu olaraq cavab verib.

18 Mart referendumu ilə Azərbaycanın demokratik prinsiplərdən bir az da uzaqlaşdığını ifadə edən Elnur Məcidli, ölkədə söz və ifadə azadlığının qarşısında ciddi əngəllər olduğunu və hər iki bloqqerin də öz fikirlərinə görə həbs olunduqlarını bir daha qeyd edib.

Görüşdə eyni zamanda həbsdə olan jurnalistlərin azadlığa buraxılması məsələsinə də toxunulub.

Tomas Hamerberq, 2010-cu ilin ilk aylarında Azərbaycana səfər etməyi planlaşdırdığnı və səfəri zamanı qeyd olunan problemlərə toxunacağını və rəsmi görüşlərlə yanaşı, insan hüquqları və demokratiya sahəsində çalışan QHT-lərlə də görüş keçirməyi istədiyini söyləyib.

Görüş, qarşılıqlı sual-cavabdan sonra başa çatıb.

Bloqqerlərin növbəti məhkəməsinə ekspertlər gətiriləcək

2009-10-01T21:31:00.000-07:00

01.10.2009

Oktyabrın 1-də Səbail rayon Məhkəməsində gənc bloqqerlər Emin Milli və Adnan Hacızadənin məhkəmə prosesinin növbəti iclası keçirilib.

ŞAHİD ŞƏKİLİ GÖRƏNDƏN SONRA BÖLMƏNİ XATIRLADI

Məhkəmədə şahidlər ifadə veriblər. Öncə Səbail rayonu 39-cu polis bölməsində növbətçi köməkçisi vəzifəsində çalışan Fərid Hüseynov dindirildi. O, təqsirləndirilən Adnan Hacızadə və Emin Millini tanımadığını, onların hadisə baş verən gün 39-cu bölməyə gəlmədiklərini bildirdi. Həmçinin əlavə etdi ki, təqsirləndirilən şəxslər bölməyə heç bir şikayət ərizəsi də təqdim etməyiblər. Daha sonra təqsirləndirilən şəxslərin vəkilləri şahidin ifadəsini təkzib edən fotoşəkillər – Adnan və Eminin xəsarət almış şəkildə 39-cu polis bölməsində çəkilmiş fotoşəkillərini hakimə təqdim etdilər. Şahid də həmin fotoşəkillərin çəkildiyi məkanın məhz 39-cu polis bölməsi olduğunu təsdiqlədi.

Prokuror vəkillərin bu hərəkətinə etiraz etdi. Hakim fotoların araşdırılacağını bildirdi.

Daha sonra vəkillər növbəti prosesə rəy verən ekspertlərin gətirilməsini istədilər. Məhkəmə bildirdi ki, növbəti iclasda ekspertlər iştirak edəcəklər.

«ONDA BUNU İSTİNTAQ EDİB»

Vəkillər onu da bidirdilər ki, əvvəlki ifadələrində zərərçəkən kimi təqdim olunan Babək Hüseynovla Vüsal Məmmədov hadisədən sonra heç bir KİV-ə münasibət bildirmədiklərini deyiblər. Amma day.az saytında onların müsahibələri və Vüsal Məmmədovun xəsarət almış formada şəkli yerləşdirilib. Vəkillər iddia edirlər ki, əgər zərərçəkmişlər mətbuata məlumat verməyiblərsə, onda bunu istintaq edib və müstəntiq buna görə cavab verməlidir.

Daha sonra Səbail rayonu 9-cu polis bölməsinin əməkdaşı Rövşən Hüseynov şahid kimi dindirildi. Dedi ki, hadisə baş verən gün Adnan və Emin də daxil olmaqla 5 nəfəri bölməyə polis əməkdaşları gətirib: «Təkcə Adnan xəsarət almışdı. Təcili yardım çağırdıq, sonra onlar dındırıldılər». Rövşən Hüseynov onu da dedi ki, şikayət ərizəsi ilə bölməyə yalnız Babək və Vüsal müraciət ediblər.

Şahid kimi dindirilən Səbail rayonu 39-cu polis bölməsinin əməliyyat müfəttişi Murad Səlimov da dedi ki, həmin gün onların bölməsinə heç bir şikayət ərizəsi daxil olmayıb və Adnanla Emini də bölmədə görməyib. Vəkil İsaxan Aşurov yenidən şahidin bu ifadəsini təkzib edən fotoşəkillər təqdim istədikdə dövlət ittihamçısının şikayəti əsasında hakim bunun qarşısını aldı və bildirdi ki, həmin fotoşəkillərin sübut kimi qəbul olunub-olunmaması məsələsinə baxılacaq.

ŞAHİDLƏR VÜSALLA BABƏKİ BÖLMƏYƏ GÜLƏ-GÜLƏ, XƏSARƏTSİZ GƏLDİKLƏRİNİ GÖRÜBLƏR

Daha sonra bloqqerlərlə birlikdə restoranda olan gənclər – Nurəddin Babayev, Bəhram Əhmədli və Ülvi Həsənli dindirildilər. Hər üç şahid münaqişəni qarşı tərəfin törətdiyini bildirdilər. Şahidlərin dediyinə görə, onlar öz aralarında söhbət edən zaman arxa masadan söyüş eşidiblər. Amma buna reaksiya verməyiblər. Daha sonra Vüsalın başı ilə Eminə zərbə vurduğunu, Adnanın Emini müdafiə etməyə cəhd göstərdiyi zaman onun da Vüsal tərəfindən zədə aldığını bildirdilər. Şahidlər xəsarət alan Adnan və Eminin əvvəlcə 39-cu polis bölməsinə, daha sonra 9-cu polis bölməsinə getdiklərini, bölmədə fotoşəkillərinin çəkildiyini təsdiqlədilər. Bəhram Əhmədli onu da dedi ki, həmin gün Vüsalla Babəki 9-cu bölməyə gülə-gülə, xəsarətsiz gəldiklərini də görüb.

PROSES OKTYABRIN 7-DƏ DAVAM EDƏCƏK

Ülvi Həsənli də həmin gün 9-cu polis bölməsində hazırda özünü zərərçəkmiş kimi təqdim edənləri tam sağlam şəkildə gördüyünü bildirdi. Ülvi Həsənli isə onu da əlavə etdi ki, Babək Hüseynovla üzləşdirilən zaman ondan restoranda birinci kimin kimə yaxınlaşdığını soruşub. Babək də ilk olaraq özlərinin bloqqerlər olan masaya yaxınlaşdığını bildirib. Ülvi isə Babəkin şifahi ifadəsi ilə yazılı ifadəsinin üst-üstə düşmədiyini istintaqa bildirəndə Babək dediklərini təkzib edib.

Ülvi Həsənlinin ifadsindən sonra hakim oktyabrın 1-nə olan prosesi başa çatmış élan edib. Növbəti iclas oktyabrın 7-ə təyin edildi.

Prosesi beynəlxalq təşkilatlar və diplomatik korpusun nümayəndələri də izləyirdi. Amerika səfirliyindən Terri Devidson, millət vəkillərindən Pənah Hüseyn də prosesi izləyənlər arasında idi.

Gənclər iyulun 8-də «Livan» restoranında baş verən münaqişədən sonra həbs ediliblər.

Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyirlər.

Məqalənin əsli burada

Yalançı şahidləri 6 aydan 6 ilə qədər həbs gözləyir

2009-09-30T21:32:00.000-07:00

30.09.2009

Gənc bloqqerlər Adnan Hacızadə və Emin Millinin məhkəməsində ittiham tərəfinin əksər sübutları təsdiqini tapmır. Adnan Hacızadənin atası Hikmət Hacızadə deyir ki, artıq ittiham aktı işdə zərərçəkən kimi tanınan Vüsal Məmmədovla Babək Hüseynovun ifadələrindən asılı vəziyyətdə qalıb. Onun fikrincə, bu ifadələr də başqa şahid ifadələri ilə təsdiq edilmədiyindən işin qurama olduğu üzə çıxmaqdadır.

SABUN KÖPÜYÜ YOXSA TUTARLI SÜBUTLAR?

Vüsal Məmmədovla Babək Hüseynov ifadələrində bildirmişdilər ki, hadisənin baş verdiyi zaman «Livan» restoranında iki əcnəbi qadın olub və Adnan Hacızadə orada söyüş söydüyündən ondan sakit olmalarını istəyiblər.

Ancaq Hikmət Hacızadə yada salır ki, həmin vaxt restoranda iki əcnəbi qadının olmasını başqa heç bir şahid ifadəsi təsdiq etmir. Hətta məhkəməyə ifadə verən polislər belə bu barədə heç nə deməyiblər. Üstəlik, polislərin ifadəsində nə Adnan Hacızadə və Emin Millinin zorakı əməlləri, nə də Vüsal Məmmədovla Babək Hüseynovun xəsarət almaları ilə bağlı nəsə var:

- Onda müstəntiq nədən müəyyən edib ki, bu iki gənc günahkardır? O birilərin ifadəsi bir-birinə ziddir və müdafiə tərəfi bu ifadələri alt-üst edən sübutları məhkəməyə təqdim edəcək.

Polis ifadələri işdə zərərçəkən kimi təqdim edilən insanların ifadələrini təsdiq etməsə də, müdafiə tərəfi onların da çıxışından narazı qalıb. Hikmət Hacızadə bildirib ki, müstəntiq və yalançı şahid ifadələri ilə bağlı məhkəməyə şikayət etmək niyyətindədirlər.

6 AYDAN 6 İLƏ QƏDƏR HƏBS

Azərbaycanın Cinayət Məcəlləsinə görə, zərərçəkən və ya şahid bilərəkdən məhkəməyə yalandan ifadə verirsə, onu 6 aydan 6 ilə qədər həbs gözləyir. Hüquqşünas Fuad Ağayev deyir ki, bloqqerlərin işində Hikmət Hacızadə də yalançı şahid ifadələri ilə bağlı məhkəmə iddiası qaldıra bilər:

- Məhkəməyə gələn hər bir şahid ifadə verməkdən imtinaya və bilərəkdən yalan ifadə verməyə görə məsuliyyətlə bağlı xəbərdar edilir. Bununla bağlı dilindən iltizam da verir. Əgər məhkəmədə sübut olunsa ki, yalan ifadə bilərəkdən olub və qərəzli xarakter daşıyır, onun haqqında məsuliyyət qaldırıla bilər.

Ancaq Fuad Ağayevin sözlərinə görə, hələ Azərbaycanda elə belə bir halla rastlaşmayıb ki, hüquq-mühafizə əməkdaşları yalandan qərəzli ifadə verdiklərinə görə məsuliyyətə cəlb edilsinlər. Bununla belə, müdafiə tərəfi əmindir ki, əgər ədalətli məhkəmə araşdırması aparılacaqsa, işin qurama olduğu üzə çıxacaq və gənclər azadlığa buraxılacaqlar.

GƏNCLƏRİN AZADLIĞI ƏDALƏTLİ MƏHKƏMƏDƏN ASILIDIR?

«Zerkalo» qəzetinin şərhçisi Azər Rəşidoğlu isə deyir ki, yalnız müstəqil məhkəmələrdə ədalətli araşdırma nəticəyə təsir göstərə bilər. Onun fikrincə, müstəqil olmayan məhkəmələrdə siyasi işlərin nəticəsi icra hakimiyyətinin sifarişindən asılı olur:

- Sadəcə, gənc bloqqerlərin həbsi bütün dünyada ciddi təpki ilə qarşılandı və Azərbaycan hökumətinə təzyiqlər artdı. Bu mənada gənclərin hansısa formada azadlığa buraxılacağına ümid bəsləmək olar.

Azər Rəşidoğlu düşünür ki, indi ittiham tərəfinin arqumentlərinin alt-üst olunmasının hər şeydən çox ictimai əhəmiyyəti var.

Məqalənin əsli burada

Bir məhkəmə iclası da arxada qaldı...

2009-09-29T21:34:00.000-07:00

29.09.2009

Adnan Hacızadənin atası Hikmət Hacızadə AzadlıqRadiosuna deyib ki, yalançı şahidləri və müstəntiqi məhkəmə icraatına cəlb etmək istəyir. O, yalançı şahidlər dedikdə, bu gün məhkəmədə ifadə verən polisləri nəzərdə tutub.

Onun sözlərinə görə, Emin Milli və Adnan Hacızadə döyüldükdən sonra bölməyə özləri getdikləri halda, polislər məhkəmədə bunun əksini iddia eləyiblər.

Hikmət Hacızadə məsələ ilə bağlı yerli və beynəlxalq hüquqşünaslarla məsləhətləşəcəyini deyir.

***

Bütün arzu edənlər, o cümlədən bəzi jurnalistlər prosesə buraxılmadılar. Məhkəmədə nəinki diktafon və fotoaparatdan istifadəyə imkan verilmədi, hətta mobil telefondan sosial şəbəkələrə mesaj göndərənlər belə prosesdən çıxarılırdılar.

Proses gedə-gedə bir neçə nəzarətçi insanlara nəzarət edirdilər ki, kimsə kənara informasiya ötürməsin. Həmin adamların ya telefonları söndürülür, ya da prosesdən çıxarılırdılar.

Bəzi şahidlərin, o cümlədən polislərin ifadələri zalda gülüşə səbəb oldu. Ona görə də həm hakim, həm də nəzarətçilər zaldakı insanlardan nizam-intizama riayət eləməyi tələb etdilər.

Müdafiə tərəfi ilə ittiham tərəfi arasında şahidlərin dindirilməsi ilə bağlı tez-tez mübahisə yaranırdı. Tərəflər bir-birindən şahidlərə yönəldici suallar verməməyi tələb eləyirdilər.

Vəkil İsaxan Aşurovun şahidlərə Emini Milli ilə Adnan Hacızadənin xəsarət aldığını əks etdirən fotoşəkillərini göstərməsi dövlət ittihamçısının qəzəbinə səbəb oldu.

Həmin fotolar gənc bloqqerlərin istintaqın iddiasının əksinə olaraq polisə özlərinin getdiyini göstərirdi.

Dövlət ittihamçısı vəkilə irad tutdu ki, bu şəkillər sübutların siyahısına aid edilməyib, ona görə də şahidlərə göstərilməməlidir.

Vəkil Elton Quliyev isə dedi ki, heç bir qanunda göstərilməyib ki, sübutlar prosesin əvvəlində təqdim edilməlidir, bu, prosesin gedişində də edilə bilər:

«Bizim məqsədimiz ədalətli araşdırmaya nail olmaqdır».

***

Proses qurtardıqdan sonra məhkəmə binasının qarşısında Emin Milli ilə Adnan Hacızadəyə azadlıq tələbi ilə şüarlar səsləndirilib.

***

Proses bu günlük yekunlaşdı. Növbəti məhkəmə baxışı oktyabrın 1-i saat 3-ə təyin edildi.

***

Daha sonra bloqqerlərlə birlikdə restoranda olan Orxan Qafarlı ifadə verdi. O, ifadəsində deyib ki, «biz restoranda oturmuşduq, axırda Adnan Hacızadə gəldi. Adnanın gəlməyindən beş-on dəqiqə sonra Babək və Vüsal gəldi. Oturub söhbət edirdik. Vüsal yaxınlaşdı. Eminə dedi ki, nə deyirsən? Emin dedi ki, heç nə demirəm, biz söhbət eləyirik. Sonra Vüsal Emini kəllə ilə vurdu. Adnanı da vurdu. Babək isə söyüş söyməyə başladı. Sonra biz getdik 39-cu Polis Bölməsinə. Bölmədən bizə dedilər ki, ora bizim ərazimiz deyil. Gedin Səbailə, dedik ki, uşaqlar yaralıdırlar, gedə bilmirik, zəng elədilər, polis maşını gəldi. Polis maşını ilə 9-cu Polis Bölməsinə getdik. Bizi ekspertizaya apardılar. Vüsalla Babək orda bizdən xahiş elədilər ki, bir səhvdir eləmişik, bizi bağışlayın. Sonra müstəntiq elan elədi ki, siz saxlanılırsız, onları da buraxdılar».

Daha sonra digər şahid Pərviz Atayev də ifadə verib.

***

Prosesdə dindirilən «Livan» restoranının aşpazı Araz Allahverdiyev belə ifadə verib: «Mən içəri girdim. Mənə dedilər ki, içəridə dava düşüb. Gördüm bir nəfər yıxılıb. Bir nəfər də ayaqüstədir. Mən ayaqüstə olanı arxadan qucaqladım. Amma bilmədim ki, ayaqüstə olan kimdir, yıxılan kim».

AzadlıqRadiosunun məhkəmədəki müxbiri xəbər verir ki, aşpaz Adnanla Eminlə baxıb «bunları tanımıram, bəlkə də onlar idi, bəlkə də yox. İçəri yarıqaranlıq idi. Sonra müdiriyyət gəldi və mən işimin arxasınca getdim» - deyib.

Polislərdən Zahid Daşdəmirov isə ifadəsində deyib ki, «həmin gün Suriya prezidenti Bakıya gəlirdi, biz əraziyə nəzarət eləyirdik. «Livan» restoranının qarşısından keçəndə bir nəfər bizə dedi ki, içəridə davadır. Girdik içəri, gördük ki, Eminin ayağı cızılıb, Adnanın da burnu qanayıb, dəsmalla tutmuşdu. Biz bu iki nəfəri və Orxanı (Qafarlı -B.B.) götürüb polisə gəldik».

Bu zaman gənc bloqqerlərin vəkilləri sual veriblər: Siz içəri girəndə kimlərsə dalaşırdılarmı?

Polis deyib ki, «mən dalaşanları görmədim. Restoranın sahibi mənə dedi ki, iki stoldan bir-birilərinə bakal atıblar. Mən də yerdə şüşə qırıntıları gördüm».

Vəkillər soruşublar ki, «niyə məhz bu üç nəfəri polisə apardınız?».

Zahid Daşdəmirov buna izah verə bilməyib.

İfadə verən başqa bir polis - Bəşir Bəşərov isə deyib ki, «gördük bunlar xəsarət alıblar, dedik, xəsarət alıblarsa, bunlar dalaşıblar, ona görə apardıq».

Hər iki polis etiraf eləyib ki, içəridə bu iki nəfərdən başqa xəsarət alan görməyiblər.

Bu vaxt prokuror Zahid Daşdəmirovun yadına salıb ki, «sən ifadəndə yazmısan ki, Babək adlı bir nəfər qarnını tutub divara qısılmışdı».

Zahid Daşdəmirov isə deyib ki, «mən xatırlamıram, əgər ifadəmdə yazmışamsa, deməli, elə olub».

***

«Twitter»də yerləşdirilmiş daha bir məlumata görə, ATƏT-in Bakıdakı nümayəndəsi məhkəmə prosesinə qoşulmaq niyyətindədir.

***

«Twitter» sosial şəbəkəsində yerləşdirilmiş məlumata görə isə, hazırda polis əməkdaşları şahid qismində dindirilir.

***

«Facebook» sosial şəbəkəsində yerləşdirilmiş daha bir məlumatda isə deyilir ki, «Lebanese» restoranının sahibi prosesdə deyib ki, Adnanla Emini həmin gün restoranda görməyib.

***

«Facebook» sosial şəbəkəsində yerləşdirilmiş məlumatlara əsasən, hazırda prosesdə şahidlər dindirilir.

***

Bu gün Səbail rayon Məhkəməsində gənc bloqqerlər Emin Milli və Adnan Hacızadənin məhkəməsi başlayıb.

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər.

Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyirlər.

Məhkəmə binasının önündə isə toplaşanların sayı artır.

Məqalənin əsli burada

H.Klinton Azərbaycanda insan haqları ilə bağlı suallar qaldırıb

2009-09-29T21:33:00.000-07:00

29.09.2009

Dövlət katibi Hillari Klinton Azərbaycanın xarici işlər naziri Elmar Məmmədyarovla görüşdə “Azərbaycanda insan haqlarının və demokratiyanın vəziyyəti ilə bağlı vacib suallar qaldırıb”.

Bunu Dövlət Katibinin Avropa və Avrasiya məsələləri üzrə köməkçisi Filip Qordon keçirdiyi mətbuat konfransında deyib.

Hillari Klinton görüşdə bloqqerlərin döyülməsinə və tutulmasına toxunub. O, Məmmədyarovun diqqətinə çatdırıb ki, “bloqqerlərin işi ilə bağlı açıq və ədalətli prosesi görmək istərdi.”

Filip Qordona sual verilib ki, Türkiyə ilə Ermənistanın münasibətlərinin normallaşmasının Azərbaycan təsiri nə olacaq?

Qordon deyib ki, Dağlıq Qarabağ prosesi irəli gedir.

Ancaq Türkiyə ilə Ermənistan münasibətlərinin normallaşmasına heç bir ilkin şərt qoyulmur.

Məqalənin əsli burada

Adnan haqda Hikmətli sözlər

2009-09-25T21:48:00.000-07:00

Hikmət Hacızadə oğlu, həbsdə saxlanılan bloqqer Adnan haqda danışır. Ülviyyə Əsədzadənin videosüjeti

http://www.azadliq.org/video/3273.html

Elmar Məmmədyarov Kolumbiya universitetində əsəbiləşib

2009-09-23T21:43:00.000-07:00

23.09.2009

Sentyabrın 22-də Azərbaycan XİN rəhbəri Elmar Məmmədyarov ABŞ-ın Kolumbiya Universitetinin tələbələri qarşısında çıxış edib.

Universitetdəki mənbədən Turana verilən məlumata görə, sual-cavab zamanı nazir əsəbiləşməli olub, belə ki, 12 sualdan 6-sı bloggerlər Adnan Hacızadə və Emin Millinin məhkəmə işinə Aid olub və Məmmədyarov Azərbaycanda “adi xuliqanlıq” hadisəsinin hansı səbəbdən böyük siyasi qalmaqala çevrildiyini, döyülənlərin niyə həbsə düşdüyünü, basqınçıların isə azadlıqda gəzdiyini heç cür izah edə bilməyib. Belə “niyə”lərın sayı çox olub və nazir Azərbaycan haqqında mənfi məlumatları “düşmənlərimizin” yayması kimi ənənəvi cavablarla vəziyyətdən çıxmalı olub.

Başqa mövzulara gəlincə, nazir Qarabağ nizamlanması, Rusiyanın rolu və Qəbələ RLS barədə danışıb.

Video:

Bloqqerlərin növbəti məhkəmə iclası necə keçdi...

2009-09-18T21:42:00.000-07:00

18.09.2009

Proses başa çatandan sonra hakim gənclərlə valideynlərinin və yaxınlarının görüşməsinə icazə verib.

Proses sentyabrın 25-də davam edəcək.

***

«MƏN NƏ SÖYÜŞ EŞİTMİŞƏM, NƏ DƏ HÜNDÜRDƏN DANIŞIQ»

Restoranda çalışan ofisiant qız ifadəsində deyib xidmət etdiyi zaman restoranda nə söyüş, nə də hündürdən danışıq eşidib:

«Mən xidmət elədiyim zaman nə söyüş eşitmişəm, nə də hündürdən danışıq. Sadəcə musiqi səsi gəlirdi…»

***
MƏHKƏMƏDƏ RESTORANDA ÇALIŞAN OFİSİANT QIZ İFADƏ VERİB

O, hadisə baş verəndə içəridə 9 nəfərdən (Emin Milli, Adnan Hacızadə və dostları, həmçinin Babək Hüseynov, Vüsal Məmmədov) başqa şəxslər olmadığını deyib.

Məlumat Twitter sosial şəbəkəsinə yerləşdirilib.

Əvvəlki ifadəsində V.Məmmədov bildirmişdi ki, o Adnanın qızların yanında söyüş söyməsinə irad tutmasından sonra mübahisə yaranıb.

***

«ƏRİZƏ ONA DEYİLİR Kİ, POLİS DEYİR SƏN DƏ YAZIRSAN»

Sentyabrın 18-də Səbail rayon məhkəməsində gənc bloqqerlər Emin Milli və Adnan Hacızadənin məhkəməsində zərərçəkən Babək Hüseynov ifadə verib.

O, idmanın güləş növü ilə məşğul olduğunu bildirib. O, iyulun 8-də «Lebanese» restoranında Adnanın söyüş söydüyünü eşidib və onu nəzakətli olmağa, susmağa çağırıb. «Bu vaxt Emin gəlib Vüsalı vurdu».

Emin Milli ona sual verib:
- Vüsal mənə nə dedi ki, onu vurdum?
- Dedi ki, lazım deyil.
- Elə buna görə…

B.Hüseynov hadisə ilə bağlı polisdə ərizə yazdığını bildirib.

Vəkil Elton Quliyev:
- Ərizə nəyə deyilir?
- Ərizə ona deyilir ki, polis deyir sən də yazırsan.

B.Hüseynov onu bildirib ki, Adnan onu vuranda yıxılıb və burnu zədələnib: «Burnu harasa dəydi, mən vurmadım».

O, səhəri günü Vüsalla birlikdə ekspertizaya, daha sonra çayxanaya getdiklərini bildirdi. «Çayxanada Vüsal özündən getdi, mən də onu xəstəxanaya apardım».

Digər vəkil İsaxan Aşurov B.Hüseynovun hansısa KİV-ə müsahibə verməsi ilə maraqlanıb. O, heç bir yerə müsahibə vermədiyini deyib.

«Lebanese» restoranın müdiri İlkin Əlizadə ifadə verib. O, hadisə zamanı restorana 40-50 manat ziyan dəydiyini söyləyib və həmin zərərdən şikayətçi olmadığı deyib. İ.Əlizadə yalnız stolların aşdığını və bir neçə boşqabın sındığını əlavə edib.

Müdir hadisə zamanı təqsirləndirilən və zərərçəkmişlərdən əlavə içəridə bir neçə ingilis qonağın olduğunu xatırlayıb. Ancaq onların qadın və ya kimi olduğunu yadına sala bilməyib.

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu bildirirlər.

http://www.azadliq.org/content/article/1825995.html

Adnan Hacızadə hakimə «təşəkkür» etdi

2009-09-18T21:41:00.000-07:00

18.09.2009

Adnan Hacızadə məhkəmə zalında barmaqlar arxasındakı stulların dəyişdirilməsinə görə hakimə təşəkkür edib. Bu barədə məhkəmə zalından kimsə Twitter sosial şəbəkəsində məlumat yerləşdirib.

Həmin məlumatda o da bildirilir ki, zərərçəkən Babək Hüseynov deyib ki, restoranda Adnan Hacızadə onu itələyərkən yıxılıb və burnu zədələnib.

B.Hüseynov hadisə barədə polisə şikayət ərizəsi yazdığını deyib. Ərizədə nə yazıldığını soruşduqda isə o bildirib ki, «polis nə deyibsə, onu da yazıb».

Biz bu məlumatların nə qədər dəqiq olduğunu bilmirik.

Məhkəmədən hazırda hansısa informasiya almaq mümkün deyil.

GƏNC BLOQQERLƏRIN MƏHKƏMƏSİ BAŞLADI

Sentyabrın 18-də Səbail rayon məhkəməsində gənc bloqqerlər Emin Milli və Adnan Hacızadənin məhkəmə prosesi başlayıb.

AzadlıqRadiosunun əməkdaşı xəbər verir ki, məhkəmə salonuna əlavə stullar qoyulub. Buna görə də əvvəlki prosesdə olduğu kimi məhkəmənin qarşısı qələbəlik deyil.

Bu dəfə ki məhkəmə iclasında beynəlxalq təşkilatların təmsilçiləri ilə yanaşı daha çox xarici jurnalist iştirak edir.

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu bildirirlər.

http://www.azadliq.org/content/article/1825869.html

Gənclərin valideynlərinin iddiaları təmin edilmədi

2009-09-18T21:39:00.000-07:00

18.09.2009

Emin Milli və Adnan Hacızadənin valideynlərinin iddiaları təmin edilmədi.

Sentyabrın 18-də Səbail Rayon Məhkəməsində işə baxan hakim Elnur Həsənov belə qərar verib.

Gənclərin valideynləri qərardan apellyasiya şikayəti verəcəklərini bildiriblər.

Valideynlər istintaq müddətində övladları ilə görüşə icazə vermədiyi üçün Səbail rayon Polis İdarəsinin müstəntiqi Ziya Əliyevi məhkəməyə vermişdilər.

Adnanın atası Hikmət Hacızadə müstəntiqdən görüşə icazə verilməyən hər gün üçün 20 manat təzminat tələb edirdi.

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar. Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1825762.html

Beynəlxalq ictimaiyyət gənc bloqçuların azad olunmasını istəyir

2009-09-17T21:39:00.000-07:00

17.09.2009

ABŞ Dövlət Departamenti Adnan Hacızadə və Emin Millinin həbsi ilə bağlı konqresmen Ceyms Moranın sorğusunu cavablandırıb. “Turan”ın Vaşinqtondakı müxbirinə istinadən yaydığı məlumatda bildirilir ki, cavabda ABŞ-ın əvvəlki kimi gənc bloqçuların həbsdə saxlanılmasından narahat olduğu vurğulanır. Dövlət katibinin hüquq məsələləri üzrə köməkçisi Maykl Polt tərəfindən imzalanmış məktubda bildirilir ki, bu narahatçılıq bloqçuları azad etmək çağırışı ilə birgə Azərbaycanın ali rəhbərlərinin nəzərinə çatdırılıb. Daha sonra məktubda Dövlət Departamentinin bu məsələni Azərbaycan hakimiyyəti qarşısında qoyacağı qeyd olunur.

Qeyd edək ki, konqresmen Ceyms Moran avqustun 24-də dövlət katibi Hillari Klintona müraciət edərək Adnan Hacızadə və Emin Millinin işində pozulmuş ifadə azadlığını müdafiə etməyə çağırıb”.

“Sərhədsiz reportyorlar” təşkilatı isə Adnan Hacızadə və Emin Millinin cinayət işinə baxan hakim Araz Hüseynova müraciət edərək, gəncləri azad etməyə çağırıb. “Sizi Adnan Hacızadə və Emin Millini azad etməyə çağıran hüquq müdafiəçiləri və hökumətlərin səsini eşitməyə çağırırıq. Onlar siyasi səbəbdən həbs edilib və onlar qarşı irəli sürülən ittihamlar tamamilə əsassızdır - deyə müraciətdə bildirilir. Müraciəti http://www.rsf.org/Court-confirms-pre-trial-detention.html linkində tam oxuya bilərsiniz.

Xatırladaq ki, Emin Milli və Adnan Hacızadə 8 iyul tarixində axşam saatlarında dostları ilə Bakıda “Lebonese” (Livan) restoranında yemək yeyərkən qonşu masada onların söhbətini dinləyən idmançı görkəmli iki nəfər təxribatçı hücum edərək, Emin Milli və Adnan Hacızadəni döyərək, onlara xəsarət yetirib. Zərərçəkmiş şəxs qismində şikayət etmələrinə və xəsarət almalarına baxmayaraq, Səbail RPİ onlara xəsarət yetirənləri sərbəst buraxmış və döyülən gənclərin 48 saat müddətinə şübhəli şəxs qismində saxlanmasına qərar vermiş, iyulun 10-da isə Səbail rayon məhkəməsi “xuliqanlıq” maddəsi ilə təqsirləndirilən gənclər barəsində 2 aylıq həbs-qətimkan tədbirinin seçilməsi ilə bağlı qərar çıxarıb. İyulun 20-də Apellyasiya məhkəməsi sözügedən qərarı qüvvədə saxlayıb. İstintaqın yekununda gənclərə qarşı 221.1.2 (xuliqanlıq) və 127 (qəsdən bədənə az ağır xəsarət yetirmə) maddələri ilə ittiham irəli sürülüb və iş baxılması üçün məhkəməyə göndərilib.

http://www.irfs.az/content/view/2851/28/lang,az/

“Sərhədsiz reportyorlar” hakim Araz Hüseynovu blogerləri azad etməyə çağırıb

2009-09-17T21:37:00.000-07:00

17.09.2009

“Sərhədsiz reportyorlar” azad mətbuatın beynəlxalq müdafiə təşkilatı hakim Araz Hüseynova müraciət edərək onu blogerlər Adnan Hacızadə və Emin Millinin azad etməyə çağırıb. “Sizi Adnan Hacızadə və Emin Millinin azad etməyə çağıran hüquq müdafiəçiləri və hökumətlərin səsini eşitməyə çağırırıq” - deyə təşkilatın iyulun 8-də Bakıdakı “Lebanez” restoranında baş vermiş hadisədə xuliqanlıq və bədən xəsarəti yetirməkdə təqsirləndirilən blogerlərinin sentyabrın 16-da başlanan məhkəmə prosesi ilə əlaqədar olan müraciətində bildirilir. “Onlar siyasi səbəbdən həbs edilib və onlar qarşı irəli sürələn ittihamlar tamamilə əsassızdır. Sentyabrın 4-də keçirilən hazırlıq iclasında məhkəmənin yalnış qərarı səbəbindən onların müdafiə hüququnun pozulmasından hiddətlənmişik” - deyə müraciətdə bildirilir. Həmçinin, güya “dövlət sirlərinə” görə məhkəmənin qapalı keçirilməsi cəhdləri də nəzərdə tutulur. Təşkilat həmçinin hadisə yerindən videoçəkilişlərin işə əlavə edilməsi ilə bağlı vəsatətin rədd edilməsi və hakimin məhkəməyə qədər hər iki blogeri azad etməkdən imtina etməsini də pisləyir. “Hakimin bu qərarı İnsan Haqlarına dair Avropa Konvensiyası və Vətəndaş və Siyasi Hüquqlara dair Beynəlxalq Konvensiyaya ziddir. Hakimlərin valideynlərinin Adnan və Eminlə görüşməsinə icazə verməməsi İnsan Haqlarına dair Avropa Konvensiyasının pozulmasıdır” - deyə müraciətdə qeyd olunur.

DÖVLƏT DEPARTAMENTİ BLOGERLƏRİN İŞİNDƏN NARAHATDIR

ABŞ əvvəlki kimi blogerlər Adnan Hacızadə və Emin Millinin həbsi və həbsdə saxlanılmasından narahatdır, deyə ABŞ Dövlət Departamentinin blogerlər Adnan Hacızadə və Emin Millinin həbsi ilə bağlı konqresmen Ceyms Mopanın sorğusuna cavabında bildirilir.

Turanın Vaşinqton müxbirinin verdiyi məlumata görə, Dövlət Departamentinin cavabı dövlət katibinin hüquq məsələləri üzrə köməkçisi Maykl Polt tərəfindən imzalanıb.

“Narahatçılığımız blogerləri azad etmək çağırış ilə birgə Azərbaycanın ali rəhbərlərinin nəzərinə çatdırılıb” - deyə Poltun cavabında bildirilir. Daha sonra məktubda Dövlət Departamentinin bu məsələni Azərbaycan hakimiyyəti qarşısında qoyacağı qeyd olunur.

Konqresmen Ceyms Moran avqustun 24-də dövlət katibi Hillari Klintona Adnan Hacızadə və Emin Millinin işində pozulmuş ifadə azadlığını müdafiə etməyə çağırıb”.

http://www.contact.com.az/index.php?type=news&lang=az&news_id=13293

Bloqqerlərin məhkəməsi sentyabrın 18-də davam etdiriləcək

2009-09-16T21:28:00.000-07:00

16.09.2009

Sentyabrın 16-da Səbail rayon məhkəməsində gənc bloqqerlər Emin Milli və Adnan Hacızadənin məhkəmə prosesi davam edib.

Gənc fəalları məhkəməyə gətiriblər.

Prokuror Ceyhun Kərimov ittiham aktını oxuyub. Prokuror bildirib ki, iyulun 8-də Emin Abdullayev (Milli) və Adnan Hacızadə Bakının mərkəzində «Livan» restoranın bir neçə şəxslə dava ediblər. Dava nəticəsində Vüsal Məmmədov və Babək Hüseynov adlı şəxslər döyülüb.

Daha sonra zərərçəkənlər kimi təqdim olunan Babək Hüseynov və Vüsal Məmmədov ifadə veriblər.

Onlar deyiblər ki, iyulun 8-də «Livan» restoranında bir qız müştərinin qonşu masaya acıqla baxdığını müşahidə ediblər. Sonra bəlli olub ki, həmin masadakı Emin Milli və Adnan Hacızadə, həmçinin onlarla bir masada oturanlar söyüş söyürlər.

Vüsal Məmmədov və Babək Hüseynov buna etiraz edəndə dava düşüb, həmin masada oturanlar onlara hücum ediblər. Onların dediklərinə görə, onlar Adnan Hacızadə və Emin Milliyə barışıq təklif ediblər, amma Milli və Hacızadə barışığı qəbul etməyiblər, polisə şikayət ediblər.

Qarşı tərəfin vəkilləri soruşanda ki, o halda niyə şikayət edən şəxslər dəmir barmaqlıqlar arasındadır, zərərçəkənlər cavab verə bilməyiblər.

Məhkəmə prosesi sentyabrın 18-də davam etdiriləcək.

Adnan Hacızadə və Emin Milli bu il iyulun 8-də «Livan» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyir.

http://www.azadliq.org/content/article/1824268.html

Zərərçəkənin ziddiyyətli ifadələri hakimi də güldürdü

2009-09-16T21:26:00.000-07:00

16.09.2009

Sentyabrın 16-da Səbail Rayon Məhkəməsində bloqqerlər Emin Milli və Adnan Hacızadənin işi üzlə məhkəmə prosesi davam etdi. Proses başlayana qədər isə məhkəmə zalının qarşısında toplaşanlarla polis arasında daha bir qarşıdurma yaşandı. Polis prosesi izləməyə gələn və üzərində «Mən də xuliqanam» yazılan köynəklər geyən 6 nəfəri saxlayıb polis bölməsinə apardı. Binanın qarşısına məhkəmə prosesini izləmək istəyən xeyli vətəndaş toplaşsa da, onların çoxunu məhkəmə zalına buraxmadılar. Məhkəmə nəzarətçiləri yalnız təqsirləndirilən şəxslərin yaxınlarının, beynəlxalq qurumların yerli nümayəndəliklərinin təmsilçilərinin və bir neçə jurnalistin zala keçməsinə imkan verdi.

İTİRİLƏN AÇAR

Daha sonra Emin Milli və Adnan Hacızadə məhkəmə zalına gətirildi. Onların əlləri arxa tərəfdən qandallanmışdı. Onlar dəmir barmaqlıqlar arasına salınandan sonra da bəlli oldu ki, qandalların açarı yoxa çıxıb. Bir neçə dəqiqədən sonra isə açar tapıldı. Elə proses başlayanda vəkillərin ilk etirazı da bununla bağlı oldu.

Bloqqerlərin vəkilləri İsaxan Aşurov və Elton Quliyev etiraz edərək bildirdilər ki, onların ictimaiyyət arasına əlləri arxadan qandallanmış şəkildə çıxarılması qanunvericilikdə pis rəftar sayılır və yolverilməz hesab olunur. Onlar bərabər məhkəmə hüququnun təmin edilməsi üçün bloqqerlərin əllərinin qandallanmaması və dəmir barmaqlıqlar arasına salınmaması ilə bağlı vəsatət qaldırdılar. Hakim prosesin gedişində qanunvericiliyin tələblərinə uyğun qərar qəbul ediləcəyini bildirdi.

Daha sonra isə İsaxan Aşurov sübutların siyahısı ilə bağlı vəsatət qaldırdı. O bildirdi ki, olay baş verən ərazilərdəki videonəzarət qurğularından görüntülərin alınması, işdə zərərçəkmiş kimi tanınan şəxslərin mobil telefonlarının yoxlanması, bloqqerlərin polisə gətirilərkən çəkilən şəkilləri sübutlara əlavə edilməlidir.

Hakim vəsatətin qismən təmin etdi. Daha sonra isə prokuror ittiham aktını elan etdi. İttiham aktına görə, bloqqerlər iyulun 8-də «Livan» restoranında Babək Hüseynov və Vüsal Məmmədovu döyüb və onlara az ağır bədən xəsarəti yetiriblər.

Bloqqerlər isə ittihamı qəbul etmədiklərini və özlərini bu məsələdə təqsirli bilmədiklərini dedilər. Bundan sonra məhkəmə prosesi zərərçəkmiş kimi tanınan Vüsal Məmmədovun ifadələrilə davam etdi. O bildirdi ki, restoranda qarşı masada əyləşən qızların bloqqerlər əyləşən masaya acıqlı nəzərlərlə baxmasından başa düşüb ki, qız onların söydüyü söyüşdən xoşlanmayıb. Buna görə də Emingilin masasında əyləşənlərə irad tutub. Nəticədə oradakı 7-8 nəfər hücum edərək onu və Babəki döyüb. Bir neçə dəqiqədən sonra olay yerinə 2 polis maşını gəlib və onları 9-cu polis bölməsinə aparıb.

SANKT-PETERBURQ UNİVERSİTETİNİN BAKI KORPUSU

İfadəsi boyu Vüsal bir neçə ziddiyyətli fikir səsləndirdi. Vəkillərin suallarına cavab verəndə isə bir neçə dəqiqə öncə söylədiyi fikirləri xatırlamadığını dedi. Şəxsiyyətinin təsdiq edilməsilə bağlı İsaxan Aqşurovun suallarına cavab verən Vüsal Məmmədov bildirdi ki, ali təhsillidir. Vəkilin «siz hansı ali məktəbi bitirmisiniz» sualına isə çox düşündükdən sonra «Sankt-Peterburq Universitetinin Bakı korpusunu» cavabını verdi. Daha sonra isə dedi ki, İdman Akademiyasının yüngül atletika fakultəsini bildirib.

Çox cüssəli görünüşü olan Vüsalın bu sözündən sonra hakim də daxil olmaqla zaldakılar xeyli güldü. Vəkilin «siz bədəninizin hansı nahiyəsindən zədə almısınız» sualına isə Vüsal «başımdan» cavabını verdi. Ancaq başına konkret nəyin dəydiyini heç cür yadına sala bilmədi. Yalnız onu xatırladı ki, davadan bir neçə gün sonra özünü pis hiss edib və öz sözləri ilə desək, «xəstəxananın başdan xəsarət alanlar üçün olan bölməsində» müalicə alıb.

İstintaq materiallarına görə, onun xəstəxanadakı müalicə həkiminin adı Fərid Məmmədbəyovdur. Ancaq o, Elton Quliyevin bununla bağlı sualına cavabında bu adda həkim tanımadığını dedi.

Daha sonra Babək Hüseynov ifadə verdi. Vüsalın dediklərini təkrarlayan Babək bildirdi ki, o, 9-cu bölmədə və Səbail rayon polisinin binasında Adnanın üzündə, Eminin isə əlində xəsarət olduğunu görüb. İş günü başa çatdığı üçün hakim Azad Hüseynov prosesi sentyabrın 18-i saat 15-dək təxirə saldı.

http://www.azadliq.org/content/article/1824331.html

Məhkəmə qarşısında həbs edilən gəncləri buraxıblar

2009-09-16T21:25:00.000-07:00

16.09.2009

Millət vəkilləri Arzu Səmədbəyli və Pənah Hüseyn 8-ci polis bölməsinə gəliblər. Onların içəri daxil olmalarına icazə verilməyib.

Səbail Məhkəməsi qarşısında həbs edilmiş gəncləri sərbəst buraxıblar.

ELÇİN BEHBUDOV GƏNCLƏRLƏ GÖRÜŞDÜ

İşgəncələrə Qarşı Azərbaycan Komitəsinin rəhbəri Elçin Behbudov 8-ci polis bölməsində saxlanılan gənclərlə görüşəndən sonra belə deyib

İşgəncələrə Qarşı Azərbaycan Komitəsinin rəhbəri Elçin Behbudov 8-ci polis bölməsində saxlanılan gənclərlə görüşüb. Hüquq müdafiəçisi jurnalistlərə altı gəncin bölmədə olduğu təsdiqləyib və onların saat yarıma sərbəst buraxılacaqlarını bildirib:

«Rəis dedi ki, izahatları alındıqdan sonra bir saat, ya da saat yarıma gəncləri buraxacaqlar».

Hüquq müdafiəçisi gənclərə qarşı hər hansı zorakılıq hallarının olmadığını deyib.

***

«GƏNCLƏRİ BİR AZDAN BURAXACAQLAR»

«Mən də xuliqanam» yazılı köynək geymiş gəncləri bir azdan buraxacaqlar. Onlarla sadəcə profilaktik söhbət aparılır». Bunu AzadlıqRadiosuna Daxili İşlər Nazirliyinin mətbuat xidmətinin əməkdaşı Ehsan Zahidov deyib.

Bir neçə saat əvvəl gənc bloqqerlərin saxlanmasına etiraz olaraq Səbail rayon məhkəməsinin qarşısına toplaşan gəncləri polis saxlayıb. Gənclər üzərinə «Mən də xuliqanam» sözləri yazılmış köynəklər geyiniblərmiş. Gənclərdən birinin köynəyinin üzərində isə «mən zırr xuliqanam!» sözləri yazılıb.

Polis beş gənci 8-ci bölməyə aparıb. 8-ci bölmədən AzadlıqRadiosuna deyiblər ki, gənclər indi Bakı Şəhər Polis İdarəsindədir. İdarədən bu məsələ ilə bağlı bir azdan şərh verə biləcəklərini deyiblər.

Daxili İşlər Nazirliyinin mətbuat xidmətinin əməkdaşı Ehsan Zahidov deyir ki, gənclərin hazırda harada olduqlarını bilmir, amma onları tezliklə sərbəst buraxacaqlar.

Saxlanılanlar Turqut Qənbər, Elşən Poladlı, Orxan Cavablı, Rəşadət Axundov və bir başqa gəncdir. Hadisə yerində olan AzadlıqRadiosuun əməkdaşı xəbər verir ki, bu saatlarda daha iki gənc – Zaur Əkbər və Xaliq Friman polis tərəfindən saxlanılıb bölməyə aparılıblar.

Saxlanılanlardan biri Turqut Qəmbər belə deyib: «Polislər bizi məcbur etdilər ki, köynəyimizi çıxaraq, çıxarmayanları bölməyə apardılar. Mülki geyimli şəxslər bizi maşına zorla basdılar».

Turqut Qəmbər deyir ki, bu köynəkləri geyinməklə onlar sübut etmək istəyiblər ki, bloqqerlər xuliqan deyil: «Göstərmək istəyirdik ki, onlar xuliqandırsa, biz də xuliqanıq. Polis guya bizi saxlayıb ki, araşdırsın ki, biz xuliqanıq, yoxsa, yox».

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1824184.html

Dövlət Departamenti bloqqerlərlə bağlı Bakı ilə danışıqlar aparır

2009-09-16T21:23:00.000-07:00

16.09.2009

Amerika Dövlət Departamenti gənc bloqqerlər Emin Milli və Adnan Hacızadənin azadlığa çıxması üçün Azərbaycan hökuməti ilə danışıqları davam etdirəcək.

Departametin Hüquq Məsələləri üzrə katibinin hazırkı yardımçısı Maykl Polt bu haqda konqresmen James P. Morana məktub yayıb. Moran həmin məktubu Azərbaycanlı Amerikalılar Demokratiya Ugrunda (AZAD) təşkilatına təqdim edib.

Dövlət Departamenti rəsmisinin məktubunda deyilir ki, Amerika Emin Milli və Adnan Hacızadənin saxlanmasından və həbsindən narahatdır:

«Biz Azərbaycan hökumətini cənab Hacızadə və Millini azadlığa buraxmağa, bu işlə bağlı müvafiq prosedurlara əməl olunsmağa, onların hüquqi və tibbi yardıma çıxışını təmin etməyə çağırmışıq».

Avqustun 24-də konqresmen Moran AZAD təşkilatının nümayəndələri ilə görüşdən sonra ABŞ Dövlət katibi Hillari Klintona məktub yazıb öz şübhələrini ifadə etmişdi ki, gənclərin həbsi onların siyasi baxışları ilə bağlı ola bilər. Moran Klintona məktubunda bildirmişdi ki, bloqqerlərin Azərbaycanda ədalətlə mühakimə edilməyəcəyindən narahatdır. Cənab Moran məktubunu bu cür yekunlaşdırmışdı:

«Çox vacibdir ki, harada baş verməsindən asılı olmayaraq söz azadlığı boğulanda Birləşmiş Ştatlar öz narahatlığını dilə gətirsin».

AZAD-ın sədri Elmar Şahtaxtinski Azerireport.com internet saytına müsahibəsində bildirib ki, konqresmenlər Moran, Konrad və Amerika Konqresinin digər üzvlərinin bu addımları müstəbid cəmiyyətlərə demokratiya gətirmək istəyən adamlara ümid verir və göstərir ki, ABŞ başqa ölkələrdə də azadlığın və insan haqlarının qayğısına qalır.

http://www.azadliq.org/content/article/1823861.html

Gəncik, gələcəyik!

2009-09-15T21:47:00.000-07:00

Bugün məhkəmədir. Emin və Adnanın məhkəməsi... 2 aydan çoxdur davam edən komediya sona yaxınlaşır. Günahsız 2 gəncə aktiv ictimai fəaliyyətlərinə görə böhtan ataraq həbsdə saxlayırlar. Bu 2 ay nə qədər ağrılı keçsə də, əsəb, vaxt və enerji itkisi olsa da həm də böyük DƏRS oldu. Zahir Əzəmətin “biz elə həmişə 5-6 nəfər olmuşuq” yazdığı və Adnanın da son Facebook status ismarıcı olan bu cümlə son zamanlarda mənə çox təsir edən cümlələrdən biri idi. Biz konkret 5-6 nəfər olmasaq da, heç 50-60 nəfərdən də çox deyilik və bu çətin günlərdə mən dostlarımı daha çox yaxından tanıdım və bu fədakar insanların özlərinə seçmiş olduqları bu yolda mütləq sona QƏLƏBƏ ilə çatacaqlarına əmin oldum. Bizi maddi maraq, gələcək karyera birləşdirmir. Bizim ortaq dəyərlərimiz və ideallarımız var. Və bu dəyərlər və ideallar çöldəkiləri bir-birinə nə qədər çox sıx bağlayan vasitədirsə , o qədər də Emin və Adnana güc-qüvvət verən yeganə mənbədir.

Ömürlərinin ən gözəl çağlarında ölkədəki çoxluq kimi düşünməyib düz getməyən nələrisə dəyişməyə can atan, həqiqəti yüksək səslə söyləməyə calışan, imkanları olduğu halda çox pul qazanmaq yolunu yox, həbs, döyülmə təhlükəsi olan bir yolu seçdilər. Həbs edildilər, ancaq doğru bildikləri yoldan sapmırlar. Çünki hər birimiz ədalət və həqiqətin bir gün zəfər çalacağına əminik. Bu yazdıqlarım kiməsə pafoslu görsənə bilər. Ancaq əlinizi vicdanınızın üstünə qoyub bir də ölkədəki reallıqlara baxın. İnsanların biganəliyini, kütləvi savadsızlıq və mövhümatın baş alıb getdiyi, zövqsüzlüyün göz deşdiyi, “Hami necə mən də elə” prinsipinin insanlar tərəfindən devizə çevrildiyi bir məmləkət və ən əsası ölkədə qurulan “anormal sistem”in insanların xislətini cılızlaşdırıb, onları bir-birinin qabağında başı aşağı edən “zəncir”lə həbsdə saxladığını görəcəksiniz.

Azərbaycanda vəziyyət artıq elə məqama çatıb ki, maskalanmaq artıq mümkün deyil. Ya həqiqəti söyləyib hakimiyyətin düşməninə çevriləcəksən, ya da vicdanını satıb anti-insani sistemin bir vintinə çevriləcəksən. Bu ölkədə artıq düşünən insanların qabağına 2 şərt qoyulur: Ya sev ya tərk et! Başqa cür hərəkət etsən, Elmarın, Eynullanın, Qənimətin, Eminin və Adnanın taleyi səni də gözləyir mesajı verilir. Vəziyyət heç vaxt olmadığı qədər çətindir. Maddi sıxıntılar içində boğulan insanlar, bir də işgəncə maşının altından keçməyə cürət etmir. Bundan daha da iştahlanan hakimiyyət bir tərəfdən daha azğın formada azacıq başını tərpədənin başını qoparmağa, o biri tərəfdən manqurtlaşdırdığı digər təbəqəni-çoxluğu çörək və tamaşa ilə daha da mənəviyyatsızlaşdırmağa böyük səylə davam edir. Öz insanına qara qəpik qədər qiymət verməyən, repressiyalarla 7-dən 70-ə hamını əzən, Qarabağla bağlı min-bir hoqqdan çıxıb, həqiqəti gizlədən hakimiyyət, İrəvanda idman oyunundakı qalibiyyəti “Əsrin qələbəsi”, daxili və xarici siyasətin uğuru kimi kütləyə yedirdir. Acınacaqlısı da odur ki, kütlə də bunu yeyir. Polisindən, JEK işçisindən tutmuş ta ən yüksək vəzifəli məmurlarına qədər hamı tərəfindən alçaldılan bu kütlə bu qələbə ilə 2 aylıq masturbasiya edir. Ancaq etiraf etməliyik ki, kütlə hər yerdə eynidir. Hər bir xalqın taleyini dəyişən 1-2 faizlik düşünən beyinlər olur. Ona görə də ümidsizliyə heç bir əsas yoxdur. 50-60 nəfərin minlərə milyonlara çevriləcəyi günlər heç də uzaqda deyil. Sadəcə gücümüzə inanmaq və getdiyimiz bu yolda səmimi olmaq, bu yolun ağrılı acılı olduğunu, həmişəkindən daha artıq fədakarlıq lazım olduğunu birdəfəlik başa düşmək lazımdır. Bizi tərk edənlər, bizə gülənlər, nifrət edənlər də olacaq. Ancaq gerçək olan budur ki, biz ƏDALƏT axtarışındayıq və buna müvəffəq olana qədər yolumuzdan dönməyəcəyik.

Əziz gənclər,

Bugün məhkəmədir. Hamımızın yerinə susmayıb özünü təhlükəyə atan 2 gənc dostumuzu yalnız buraxmayaq. Sabah saat 15:00 da bir nəfər kimi Səbael məhkəməsinin qabağına gəlib dostlarımıza ən azı mənəvi dəstək olaq, göstərək ki, biz haqsızlıqla barışmırıq və şər-böhtanı sakitcə sinirib həzm etmək biz gənclər üçün artıq arxada qalıb.

Sizlərin və bizlərin azadlığı naminə....

Rəşadət Axundov

Mini-AZƏRBAYCAN

2009-09-15T09:49:00.000-07:00

Insanların fərqli olduqları haqda müxtəlif fikirlər eşitmişik. Həqiqətən də insanların fərqli olduqlarına çox inanır və hesab edirəm ki, fərqli insanlar fərqli reallıq və vərdişlərlə yaşaya bilərlər. Azərbaycana kənardan baxanda bir rəngli görünür, fərqlilik, fərqliliyin yaratdığı ictimai və məişət reallıqları hiss edilmir. Gənc yaşlarında müxtəlif arzu və istəklərimiz, tez-tez dəyişən mövqelərimiz və baxışlarımız olur. Arzularımızda və baxışlarımızda Azərbaycanı da müxtəlif formalarda təsəvvür edir, müxtəlif insanların arzularında olan Azərbaycan bir çox xüsusiyyətlərinə görə bir-birindən seçilir. Bu hal yaxşı haldır. Rəngli, demokratik, uğurlu Azərbaycan üçün hərə özünün beynində olan Azərbaycanı yaşamalı, digərlərinə təgdim etməli, müzakirələr etməlidir. Bu məgsədlə özümün mini-Azərbaycanım haqqında yazmaq qərarına gəldim.

Mənim Azərbaycanımda cəmiyyətin ən aktiv kəsimi gənclərdir. Gənclər coşqulu, yaradıcı, ədalətli (öz həqiqətlərinə uyğun) olur. Onlar ətrafdakı reallıqları dəyişir, ədalətsizliyə qarşı mübarizə aparır, yalan danışmır, satılmır və satmır. Gənclər prinsip və dəyərlərinə uyğun yaşayır. Həqiqətlərinə inanır və digərlərini də öz həqiqətlərinə inanmağa dəvət edir. Mənim Azərbaycanımda olan gənclər müasir, liberal, demokratik, tolerant olurlar. Onlar insanlara yaşlarına, cinsinə, irqinə, tutduğu vəzifəyə görə deyil vicdanlarına, düzgünlüyünə, ortaq dəyər və hisslərinə görə hörmət edirlər. Burda gənclər üçün ən vacib dəyər azadlıqdır. Mənim ölkəmdəki gənclər anlayırlar ki, təhsilin, iqtisadiyyatın, səhiyyənin, hökümətin güclü olması üçün fərdlər azad olmalıdılar.

Mənim Azərbaycanımda gənclər kütlə arasında populyar olan fakultərə, universitetlərə, işlərə deyil özlərinin zövq alacağı fakultələrə, universitetlərə, işlərə qəbul olurlar. Müəllimlərin, təhsil işcilərinin, məmurların, həkimlərin onların hüquqlarının pozmasına imkan vermir, etiraz edir, məgsədinə nail olur və digərlərinə müsbət nümunə olur. Burdakı gənclər “universitet müzakire yeri deyil” deyən müəllimlərə təpki göstərir, onları lağa qoyur və o cür müəllimləri dərs prosesindən kənarlaşdırmaq haqqında düşünür. Gənclər heç kimdən mərhəmət, kömək gözləmir, özləri problemləri müəyyənlişdirir, müzakirə edir, təşkilatlanır və problemlərini həll edirlər. Burda gənclər romantik olurlar, bu günlə deyil gələcəklə yaşayırlar. Arzularında olan gələcəyi mahnılarında, yazılarında, çəkdikləri videolarda, filmlərində, universitet auditoriyalarında, təşkilatlarında ortaya qoyur və müzakirə edirlər.

Mənim ölkəmdə gənclər ailədə azad böyüyür, şəxsi və ictimai həyatlarına hörmət edilir. Burda gənclər Ruslanın “Özünə müstəqil şəkildə həyat yoldaşı seçə bilməyən gənc, uğurlu hökümət qura bilməz” deyiminə istinad edib valideynlərinin diktəsi altında olan evliliyə etiraz edir. Özləri öz həyatlarını qurur, öz yalnışlıqlarını edir və öz talelərinin sahibi olurlar. Valideyn-uşaq münasibətləri hökm və tabeçilik prinsipləri üzərində deyil, məsləhət və hörmət prinsipi üzərində qurulur. Ailədə, universitetlərdə, təşkilatlarda, həyatımızın digər forma və məkanlarında azad münasibətlər sistemi olur, insanları bir-birlərinə dəyər və hissləri bağlayır.

Bu ölkənin gəncləri üçün vicdanın, dostluğun, qardaşlığın sərhəddi olmur. Gənc vicdansızlıq etdikdən sonra hərəkəti üzərində fikirləşir, peşiman olur, situasiyadan asılı olaraq üzr istəyir və mənəvi gərginlik keçirir. Mənim bu gözəl ölkəmdə gənc rüşvət vermir, məsuliyyətli olur, biganə olmur, aktiv olur. Burdakı gənclər özlərinin tək bioloji varlıq deyil, eyni zamanda ictimai varlıq olduqlarını dərk edirlər. Onlar anlayırlar ki, hər şey onlardan asılıdır, bu ölkəni dağıdan da onlar olacaq quran da.

Mənim ölkəmdə gənclər 28 May – Müsəlman şərqində ilk Demokratik Respublikanın yaradılması gününü daha coşqulu qeyd edir, bu bayramı ənənəyə çevirir, ailələrində və dostları arasında bu bayramı daha əyləncəli qeyd edirlər. Burdakı gənclər bizlərin qədimdən gələn bəzi adətlərimizi inkar edir, bəzilərini saxlayır və ən əsası, mənim gəncim yeni adətlər, ənənələr, reallıqlar yaradır!

Mənim fantastik ölkəmdə gənclər dostum Uğurun yaradacağı “Fərqli OL”, “Yaradanlar”, “Fikir”, “Coşqulu Gənclər”, “Azad insan”, “Azad dəyər” adlı kafe, restoran, barlarda əylənir, dərslərini edir, kitablar oxuyur, müzakirələr edir, musiqiyə qulaq asır, həyatlarından zövq alırlar. Burda jazz və blues həvəskarları üçün barlar olur, müxtəlif festivallar təşkil olunur. Mənim ölkəmdə futbol gənclərin həyat tərzinə çevrilir, öz komandalarını dəstəkləmək üçün oyunlara gedir, fan klublara üzv olur və gözəl futbol coşqusu yaşayırlar.

Azad gənclər,

Bu mənim Mini-Azərbaycanımın bir tərəfidir. Sizin mini-Azərbaycanınız necədir? Hamınızı arzularınızda olan Azərbaycan haqqında yazmağa dəvət edirəm!

Ruslan Əsədov

“Youth 4 Gender Equality”

2009-09-14T22:00:00.000-07:00

OL! AGH “Jugendhilfe Und Sozialarbeit e.V.” alman gənclər təşkilatı tərəfindən təşkil olunmuş “Youth 4 Gender Equality” (Gənclik Qender Bərabərliyi lehinə) beynəlxalq təlimdə Azərbaycanı təmsil edib.

“Y4GE” təlimi avqust 19-29 tarixlərində Berlinin yaxınlığında olan Storkov şəhərinin Hirşlüh qəsəbəsində keçirilmişdir. “OL!”u Ruslan Əsədov, Olga Breqvadze, Esmira Məmmədova, Nicat Qarayev, Zahra Vəliyeva və Aida Səmədova təmsil edirdilər.

Azərbaycandan başqa bu tədbirdə Gürcüstan, İtaliya, Ukrayna, Türkiyə və Almaniya gəncliyi də iştirak edirdi.

Təlimin məqsədi iştirakçılarının öz bilikləri və təçübələri ilə paylaşmaq, öz ölkələrində qender problemlərini müzakirə etmək və həll yollarını axtarmaq idi. Treninq çox azad və interaktiv şəkildə keçirilmişdir – diskussiyalardan başqa iştirakçılar qender problemləri ilə bağlı müxtəlif səhnəciklər qurmuşdu; bundan başqa onlara Komiks və Karikatura üzrə alman mütaxəssisləri tərəfindən geniş şəkildə təlimlər keçirilmişdir. Sonda iştirakçılar tərəfindən yaradılmış komikslər və karikaturalardan ibarət sərgi Fürstenvalde şəhərində olan kilsədə baş vermişdi.

Treninq ancaq qender problemlərini üzə çıxarmaqdan və öyrənməkdən ibarət olmadı. Bununla bərabər hər ölkənin iştikakçıları hər gecə keçirilən Milli Gecələrində öz xalqı və mədəniyyəti başqalarına təqdim edə bildilər: milli şirniyyat, içkilər, ənənələr və rəqslər hamının yadında qaldı.
Asudə vaxtı gənclər gölə getməklə, tonqal ətrafında qitara çalıb qulaq asmaqla məşqul idilər.

***

Berlina ekskursiya da çox maraqlı keçmişdir: elə alındı ki, həmin günü Almaniyanın paytaxtında beynəlxalq marafon keçirilirdi, və “Y4GE” iştirakçıları bunun canlı şahidi oldular. Bundan başqa gənclər Bundestaqda (Reyxstaqda), Branderburq Qapılarında, Aleksandrplatsda və Holoucast Memorialında və Berlin Divarının qalıqlarında olmuşdular.

Bundestaq alman parlamentininə deyilir. Bu binanın girişində həmişə böyük bir növbə adam durur. Biz də növbədə durduq, və 15 dəqiqə ərzində Bundestaqın içinə daxil olduq. Maraqlısı odur ki, hər yerdə “şəkil çəkmək qadağandır” nişanı qoyulmuşdur, lakin hamı dayanmadan şəkil çəkdirirdi – başqa çür ola da bilməzdi, çünki binanın konstrukciyası adamı dəli edir, belə gözəldir. Ən yuxarı mərtəbəyə qalxanda isə bütün Berlini görmək olur – aydındır ki, mənzərə çox xoşagələndir.

Branderburq qapıları Berlini şərqə və qərbə bölən ən məşhur nöqtələrdən biridir.

Aleksandrplats Şərq Berlində yerləşir və burda tikilmiş böyük TV qalasına görə məşhurdur. Əqər itmisinizsə, göyə baxıb və həmin qalanın ucunu görüb, tez zamanda olduğu yerinin səmtini müəyyən edəcəksiniz.

Holoucast Memorial postmodern üslubda qeyri-adi bir yerdir. Möhtəşəm abidə sadə boz rənqli, fərqli olçülü kvadratlardan ibarətdir. Deyirlər ki, bu daşların arasında bir zaman gəzərkən, insan bir qəribə ruha düşür.

Berlin Divarından bir neçə parça qalıb. Divar sındırılanda minlərlə adamlar gəlib onun üstündə öz izlərini saxlayırdılar. Diqqətlə baxıb görmüşdük ki, million şəkillərin, simvolların içində 2008-2009 illərdə yazılan mesajlar da var. Onların biri deyir “Let’s give a chance to Peace”. Doğrudan da, bəlkə Sülhə şans verək?

Bu səfər haqqında danışılası şeylər çoxdur, amma burda mən nöqtəni qoymaq istərdim.

Esmira Məmmədova

Məhkəmə Səbail polisinə sorğu göndərdi

2009-09-14T21:44:00.000-07:00

14.09.2009

Məhkəmədə Səbail rayon Polis İdarəsinin müstəntiqi Ziya Əliyev ifadə verib. O, bildirib ki, gənclərlə valideynlərinin görüşünün məqsədəmüvafiq hesab etməyib və bununla bağlı onların evinə məktub göndərilib.

Gənc bloqqerlərin valideynləri isə hər hansı rəsmi məktub almadıqlarını bildiriblər.

Məhkəmə gənclərin valideynlərinə rəsmi məktub göndərilməsini dəqiqləşdirmək üçün Səbail rayon polis idarəsinin dəftərxanasına sorğu göndərib.

Proses davam etdiriləcək.

***

Gənc bloqqerlər Adnan Hacızadə və Emin Millinin valideynlərinin qaldırdığı mülki iddialar bir icraatda birləşdirilib.

Bu, sentyabrın 14-də keçirilən prosesdə məlum olub.

Hazırda proses Səbail rayon Məhkəməsində Elnur Həsənovun sədrliyi ilə davam edir.

Amerika, Norveç və Fransa səfirliklərinin əməkdaşları prosesi müşahidə edirlər.

Valideynlər istintaq müddətində övladları ilə görüşə icazə vermədiyi üçün Səbail rayon Polis İdarəsinin müstəntiqi Ziya Əliyevi məhkəməyə veriblər.

Adnanın atası Hikmət Hacızadə müstəntiq Ziya Əliyevdən görüşə icazə verilməyən hər gün üçün 20 manat təzminat tələb edir.

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar. Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1822199.html

Leyla Yunus hakimi blogerlərin işi ilə bağli ədalətli qərar qəbul etməyə çağırıb

2009-09-11T21:22:00.000-07:00

11.09.2009

Sülh və Demokratiya İnstitutunun (SDİ) direktoru Leyla Yunus Səbail Rayon Məhkəməsinin hakimi Araz Hüseynova müraciət edərək onu blogerlər Emin Milli və Adnan Hacızadənin işinə ədalətli baxmağa və “ilk ədalətli azərbaycanlı hakim” kimi tanınmağa çağırıb. Öz müraciətində Leyla Yunus Azərbaycan, Özbəkistan, Tacikistan və Türkmənistan da daxil olmaqla keçmiş sovet ölkələrinin heç birində qanun və ədaləti rəhbər tutan təmiz və satılmamış hakimin olmadığını yazır. Bununla belə, müsəlman ölkələrində obyektiv hakimlərin olduğunu deyərək Misir və Pakistanı nümunə çəkir. Bu ölkələrdə hakimlər elitadı. “Hakimliyə nəcib ailələrdən özünə hörmət edən yüksək savadlı insanlar gəlir. Təcrübəsindən asılı olmayaraq onlar idarə oluna bilən “piyada” ola bilməz” - deyə Yunus yazır. Daha sonra Yunus SSRİ dağılandan sonra Azərbaycanda hakim korpusu ilə bağlı vəziyyətin sovet hakimiyyəti dövründə olduğundan daha çox pisləşdiyini qeyd edir. Eyni zamanda hakim Hüseynova “tarixə düşmək şansı” düşüb, çünki məhz ona bütün beynəlxalq ictimaiyyətin diqqətini cəlb edən blogerlərinə baxmaq tapşırılıb. “Siz ancaq şərəflə və professionallıqla hakim borcunu yerinə yetirməlisiniz: işə açıq, qanun və ədalət əsasında baxmalısınız. Siz şərəfli və professional vətəndaş olmalısınız” - deyə daha sonra Yunus qeyd edir.

http://www.contact.com.az/index.php?type=news&lang=az&news_id=13246

Haraşti: Jurnalistlərin təqib edilməsinə son qoyulmalıdir

2009-09-10T21:19:00.000-07:00

10.09.2009

ATƏT-in söz azadlığı üzrə xüsusi nümayəndəsi Mikloş Haraşti hesab edir ki, gənc blogerlər Emin Milli və Adnan Hacızadə azadlıqdan məhrum edilməyəcəklər. Bu nəticəyə o Prezident Administrasiyası ictimai-siyasi şöbəsinin müdiri Əli Həsənovla görüşdən sonra gəlib.

Haraştinin sözlərinə görə, Həsənov hesab edir ki, blogerlər “azadlıqdan məhrum edilməyəcək”.

Haraşti Azərbaycan hakimiyyətinin böhrana görə cinayət məsuliyyətini ləğv etmək meylini də “yaxşı xəbər” adlandırıb. Bu, qurama ittihamlara görə jurnalistlərin cinayət təqibinə son qoyulmasına imtina etməklə müşahidə edilməlidir. Həsənovla söhbətin yekunlarına görə Haraştidə buna ümidləri yaranıb.

Məhkum jurnalistlərin aqibətinə toxunan Haraşti bu problemin prezidentin əfvi ilə yoluna qoyulmasını arzuladığını dilə gətirib. Turanın yaxın vaxtlarda əfv gözləmək olarmı sualına Haraşti birmənalı cavab verə bilməyib. “Məsələ açıq qalır, biz həbsdə olan jurnalistlərin azad edilməsi ilə bağlı israrlarımızı davam etdiririk” - deyə Haraşti bildirib.

O, həmçinin yerli tezliklərdə “Amerikanın səsi”, “azadlıq radiosu” və BBC radiostansiyalarının yayımının bərpasına tərəfdar olduğunu deyib.

“Onsuz bu sahədə media plüralizmin ilə bağlı vəziyyətin yaxşılaşmasından danışmaq çətin olar” - deyə Haraşti bildirib.

Dövlət məmurlarının internetə dövlət nəzarətinin güclənməsi çağırışları ilə bağlı Haraştinin münasibətinə dair Turanın sualına ATƏT-in xüsusi nümayəndəsi belə cavab verib: “İnternetin tənzimlənməsinin sərtləşdirilməsi daha böyük neqativ nəticələrə gətirib çıxara bilər. Azərbaycanda internet sonuncu plüralist informasıya mənbəyidir” - deyə o bildirib.

Haraşti internetə məhduyyətin və icazə sisteminin tədbiqinin yol verilməz olduğunu dedi. İnternetdə məhdudiyyətlər texniki cəhətdən mümkün deyil və yalnız lokal xarakter daşıya bilər. “Bir bloga girişi məhdudlaşdırmaq olar, ancaq bu məlumat başqa bloglardan gedəcək” - deyə Haraşti bildirib.

İndiki səfəri zamanı Haraşti XİN başçısını müavini Mahmud Məmmədquliyev, ombudsman Elmira Suleymanova, həmçinin KİV və jurnalist təşkilatları nümayəndələri ilə görüşüb.

O həmçinin həbsdə olan jurnalistlər Eynulla Fətullayev və Qənimət Zahidova baş çəkib. Bunun qanunsuz olduğunu bildirərək onun blogerlərə görüşünə icazə verilməyib.

http://www.contact.com.az/index.php?type=news&lang=az&news_id=13231

İsveçli gənclər Adnan və Eminin həbsinə etiraz edirlər

2009-09-05T04:46:00.000-07:00

05.09.2009

İsveç parlamentinin müxtəlif fraksiyaları, eləcə də parlamentdə təmsil olunan partiyaların gənclər təşkilatları Adnan Hacızadə və Emin Millinin həbsinə etiraz ediblər.

İlham Əliyevə ünvanladıqları məktubda 7 partiyanın nümayəndələri gənc bloqqerlərin həbsindən narahatlıqlarını bildirirlər. Bu həbsi ölkədə dissidentlərə qarşı dözümsüzlüyün tipik təzahürü adlandırırlar.

İsveçli gənclər A.Hacızadə və E.Millinin həbsinin siyasi motivli olduğunu bildirir, onları dərhal, qeyri-şərtsiz azad etməyə çağırırlar. Eyni zamanda, gənclərə qarşı qaldırılan bütün ittihamların dayandırılmasını və təqsirkarların cəzalandırılmasını istəyirlər.

Prezidentə ünvanlanan məktubun sonunda qeyd olunur ki, onlar bloqqerlərin məsələsini, həmçinin ölkədəki vəziyyəti diqqətlə izləyəcəklər.

Üç partiyanın - Sosial-Demokrat, Sol və Yaşıllar partiyalarının birgə bəyanatında Avropa Birliyinə prezidentlik edən İsveç hökumətindən A.Hacızadə və E.Millinin məhkəmə prosesinə müşahidəçi göndərməsi tələb olunur. Onlar Azərbaycanda insan haqlarının vəziyyətindən dərin narahatlıqlarını bildirirlər. Bəyanatda qeyd olunur ki, İsveç Azərbaycandakı hüquqsuzluğa göz yummamalıdır.

Xristian Demokrat və Liberal partiyalarının ayrı-ayrılıqda verdiyi bəyanatlarda da bu həbs pislənir.

Partiyalar İsveç hökumətindən tələb ediblər ki, Avropa Birliyinin sədri kimi gənc bloqqerlərin məhkəmə prosesini izləmək üçün Azərbaycana müşahidəçi göndərsin.

Adnan Hacızadə və Emin Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1815597.html

Bloqqerlərin qısa sürən məhkəməsi...

2009-09-04T04:46:00.000-07:00

04.09.2009

Məhkəmə başa çatdıqdan sonra Emin Milli və Adnan Hacızadə maşına mindirilərkən onları gözləyənlər aksiya keçiriblər. Etirazçılar Səbail rayon məhkəməsi qarşısında «azadlıq» şüarları səsləndiriblər.

Məhkəmənin qarşısından keçən yolda bu müddət ərzində avtomobillərin hərəkəti müvəqqəti dayanıb.

Amma zorakılıq halı müşahidə olunmayıb.

Polislər isə çəkiliş aparmaq istəyən jurnalistləri itələyib, mane olublar. Bundan sonra aksiya sona çatıb.

Məhkəmənin içərisində jurnalistlərə telefon və fotoaparatdan istifadəyə etməyə qoymayıblar. Fasilə müddətində də fotoaparatdan yararlanmağa imkan olmayıb.

Ancaq zərərçəkən kimi tanınan “Livan” restoranının müdiri İlkin Əlizadə məhkəmənin gedişində mobil telefondan istifadə edirdi.

Məhkəmə qurtarandan sonra valideynlər dəmir barmaqlıqlar arasında olan gənclərlə görüşüblər.

Proses zamanı hakimin mikrofondan istifadə etməməsi və üstəlik yavaş danışması problem yaradırdı. Arxada oturanlar isə deyirdilər ki, nə hakimi, nə də vəkilləri eşidirlər.

Hakim prosesin keçirildiyi zalın Səbail rayon Məhkəməsində ən böyük zal olduğunu bildirib. Zalın sahəsi təxminən 50-60 kvadratmetr idi.

***

Fasilədən sonra hakim həm müdafiə, həm də zərərçəkmişlərin vəsatətlərinin heç birini qəbul etməyib. Sentyabrın 16-da proses məhkəmə baxışı ilə davam edəcək.

***

Prosesdə gənclərin vəkilləri bir neçə vəsatət verib. Vəsatətlərdən biri işin ibtidai istintaqa qaytarılması ilə bağlı olub. Ancaq hakim bu vəsatəti təmin etməyib. İkinci vəsatət isə Emin Milli və Adnan Hacızadə haqqında seçilmiş həbs-qətimkan tədbirinin dəyişdirilməsi ilə bağlı olub. Hakim bu vəsatətin də qəbul edilmədiyini bildirib və müşavirə otağına gedib.

Zərərçəkən qismində tanınan şəxslərin vəkili Zaur İbadov da vəsatət verib. Onun vəsatəti prosesin qapalı keçirilməsi ilə bağlı olub. Zaur İbadov mövqeyini belə əsaslandırıb ki, təqsirləndirilən şəxslər siyasətlə məşğuldur və bu məsələdə hansısa dövlət sirri açıla bilər. Ona görə də prosesin qapalı aparılmasına ehtiyac var. Bu vəsatətə hakim fasilədən sonra münasibət bildirəcək.

***
“Siyasi fəaliyyətlə məşğul olmaq o deməkdir ki, sən siyasi partiya üzvü olursan və siyasi vəzifə tutmaq üçün seçkilərdə namizədliyini irəli sürürsən. Biz siyasi partiya üzvü olmamışıq və siyasi fəaliyyətlə məşğul olmamışıq. Amma biz azad vətəndaş kimi sadəcə ictimai-siyasi məsələlərə dair fikir bildirmişik. Məsələn, Nyu-Yorkda referendum əleyhinə BMT qarşısında mitinq təşkil etmişəm. Yalnız avtoritar rejimlərdə siyasətdən sadəcə danışan adamlara siyasətçi deyirlər”.

Bunu məhkəmədə Emin Milli deyib.

İndi prosesdə fasilədir.

***
Sentyabrın 4-də Səbail rayon məhkəməsində gənc bloqqer Adnan Hacızadə və Emin Millinin məhkəməsi başlayıb.

Proses açıq keçirilir, bloqqerləri məhkəməyə gətiriblər.

Məhkəməni bir çox beynəlxalq təşkilatların nümayəndələri və diplomatlar izləyirlər. Amma onların əksəriyyətini zala buraxmayıblar. Məhkəmə zala əlavə stullar qoyulmasına imkan verməyib. Buna görə diplomatlar, əksər jurnalistlər və ictimaiyyət fəalları kənarda qalıblar. Sonra diplomatları zala buraxıblar.

Adnan Hacızadə və Emin Milli bu il iyulun 8-də “Lebanese” restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar.

Gənc fəallar ittihamları qəbul etmirlər və həbslərinin sifarişli olduğunu deyirlər.

http://www.azadliq.org/content/article/1814965.html

Prezidentə məktub var

2009-09-04T04:45:00.000-07:00

04.09.2009

Human Rights Watch, Article 19 və International PEN təşkilatı fəal bloqçular Emin Milli və Adnan Hacızadənin məhkəməsinə hazılıq iclasının başladığı gün - sentyabrın 4-də Azərbaycanın prezidenti İlham Əliyevə məktub göndərib.

Bu üç təşkilatın müraciətində bloqçuların həbsindən ciddi narahtlıq ifadə olunur:

“Biz Sizi Emin Milli və Adanan Hacızadənin Azərbaycanın beynəlxalq öhdəlikləri əsasında azad məhkəmə ilə təmin edilmələri üçün lazım olan addımları atmağa çağırırıq” –deyə məktub müəllifləri qeyd edirlər.

Şahidlərə istinad edən müəlliflər qeyd edirlər ki, onlarda olan məlumata görə, əslində gəncləri başqa bir adam döyüb.

Polis isə bundan şikayət edən gənclərin müraciətinə baxmaq, onlara tibbi yardımın göstərilməsini təmin etmək əvəvzinə döyən adamı buraxıb, döyülənləri tutub.

Məktub müəllifləri bloqqerlərin həbsinin təsadüf etdiyi vaxta da diqqət çəkir, onların hakimiyyətə qarşı yönəltdikləri satiradan az sonra tutulmasından narahat olduqlarını bildirirlər.

Beynəlxalq təşkilatlar daha sonra yazırlar: “Biz qeyd etmək istəyirik ki, Azərbaycanda fakir azadlığı çiddi təhlükə altına düşüb. Müxtəlif yollarla insanlar və fərqli fikirlər yayan media orqanları susdurulur”.

“Jurnalistlər, media təmsilçiləri peşəkar fəaliyyətlərinə görə zorakılığa, təzyiqlərə məruz qalırlar.

Müstəqil və müxalifət yönümlü jurnalistlərə Qənimət Zahid, Eynulla Fətullayev, Müşfiq Hüseynov həbsdədir, Novruzəli Məmmədov həbsdə dünyasını dəyişdi.

Onları şərəf və ləyaqətin təhqir olunması və bu kimi geniş yayılan ittihamlar cinayət işləri qaldırıb həbs edirlər. 2005-ci ildə qətlə yetirilən

Elmar Hüseynovun qatilləri hələ də tapılmayıb. BMT-nin İnsan Haqları Komitəsi bu yaxınlarda ölkədə bu sahədə vəziyyətdən narahat olduğunu bildirərərk Azərbaycanı firkin azad ifadə edilməsinə qarşı birbaşa və ya dolayı maneələri aradan qaldırmağa çağırıb” - deyə məktubda qeyd edilir.

Human Rights Watch, Article 19 və International PEN məktubun sonunda bir daha prezident İlham Əliyevi Sizi Azərbaycanın götürdüyü öhdəliklərə, İnsan Haqları üzrə Avropa Konvensiyasına uyğun şəkildə Emin Milli və Adnan Hacızadınin məhkəməsinin azad keçirilməsi üçün təcili və konkret addımlar atmağa çağırır.

Bu işlə bağlı münasibət bildirən rəsmilər adətən deyirlər ki, bu, sadəcə bir xuliqanlıq hadisəsidir. Orada siyasi bir iş yoxdur.

Bu gün Gənclər və İdamn naziri Azad Rəhimov da deyib ki, məsələ siyasiləşdirilməməlidir.

Məhkəmə mübahisəni araşdıracaq.

Bu gün Səbail rayon məhkəməsində prosesə hazırlıq iclası keçirilib və qərar görə proses sentyabrın 16-da başlayacaq.

http://www.azadliq.org/content/article/1815186.html

Gənclərin məhkəməsindən gözləntilər nədir?

2009-09-03T04:44:00.000-07:00

03.09.2009

Sentyabrın 4-də gənc bloqqerlər Adnan Hacızadə ilə Emin Millinin məhkəməsi başlayır. Bununla da təxminən 2 ay əvvəl paytaxtın “Livan” restoranında baş verən müəmmalı olaylara aydınlıq gətirilməlidir. Gənclərin vəkilləri hesab edirlər ki, ittiham aktı birtərəfli və ədalətsiz hazırlanıb. Adnan Hacızadə və Emin Milli həmin olayda döyülsələr də, işdə təqsirkar kimi tanınıblar.

Bəs görəsən, məhkəmə istintaqı ibtidai istintaqdan fərqlənəcəkmi?

HİKMƏT HACIZADƏ MƏHKƏMƏDƏN BƏRAƏT İSTƏYİR

Hər halda Adnan Hacızadənin atası Hikmət Hacızadə məhkəmədən bəraət istəyir. Onun fikrincə, əgər məhkəmə ədalətli mövqe tutsa, gənclərin günahsızlığı üzə çıxacaq:

- Ümid edirəm ki, rəhbərlik müdriklik nümayiş etdirəcək. Nəticədə ölkə onu beynəlxalq aləmdə hörmətdən salan, gənclərin ailələrinə əziyyət verən bu absurddan xilas olacaq.

Ombudsman Elmira Süleymanova da məhkəməyə müraciət edib. Müraciətdə ombudsman gənclərin ilk dəfə məsuliyyətə cəlb olunmalarını nəzərə alaraq, alternativ cəza növlərinin seçilməsinin mümkünlüyünü nəzərdən keçirməyi xahiş edir.

HƏMİN DALĞA, HƏMİN KOORDİNAT?

Ancaq bu məhkəmə tək yerli yox, bir sıra beynəlxalq təşkilatların da diqqətindədir. “Freedom House” təşkilatının bəyanatında deyilir ki, gənclərin sentyabrın 4-nə təyin edilən məhkəməsi yeni media da daxil olmaqla ifadə azadlığının boğulmasının davamıdır. Təşkilat qeyd edir ki, bu, iki il qabaq xuliqanlıqda və bədənə az ağır xəsarət yetirməkdə ittiham edilən müxalifətçi jurnalist Qənimət Zahidin işini xatırladır.

Parlamentin İnsan hüquqları komitəsinin sədri Rəbiyyət Aslanova isə deyir ki, o, Azərbaycan məhkəmələrində ədalətli mühakiməyə inanır:

- Mən inanıram ki, həqiqət ortaya çıxacaq. Əgər gənclərin günahı sübut olunacaqsa, onlar ədalət qarşısında cavab verəcəklər. Yox əgər onların günahsızlığı üzə çıxsa, azadlığa buraxılacaqlar. Ona görə də bəri başdan məhkəməyə təsir göstərməyə ehtiyac yoxdur.

“Zerkalo” qəzetinin şərhçisi Rauf Mirqədirov isə deyir ki, son vaxtlar Azərbaycanda nə siyasi məntiq, nə hüquqi məntiq, nə də beynəlxalq öhdəliklər nəzərə alınır. Ona görə də məhkəmənin ədalətinə ümid eləmək mümkün deyil:

- Təəssüf ki, Azərbaycan hökuməti bir sıra hallarda özünü beynəlxalq aləmə mümkün olduğundan daha artıq təqdim etməyə çalışır. Bu mənada mən gənclərə məhkəmədə hansısa müddətə həbs cəzası veriləcəyini istisna etmirəm.

Ancaq Rauf Mirqədirov düşünür ki, gənclərin həbsi ətrafında beynəlxalq reaksiyalar artdıqca, ölkənin imicinə daha böyük zərbələr dəyir. Əgər hökumət ölkənin imicini şəxsi maraqlarına qurban verməsə, gənclər azad oluna bilər.

http://www.azadliq.org/content/article/1813944.html

“Freedom House” gənclərə qarşı ittihamları dayandırmağa çağırır

2009-09-03T04:43:00.000-07:00

03.09.2009

“Freedom House” təşkilatı gənc bloqqerlər - Emin Milli və Adnan Hacızadəyə qarşı bütün ittihamları dayandırmağa çağırıb.

Təşkilat bildirir ki, gənclərin sentyabrın 4-ə təyin olunmuş məhkəməsi hökumətin yeni media da daxil olmaqla ifadə azadlığını boğmağı davam etdirməsinin uğursuz əlamətidir.

“Freedom House”un icraçı direktoru Cennifer Vidsor deyib ki, “Hacızadə və Milliyə qarşı məhkəmə Azərbaycanda qanunun aliliyini çətin sual altında qoyur. Bu hal onu göstərir ki, müstəqil jurnalistlər və özünü ifadə etməyə çalışanlar məhkəməyə düşürlər”.

Təşkilat qeyd edir ki, gənc bloqqerlərin məhkəməsi ötən il “xuliqanlıq və bədənə az xəsarət yetirmə maddəsi” ilə həbs olunan müxalifətçi jurnalist Qənimət Zahidin işini xatırladır.

Təşkilat Azərbaycanda internetin - narazılığı ifadə etməyin yeganə vasitələrindən biri olduğunu bildirir.

“Freedom House”un qiymətləndirməsinə görə “Mətbuat Azadlığı” üzrə Azərbaycan 195 ölkə arasında 168-ci yerdədir.

Hər iki gənc iyunun 8-də "Livan" restoranında baş verən münaqişədən sonra həbs olunublar.

Gənclər Cinayət Məcəlləsinin xuliqanlıq və bədənə az ağır bədən xəsarəti yetirmə maddələrilə ittiham olunurlar. İrəli sürülən ittihamlar üzrə məhkəmə prosesi sentyabrın 4-ə təyin olunub.

http://www.azadliq.org/content/article/1813622.html

Ombudsman gənc fəalların azadlığa çıxmasını istəyir

2009-09-03T04:41:00.000-07:00

03.09.2009

Ombudsman Elmira Süleymanova Emin Milli və Adnan Hacızadənin cinayət işinin yekunlaşdırılaraq məhkəmənin icraatına verilməsilə əlaqədar Səbail rayon Məhkəməsinə müraciət edib. Bu barədə Ombudsman Aparatı məlumat yayıb.

Ombudsman gənclərin işi ilə bağlı aldığı çoxsaylı müraciətləri, onların ilk dəfə cinayət məsuliyyətinə cəlb olunmalarını nəzərə alaraq, alternativ cəza növlərinin seçilməsinin mümkünlüyünə baxılmasını xahiş edib.

Hər iki gənc iyunun 8-də “Livan” restoranında baş verən münaqişədən sonra həbs olunublar.

Gənclər Cinayət Məcəlləsinin xuliqanlıq və bədənə az ağır bədən xəsarəti yetirmə maddələrilə ittiham olunurlar. İrəli sürülən ittihamlar üzrə məhkəmə prosesi sentyabrın 4-ə təyin olunub.

http://www.azadliq.org/content/article/1813592.html

Azərbaycan səfirliyi qarşısında etiraz

2009-09-02T04:40:00.000-07:00

02.09.2009

“Adnanla Eminə azadlıq!”. Bu şüar bu dəfə Bakıda yox, Londonda səslənib. Azərbaycanın Böyük Britaniyadakı səfirliyinin qarşısında aksiya keçirən “Azərbaycanın dostları” təşkilatı gənc fəalların həbsinə etiraz ediblər.

Aksiya iştirakçısı Vüsal Həmzəyevin AzadlıqRadiosuna verdiyi məlumata görə, onlar Adnan Hacızadə və Emin Millinin həbsiylə bağlı məlumatların yazıldığı vərəqləri yerli əhaliyə paylayıblar. Aksiyanın qətnaməsi isə Azərbaycanın Böyük Britaniyadakı səfirliyinə təqdim olunacaq.

“Azərbaycanın dostları” təşkilatında bir qrup azərbaycanlı və britaniyalı birləşib.

Bu il iyunun 8-də gənc fəallar Emin Milli və Adnan Hacızadə “Livan” restoranında baş verən münaqişədən sonra həbs olunublar.

Gənclər Cinayət Məcəlləsinin xuliqanlıq və bədənə az ağır bədən xəsarəti yetirmə maddələrilə ittiham olunurlar. İrəli sürülən ittihamlar üzrə məhkəmə prosesi sentyabrın 4-ə təyin olunub.

http://www.azadliq.org/content/article/1813308.html

"Gənclər ombudsmana barışıq təklifi etməyiblər"

2009-09-01T23:58:00.002-07:00

01.09.2009

"Emingil ombudsman Elmira Süleymanovaya barışıq təklifi etməyiblər". Bunu həbsdə olan gənc fəal Emin Millinin vəkili Elton Quliyev deyir. Sentyabrın 1-də hüquqlarını müdafiə etdiyi şəxslə görüşən vəkilin sözlərinə görə, Ombudsman Aparatının saytında gənclərin barış istəməklərilə bağlı yayılan məlumat təhrif olunub:

"Elmira Süleymanova gənclərlə görüşəndə onlardan soruşub ki, barış istəyirlərmi? Emingil isə deyiblər ki, onların həbsi ictimai fəaliyyətləriylə bağlıdır və gənc fəallar cəmiyyətdə barış tərəfdarıdırlar. Emingil deyib ki, əgər qarşı tərəf barış təklif eləyirsə, bu, şərtsiz olmalıdır və onların qarşısında öz əqidələrindən, yollarından dönmək tələbi qoyulmamalıdır".

Bu il iyunun 8-də gənc fəallar Emin Milli və Adnan Hacızadə "Livan" restoranında baş verən münaqişədən sonra həbs olunublar.

Gənclər Cinayət Məcəlləsinin xuliqanlıq və bədənə az ağır bədən xəsarəti yetirmə maddələrilə ittiham olunurlar. İrəli sürülən ittihamlar üzrə məhkəmə prosesi sentyabrın 4-ə təyin olunub.

http://www.azadliq.org/content/article/1812418.html

"İstəməzdim ki, Azərbaycan bu məsələyə görə təcrid olunsun"

2009-09-01T23:57:00.001-07:00

01.09.2009

Almaniya Bundestaqının üzvü, Almaniya-Cənubi Qafqaz əməkdaşlıq komissiyasının üzvü Yorq Tauss AzadlıqRadiosunun "İşdən sonra" proqramına müsahibə verib.

- Cənab Tauss, Azərbaycana son 2 ay ərzində 2 dəfə səfər edirsiniz. Bu səfərlər həbsdə olan gənc fəallar Adnan Hacızadə və Emin Milli ilə bağlıdır. Səfərlər arasındakı vaxt ərzində fəallarla bağlı hansısa dəyişiklik haqda bəhs edə bilərsinizmi?

- Bu həbs hadisəsi Almaniyada bir çox insanların narahatlığına səbəb olub. Təəssüf ki, elə bir dəyişiklik olmayıb. Mən Emin və Adnanla görüşmək arzumu Azərbaycanda rəsmi orqanlara bildirmişdim. Düşünürdüm ki, bu məqsədə çatmaq üçün o qədər də uzaq yol keçmək lazım deyildi. Artıq 1 ay keçib. Və görürəm ki, hökumət tərəfindən onlarla görüşmək imkanı üçün irəliyə doğru addım atılmır.

- Siz axı ombundsmən Elmira Süleymanova ilə görüşmüsüz...

- Mənə belə məlum oldu ki, məhkəmə icraatına verilən işə ombundsman tərəfindən də heç bir müdaxilə edilə bilməz. Adnan və Eminlə görüşmək imkanıma da ombundsman kömək edə bilməz. Amma inandırım sizi, Almaniyadan gələn deputata Azərbaycan tərəfindən görüşmək imkanı yaradılsaydı, bu çox yaxşı diplomatik siqnal olardı. Mən Azərbaycanı tərk edənə qədər bu siqnalı gözləyəcəyəm.

- Almaniyada bu cür situasiya mümkündürmü?

- Almaniyada hər-hansı davaya görə adamın 2 ay istintaq təcridxanasına salınmasını təsəvvür edə bilmərəm. Elə şey mümkün deyil. Emin və Adnanı 2 ay tam təcrid etmək heç ağlıma da batmır. Almaniyanın da, Azərbaycanın da Avropa Şurası qarşısında olan öhdəlikləri də buna imkan vermir. Azərbaycan tərəfi də fəalların təcridinə son qoysaydı bu müsbət addım kimi qəbul ediləcək.

- Bu baş verməsə onda nə?

- Mən əlbəttə ki, Azərbaycanla diplomatik müharibəyə başlamayacağam. Avropa İttifaqı Azərbaycanda gedən proseslərə daha diqqətlə yanaşacaq. Çox istəyərdim ki, Azərbaycan tərəfindən müsbət addım atılsın. Məhkəmə ədalətli və açıq olmalıdır. İstəməzdim ki, Azərbaycan bu məsələyə görə beynəlxalq təcridə yol almış olsun. Bu məsələ təcridə səbəb ola bilər. Mən bunu Azərbaycanın dostu olaraq da istəmirəm.

http://www.azadliq.org/content/article/1812141.html

Gənc fəallar barışıq istəyir?

2009-08-31T22:26:00.000-07:00

29.08.2009

Gənc fəallar Adnan Hacızadə ilə Emin Abdullayev (Milli) həbslərinin siyasi motivlərlə bağlılığını təkzib edir və məsələnin barış yoluyla çözülməsinin istəyirlər.

Avqustun 28-də Ombudsman Aparatının internet səhifəsində yayılan məlumatda qeyd olunur ki, gənclər bu fikirləri təcridxanada onlarla görüş zamanı müvəkkil Elmira Süleymanovaya deyiblər.

Məlumatda o da qeyd olunur ki, görüşdə gənclər baş vermiş hadisədə özlərini təqsirli bilmədiklərini, barələrində aparılan istintaqın qərəzli yekunlaşdırıldığını bildiriblər.

Adnan Hacızadənin vəkili İsaxan Aşurov isə deyir ki, gənclərin həbsinə nə ad verilməsindən asılı olmayaraq bunun arxasında qanuni motivlər dayanmır.

Qaldı ki, gənclərin məsələnin barışıq yoluyla həlli ilə bağlı fikir səsləndirməsinə, İsaxan Aşurov deyir ki, o, indiyə qədər müdafiə etdiyi şəxsdən belə bir fikir eşitməyib. Vəkil burda ziddiyyətli məqamların olduğunu düşünür.

«Bir tərəfdən, işin qərəzli aparılması fikri səslənir, digər tərəfdən də, barışıq təşəbbüsünə razılıq bildirilir. Bu ziddiyyətlərin aradan qaldırılması üçün mən gələn həftə onlarla görüşəcəyəm. Amma bu adamları döyüblər, sonra da həbs ediblər, barışıq nə cür olmalıdır, onu izah etmək lazımdır».

İsaxan Aşurovun fikrincə, əgər hesab olunsa ki, Adnan Hacızadə döyülən tərəfdir, onda Adnanın kimisə bağışlaması müzakirə mövzusu ola bilər.

İyunun 8-də gənc fəallar Emin Milli və Adnan Hacızadə «Livan» restoranında baş verən münaqişədən sonra həbs olunublar.

Gənclər Cinayət Məcəlləsinin xuliqanlıq və şəxsə az ağır bədən xəsarəti yetirmə maddələrilə ittiham olunurlar. İrəli sürülən ittihamlar üzrə məhkəmə prosesi sentyabrın 4-ə təyin olunub.

http://www.azadliq.org/content/article/1810316.html

Amerikalı azərbaycanlılar bloqqerlərin azadlığını tələb edib

2009-08-31T22:12:00.000-07:00

28.08.2009

Avqustun 28-də Azərbaycanlı Amerikalılar Demokratiya Uğrunda (AZAD) təşkilatı Emin Milli və Adnan Hacızadənin azadlığa buraxılması tələbilə Vaşinqtondakı Azərbaycan səfirliyinin qarşısında etiraz aksiyası keçirib.

Azərbaycan səfirliyinin önündə baş tutan aksiyada gənc fəallar Emin Milli və Adnan Hacızadənin həbsinə etiraz bildirilib. Aksiyada amerikalı azərbaycanlılarla yanaşı «Sərhədsiz Reportyorlar» Beynəlxalq Jurnalist Təşkilatının Vaşinqtondakı nümayəndəsi, Adnan Hacızadənin təhsil aldığı Riçmond universitetinin məzunları iştirak ediblər.

Azərbaycan səfirliyi məsələ ilə bağlı mövqeyini ifadə etməyib amm səfirliyin əməkdaşları pəncərələrdən aksiyanı gizli olaraq lentə alıblar.

AZAD-ın həmtəsisçilərindən biri Elmar Şahtaxtinski bəyanatı oxuduqdan sonra Azərbaycan səfirliyinin nümayəndələrinə təqdim edib.

«Sərhədsiz Reportyorlar» Beynəlxalq Jurnalist Təşkilatının Vaşinqton nümayəndəsi də Azərbaycan səfirliyi önündə bəyanat oxuyub. Bəyanatda Xarici İşlər Nazirliyinə dəfələrlə göndərilən məktubların cavabsız qalmasından şikayət olunur. Eyni zamanda bəyanatda Emin Milli, Adnan Hacızadə və həbsdə olan digər jurnalistlərin azadlığı tələb olunub. Bəyanatda Azərbaycan hökumətinin söz azadlığı, azad düşüncəyə qarşı apardığı hədə-qorxu siyasətinə də son qoyulması tələbi də səsləndirilib.

İyunun 8-də gənc fəallar Emin Milli və Adnan Hacızadə «Livan» restoranında baş verən münaqişədən sonra həbs olunublar. İrəli sürülmüş xuliqanlıq ittihamı üzrə məhkəmə prosesi sentyabrın 4-ə təyin olunub. Hüquq müdafiəçiləri bloqçuların həbsini siyasi sifariş hesab edir.

Həbs olunmamışdan Adnan Hacızadə və Emin Millinin son olaraq yaydığı video rolikin həbsə səbəb olduğu barədə versiyalar var. Həmin video rolikdə hökumətin ölkəyə biri 41 min dollara iki eşşək idxal etdiyi barədə mediada gedən xəbərlərə istinad edilir və rolikin qəhrəmanı olan eşşək mətbuat konfransında ictimai siyasi proseslərə şərh verir.

AZAD-ın Vaşinqtonda keçirdiyi aksiyada da eşşək korrupsiya simvolu olaraq göstərilib. “41 minə eşşək?” “Emin və Adnanı azad edin, korrupsionerləri həbs edin!” tələbləri əksini tapıb. “Azadlıq üçün siqnal ver” çağırışını da yoldan keçən sürücülər diqqətsiz buraxmayıb, ətrafı siqnal səsləri bürüyüb.

Mətnin əsli burada

Video:

Bloqqerlərin işi üzrə məhkəmənin günü bəlli oldu

2009-08-27T22:19:00.001-07:00

26.08.2009

Gənc fəallar Emin Milli və Adnan Hacızadəyə qarşı irəli sürülmüş ittihamlar üzrə məhkəmə prosesi sentyabrın 4-ə təyin olunub.

Avqustun 26-da Respublika Prokurorluğu işi məhkəməyə göndərdikdən sonra Səbail rayon Məhkəməsi prosesin vaxtını müəyyənləşdirib.

Eyni gündə Səbail rayon Məhkəməsində Hikmət Hacızadənin oğlu ilə görüşlərə icazə verilməməsi ilə bağlı şikayətinə də baxılacaq.

Avqustun 28-də isə Bakı Apellyasiya Məhkəməsi A.Hacızadə və E.Milli ilə həbs olunduqları gün qeyri-insani rəftar, onların müdafiə hüquqlarının pozulması barədə şikayətlərə baxacaq.

A.Hacızadə və E.Milli bu il iyulun 8-də «Lebanese» restoranında baş verən münaqişədən sonra həbs ediliblər. Onlar xuliqanlıqda və qəsdən sağlamlığa az ağır zərər vurmada ittiham olunurlar. Gənc fəallar ittihamları qəbul etmirlər və həbslərinin sifarişli olduğunu deyirlər.

Beynəlxalq qurumlar onların qeyd-şərtsiz azadlığa buraxılmasını tələb edirlər.

http://www.azadliq.org/content/article/1808330.html

Londonda bloggerlərə dəstək konserti keçiriləcək

2009-08-27T22:12:00.000-07:00

Sentyabrın 2-dən Azərbaycanın Londondakı səfirliyinin binası qarşısında bloggerlər Adnan Hacızadə və Emin Milliyə dəstək üçün küçə konserti keçiriləcək.

Bloggerlərin Böyük Britaniyadakı dostlarının Turana verdiyi məlumata görə, konsert onların həbsinə qarşı etiraz aksiyası, habelə onlara dəstək aktı olacaq.

Konsertə məşhur musiqiçilər, habelə konsert zamanı bloggerlərin portretlərini çəkəcək rəssamlar dəvət edilib.

http://news.qaynar.info/30309.html

Gənc fəalların işi ilə bağlı Klintona müraciət olundu

2009-08-26T02:47:00.000-07:00

26.08.2009

"İyulun 8-də Adnan Hacızadə və Emin Millinin xuliqanlıq ittihamı ilə həbs edilməsi beynəlxalq diqqət çəkib. Onlar Azərbaycanın hazırkı hökumətinə müxalif olan bloqqer və fəal gənclərdir. Belə bir ehtimal var ki, onların həbsi siyasi fikirlərini bildirmələrinin nəticəsi olub".

Demokrat partiyasından olan konqressmen Ceyms Moran gənc fəallar Emin Milli və Adnan Hacızadənin işi ilə bağlı dövlət katibi Hillari Klintona ünvanladığı məktubunda belə yazıb.

Cənab Moran daha sonra yazır: "Azərbaycanda hüquqi sistemin zəif olması ilə əlaqədar Hacızadə və Millinin məhkəməsinin ədalətli keçməyəcəyindən narahatam. Dövlət Departamenti onların işi üzrə məhkəmənin ədalətli olması üzrə hər-hansı addımlar atırmı? ABŞ-ın, harada olursa olsun, söz azadlığının boğulmasından narahat olduğunu göstərməsi vacibdir".

OL Gənclər Hərəkatının həmtəsisçisi Adnan Hacızadəylə AN Gənclər şəbəkəsinin təsisçilərindən Emin Milli bu il iyulun 8-də Livan restoranındakı münaqişədən sonra həbs ediliblər. Onlar xuliqanlıqda ittiham olunurlar. Gənclər özlərisə bu ittihamı qəbul etmirlər.

Beynəlxalq qurumlar onların qeyd-şərtsiz azadlığa buraxılmasını tələb edirlər.
Məhkəmə hər iki gənclə bağlı iki aylıq həbs-qətimkan tədbiri seçib.

http://www.azadliq.org/content/article/1807818.html

Gənc fəalların işi prokurorluğa göndərildi

2009-08-25T22:45:00.000-07:00

25.08.2009

Gənc fəallar Emin Milli və Adnan Hacızadənin işi üzrə istintaq materialları prokurorluğa göndərilib. Bu haqda AzadlıqRadiosuna gənclərdən birin vəkili İsaxan Aşurov məlumat verib:

"Cinayət işi ittiham aktı ilə birlikdə prokurora təqdim edilib. Çox güman ki, prokuror ittiham aktını təsdiq edib məhkəməyə göndərəcək".

Gənc fəallar bu il iyulun 8-də Bakıdakı "Livan" restoranında baş vermiş insidentlə bağlı həbs ediliblər. Məhkəmə gənclər barəsində iki aylıq həbs-qətimkan tədbiri seçib. Onlar barəsində əvvəlcə xuliqanlıq, sonra qəsdən sağlamlığa az ağır zərər vurma maddələriylə ittiham irəli sürülüb.

Bir sıra beynəlxalq təşkilatlar bu həbsi gənclərin aktiv ictimai-siyasi fəaliyyəti ilə əlaqələndirib və Azərbaycan hakimiyyətindən onların azadlığa buraxılmasını tələb edib.

http://www.azadliq.org/content/article/1807071.html

"Bu qadağaya görə, ailəmizə böyük mənəvi və fiziki ziyan dəyib"

2009-08-24T21:42:00.001-07:00

24.08.2009

Maarif Çingizoğlu

Gənc fəallar Emin Milli və Adnan Hacızadəyə yeni ittiham irəli sürülüb. Xuliqanlıqda suçlandırılan gənclərə avqustun 21-də Cinayət Məcəlləsinin daha bir maddəsilə - qəsdən sağlamlığa az ağır zərər vurma ittihamı irəli sürülüb. Hər iki ittiham üzrə 2 ildən 5 ilə qədər azadlıqdan məhrum etmə cəzası nəzərdə tutulur.

Vəkil İsaxan Aşurov deyir ki, gənclər eynilə "Azadlıq" qəzetinin baş redaktoru Qənimət Zahidə qarşı irəli sürülən maddələrlə ittiham olunurlar.

Qənimət Zahid eyni ittihamlarla 2007-ci ildə 4 il azadlıqdan məhrum edilib.

HƏR GÜN ÜÇÜN 20 MANAT TƏZMİNAT

Bu arada həbsdə olan gənclərin valideynləri də boş dayanmayıblar. Onlar istintaq müddətində övladları ilə görüşə bilmədikləri üçün məhkəməyə müraciət ediblər. Adnanın atası Hikmət Hacızadə Səbail rayon Polis İdarəsinin müstəntiqi Ziya Əliyevi məhkəməyə verib, ondan oğlu ilə görüşə bilmədikləri hər gün üçün 20 manat təzminat tələb edir.

Avqustun 24-də bununla bağlı Səbail rayon Məhkəməsində hazırlıq iclası keçirilib. Hikmət Hacızadə deyir ki, onlar dəfələrlə istintaq orqanına, müstəntiqə müraciət edib, övladlarıyla görüşə imkan yaradılmasını istəyiblər. Amma bu imkan onlara verilməyib:

"Bu qadağaya görə, ailəmizə böyük mənəvi və fiziki ziyan dəyib. Əsəblərimiz korlanıb, qan təzyiqimiz tez-tez qalxıb-düşür. Bizdə yuxusuzluq və s. problemlər yaranıb. Bütün bunlar müstəntiqin qanunsuz hərəkətinə və pis rəftarına görədir".

Hikmət Hacızadə istənilən məbləği simvolik, ideyanı isə cəmiyyət üçün nümunə sayır.

GÖRÜŞMƏMƏYƏ ƏSAS YOXDUR

Vəkil İsaxan Aşurov bunu Azərbaycanda məhbusla görüşə imkan verilmədiyinə görə irəli sürülən ilk iddia sayır. O hesab edir ki, görüş iddiası Avropa Konvensiyası və Avropa Məhkəməsinin presedent qərarlarına tam uyğun tərtib edilib. Vəkilin sözlərinə görə, görüşdən imtina ancaq qanunda və beynəlxalq müqavilədə nəzərdə tutulan əsaslar mövcud olduqda haqlı sayıla bilər.
İsaxan Aşurov deyir ki, cinayət təqibi orqanı istintaq altında olan şəxslərə təkcə onların valideynləri ilə deyil, dostları və hətta əlaqələri həmin şəxslər üçün əhəmiyyət kəsb edən hər kəslə görüş verməyə borcludur. Bir şərtlə ki, İnsan hüquqlarının və əsas azadlıqların müdafiəsi haqqında Avropa Konvensiyasının 8-ci maddəsinin 2-ci bəndində nəzərdə tutulan məhdudiyyətlər mövcud olmasın:

"O məhdudiyyətlər isə çox dəqiq göstərilib. Birincisi, məhdudiyyət Avropa Məhkəməsinin qərarlarına uyğun olaraq qanunda nəzərdə tutulan olmalıdır. İkincisi, bu məhdudiyyətlər demokratik cəmiyyətdə yol verilən olmalıdır. Həmçinin məhdudiyyətlər milli təhlükəsizlik mülahizələri, istintaq altında olan şəxsin qaçırılmasının təşkili və hər hansı mühüm məlumatın yayılmasının qarşısını almaqla bağlı ola bilər. Amma Adnan Hacızadə və Emin Abdullayevin işində belə bir hal yoxdur".

İ.Aşurov deyir ki, yaxşı olar ki, iddia barədə Azərbaycan məhkəməsi qərar çıxarsın, əks halda bu, Avropa Məhkəməsinin baxış predmetinə çevrilə bilər.

Respublika Prokurorluğu mətbuat xidmətinin rəhbəri Eldar Sultanov Emin Milli və Adnan Hacızadəyə qarşı yeni ittihamın irəli sürüldüyünü təsdiqləyib. Valideynlərin öz övladlarıyla görüş bilməmələri üçün məhkəməyə müraciət etmələrinə gəlincə, E.Sultanov deyib ki, bunun üçün məhkəmənin qəbul edəcəyi qərarı gözləmək lazımdır.
Məhkəmə işə sentyabrın 4-də baxacaq.

http://www.azadliq.org/content/article/1806585.html

"Bloqçuları həbs etmək asan olmamalıdır"

2009-08-24T21:41:00.001-07:00

24.08.2009

"Artıq vaxt gəlib çatıb ki, biz bloqçular təşkilatlanaq, bloqçuların da özünün Human Rights Watch kimi bir hüquq müdafiə təşkilatı olsun". Bu sözləri AzadlıqRadiosuna müsahibəsində internet fəalları Adnan Hacızadə və Emin Millinin həbsini şərh edərkən nüfuzlu "New Yorker" jurnalının redaktoru Hendrik Hertzberq deyib.

Jurnalda öz siyasi bloqunu aparan Hertzberqin sözlərinə görə, Azərbaycanda bloqçuların həbsi barədə eşitdikləri onu bu məsələni başqa bloqçularla müzakirə etməyə sövq edib. Onun fikrincə, həbsdə olan bloqçuların məsələsi liberal bloqçuların Netroots Nation adı altında keçirilən forumunun nəzərinə çatdırılmalıdır.

"Azərbaycandakı kimi bloqçuların hüquqlarının müdafiəsi Netroots Nationun missiyasına çevrilməlidir. Onlar elə etməlidirlər ki, hökumətlər üçün bloqçulara təzyiq göstərmək bu qədər rahat olmasın. Çünki bu yaxınlarda İranda da gördüyümüz kimi, əgər həvəsləri olsa, kompyuter, mobil telefon, blackberrisi olan adamlar çox iş görə bilərlər. Və bir bloqçu kimi mənim də üzərimə düşən vəzifə budur ki, hökumətlərin bloqçuları əzməsini çətinləşdirim" Hertzberq deyib.

OL Gənclər Hərəkatının həmtəsisçisi Adnan Hacızadəylə AN Gənclər şəbəkəsinin təsisçilərindən Emin Milli bu il iyulun 8-də Livan restoranındakı münaqişədən sonra həbs ediliblər. Onlar xuliqanlıqda ittiham olunurlar. Gənclər özlərisə bu ittihamı qəbul etmirlər.

Beynəlxalq qurumlar onların qeyd-şərtsiz azadlığa buraxılmasını tələb edirlər.
Məhkəmə hər iki gənclə bağlı iki aylıq həbs-qətimkan tədbiri seçib.

http://www.azadliq.org/content/article/1806465.html

Gənc fəallara yeni ittiham irəli sürülüb

2009-08-24T21:40:00.001-07:00

24.08.2009

Gənc fəallar Emin Milli və Adnan Hacızadəyə yeni ittiham irəli sürülüb.

Bu barədə vəkil İsaxan Aşurov məlumat verib. Onun sözlərinə görə, Emin Milli və Adnan Hacızadəyə Cinayət Məcəlləsinin qəsdən sağlamlığa az ağır zərər vurma maddəsilə (127-ci maddə) ittiham irəli sürülüb.

Vəkil deyir ki, bu ittiham gənc fəallara avqustun 21-də irəli sürülüb.

Bundan əvvəl isə gənclər Cinayət Məcəlləsinin xulliqanlığa görə məsuliyyət nəzərdə tutan maddəsi (221-ci maddə) ilə ittiham olunurdular.

İsaxan Aşurov: "Nəzərinizə çatdırmaq istəyirəm ki, bu maddələr "Azadlıq" qəzetinin baş redaktoru Qənimət Zahidin ittiham olunduğu maddələrdir".

İ.Aşurov deyir ki, gənc fəalların avqustun 22-də başa çatan istintaqının sürprizləri bununla bitməyib. Vəkilin sözlərinə görə, o və həmkarı Elton Quliyev belə qərara gəliblərmiş ki, eyni vaxtda hər iki gənci müdafiə etsinlər. Hətta bu barədə vəkil qurumunun orderini istintaq orqanına təqdim də ediblərmiş. Amma sonradan cinayət işinin materialları ilə tanışlıq zamanı məlum olub ki, istintaq orqanı buna imkan verməyib.

İsaxan Aşurov Adnan Hacızadənin, Elton Quliyev isə Emin Millinin vəkilidir.

Gənc fəallar bu il iyulun 8-də Bakıdakı "Livan" restoranında baş vermiş insidentlə bağlı həbs ediliblər. Məhkəmə gənclər barəsində iki aylıq həbs-qətimkan tədbiri seçib.

Bir sıra beynəlxalq təşkilatlar bu həbsi gənclərin aktiv ictimai-siyasi fəaliyyəti ilə əlaqələndirib və Azərbaycan hakimiyyətindən onların azadlığa buraxılmasını tələb edib.

http://www.azadliq.org/content/article/1806226.html

Məhkəmə Hikmət Hacızadənin şikayətinə gələn həftə baxacaq

2009-08-24T21:39:00.001-07:00

24.08.2009

Avqustun 24-də Səbail rayon məhkəməsində gənc fəal Adnan Hacızadənin atası Hikmət Hacızadənin şikayəti əsasında hazırlıq iclası keçirilib. İlk məhkəmə iclası gələn həftə, sentyabrın 4-də olmalıdır.

Hikmət Hacızadə Səbail rayon polis idarəsinin müstəntiqi Ziya Əliyevi məhkəməyə verib. Buna səbəb oğlu həbsdə olduğu müddətdə onunla görüşə imkan yaradılmamasıdır. Hikmət Hacızadə oğlu ilə görüşmədiyi hər günə 20 manat təzminat tələb edir. Ümumilikdə, bu məbləğ ərizənin qəbul olunduğu günə kimi (44 gün) 880 manat edir.

OL Gənclər Hərəkatının həmtəsisçisi Adnan Hacızadəylə AN Gənclər şəbəkəsinin təsisçilərindən Emin Milli bu il iyulun 8-də Livan restoranındakı münaqişədən sonra həbs ediliblər. Onlar xuliqanlıqda ittiham olunurlar. Gənclər özlərisə bu ittihamı qəbul etmirlər.

Beynəlxalq qurumlar onların qeyd-şərtsiz azadlığa buraxılmasını tələb edirlər.
Məhkəmə hər iki gənclə bağlı iki aylıq həbs-qətimkan tədbiri seçib.

http://www.azadliq.org/content/article/1806108.html

"Şirbənd" bloggerlərə mahnı həsr etdi

2009-08-24T17:45:00.000-07:00

Azərbaycanın etirazçı "Şirbənd" rep qrupu yeni mahnısını yazdırıb. Qaynar.info-nun verdiyi xəbərə görə, mahnı "Davam edir 37" adlanır və həbsdə olan gənc fəallara Emin Milli və Adnan Hacızadəyə həsr olunub.

"Davam edir 37" repini dinləmək istəyənlər aşağıdakı linkdən istifadə edə bilər:
http://www.boxca.com/jbhwbrln55ii/Shirband_featuring_Kopsek_-_Davam_edir_37.mp3.html

Bakı səmasında "Adnan və Eminə azadlıq!" şüarı

2009-08-20T23:12:00.000-07:00

20.08.2009

Avqustun 20-i axşamçağı Bakının mərkəzi meydanlarından birində gəzişənlər maraqlı bir etiraz aksiyasının şahidi olublar. Gənclərin Hüquqlarını Müdafiə Hərəkatının fəalları yüzə yaxın şara bərkidilmiş "Adnan və Eminə azadlıq!" şüarı ilə İstiqlaliyyət küçəsi ilə yürüş edib və Nizami heykəlinin yanında şarları havaya buraxıblar.

Hərəkat fəalı Pərvanə Persianinin AzadlıqRadiosuna dediyinə görə, polis müdaxiləsinə baxmayaraq, aksiya baş tutub: "Polis bizim arxamızca qaçırdı, şüarları əlimizdən alıb cırmaq istəyəndə, biz şarları havaya buraxdıq, şüarlar da göyə qalxdı".

P.Persianinin sözlərinə görə, aksiya iyulun 8-də həbs olunmuş bloqçuların azad olunması tələbi ilə keçirilib.

Gənclərin Hüquqlarını Müdafiə Hərəkatı Emin Milli və Adnan Hacızadənin həbsindən sonra, gənc fəalları müdafiə məqsədilə yaradılıb. Emin Milli və Adnan Hacızadə iyulun 8-də "Livan" restoranında baş verən münaqişədən sonra həbs olunublar.

Səbail Rayon Məhkəməsi iyulun 10-da gəncləri 2 ay müddətinə həbs edib. Gənclərin həbsi bir sıra beynəlxalq təşkilatlar tərəfindən pislənilib.

http://www.azadliq.org/content/article/1804239.html

Video:

Gənc fəalların istintaqı başa çatır…

2009-08-20T23:08:00.000-07:00

20.08.2009

Həbsdə olan gənc fəallar Adnan Hacızadə və Emin Millinin istintaqı yekunlaşmaq üzrədir. Vəkil İsaxan Aşurov deyir ki, gələn həftə bu işlə bağlı istintaq materialları məhkəməyə göndərilə bilər. Ancaq vəkil yada salır ki, avqustun 8-dən gənclər istintaqa ifadə verməkdən imtina ediblər. Bəs görəsən gənclərin ifadə verməkdən imtina etməsi ittiham aktının birtərəfli hazırlanmasına səbəb olmazmı?

GƏNCLƏR İFADƏ VERMƏKDƏN NƏDƏN İMTİNA EDİBLƏR?

Vəkil İsaxan Aşurov deyir ki, əslində elə gənclər ittiham aktı birtərəfli hazırlanacağını əsas gətirib istintaqa ifadə verməkdən imtina ediblər:

"İttiham aktı onsuz da birtərəfli hazırlanacaq. Çünki işin halları təhrif edilib. Adnan və Emin döyüldüyü halda təqsirləndirilən şəxs kimi, onları döyənlər isə zərərçəkən qismində tanınıblar. Bu o deməkdir ki, gənclərin ifadə verməkdən imtina etməsi ittiham aktına təsir etməyəcək".

İsaxan Aşurov deyir ki, gənclərin bu addımı istintaqın ədalətsiz aparılmasına bir növ etirazdır. Onun fikrincə, müdafiə tərəfi qanunun imkan verdiyi bütün vasitələrdən istifadə etməklə istintaqın ədalətli və qərəzsiz aparılmasına nail olmaq istəyir. İsaxan Aşurov şübhə etmir ki, əgər ədalətli məhkəmə keçiriləcəksə bütün ittihamlar sabun köpüyü kimi yox olacaq.

Baş Prokurorluqda isə hesab edirlər ki, Adnan Hacızadə ilə Emin Millinin istintaqa ifadə verməməsi onların hüquqlarıdır, ancaq işin birtərəfli aparılmasıyla bağlı iddialar düzgün deyil. İstintaq obyektiv aparılır.

MƏHKƏMƏNİN ƏDALƏTLİ KEÇİRİLƏCƏYİNƏ İNAM VARMI?

Adnan Hacızadənin atası Hikmət Hacızadə isə deyir ki, məhkəmənin ədalətli keçib-keçməyəcəyi yuxarıdan veriləcək sifarişdən asılıdır. Hikmət Hacızadənin fikrincə, Azərbaycan məhkəmələri müstəqil olmadığından siyasi məsələlərdə kimin haqlı olub-olmaması və ya istintaqın necə aparılması ciddi əhəmiyyət daşımır: "Şəxsən mən istəyərdim ki, bu qərarı verənlər müdriklik göstərsinlər. Azərbaycanı bir daha biabır etməsinlər. Bunun nə bizim ailəmizə, nə də ölkənin imicinə bir ziyanı olsun".

Əslində son günlər gənclərin həbsi ilə bağlı hakim düşərgədən yumşaq bəyanatlar eşidilməkdədir. Hətta Prezident Administrasiyasında xarici əlaqələr şöbəsinin müdiri Novruz Məmmədov demişdi ki, gənclər bir-iki aya azadlığa buraxıla bilər. Hərçənd Novruz Məmmədov da gənclərin həbsini siyasiləşdirməyə ehtiyac görmür, bunu sırf xuliqanlıq əməlinin nəticəsi kimi dəyərləndirirdi.

Yeri gəlmişkən avqustun 20-də Xarici İşlər nazirinin müavini, Diplomatik Akademiyanın rektoru Hafiz Paşayev də jurnalistlərə açıqlamasında deyib ki, gənclərin həbsinin azad fikrin boğulması kimi təqdim edilməsi düzgün deyil:
"Mən inanmıram ki, onlar müstəqil fikirlərinə görə həbs edilsinlər. Bizim akademiyada o qədər müstəqil düşünənlər var ki! Görünür nəsə ediblər ki, həbs ediliblər".

"Zerkalo" qəzetinin əməkdaşı Azər Rəşidoğlu isə deyir ki, elə bu fikirlərin mahiyyətinə fikir verilsə, hakim düşərgədə ciddi yumşalmanın baş vermədiyi üzə çıxar. Ancaq o etiraf edir ki, gənclərin həbsindən sonra Azərbaycana beynəlxalq təpkilər ciddi xarakter alıb. Üstəlik bu ara həm "Tolişi sədo" qəzetinin baş redaktoru Novruzəli Məmmədovun həbsxanada müəmmalı ölümü, həm də "Eurovision" mahnı müsabiqəsində Ermənistan təmsilçisinə səs verən insanların Milli Təhlükəsizlik Nazirliyinə çağırılmasıyla bağlı aparılan araşdırmalar hakimiyyəti çox pis vəziyyətə qoyub. Azər Rəşidoğlu güman edir ki, bütün bu vəziyyət hakimiyyəti geriyə addımlar atmağa məcbur edəcək. Hakimiyyət seçim etməlidir. Ya ölkənin imici, ya da şəxsi maraqlar…

http://www.azadliq.org/content/article/1804047.html

Gənc fəallarla bağlı Bakı Apellyasiya Məhkəməsinə iki şikayət verilib

2009-08-19T22:30:00.000-07:00

19.08.2009

Gənc fəallar Adnan Hacızadə və Emin Millinin vəkilləri avqustun 19-da Bakı Apellyasiya Məhkəməsinə iki şikayət təqdim ediblər. Bu haqda AzadlıqRadiosuna Adnan Hacızadənin vəkili İsaxan Aşurov məlumat verib.

İsaxan Aşurov: "Bu şikayətlər Adnan Hacızadə ilə Emin Millinin hüquqlarının pozulması ilə bağlıdır. Birinci şikayətdə söhbət təqsirsizlik prezumsiyasının pozulmasından gedir. İkinci şikayətdə isə həm onlarla pis davranışdan, həm də müdafiə hüquqlarının pozulmasından bəhs edilir. Təəssüf ki, bizim bu şikayətlərimizi Səbail Rayon Məhkəməsi təmin etməmişdi".

Vəkil deyir ki, Bakı Apellyasiya Məhkəməsində bu şikayətlərə nə vaxt baxılacağı hələ ki, məlum deyil.

İ.Aşurov avqustun 19-u həmçinin Kürdəxanıdakı Bakı İstintaq Təcridxanasında saxlanan Adnan Hacızadə ilə də görüşüb.

Onun sözlərinə görə, A.Hacızadənin nə saxlanma şəraitindən, nə də təcridxana əməkdaşlarının davranışından şikayəti var. Ancaq vəkil deyir ki, Adnan Hacızadənin atası Hikmət Hacızadə hələ də onunla görüşə bilmir:

"Müdafiə tərəfi bununla bağlı Səbail Rayon Məhkəməsinə şikayət edib. Bu şikayətlə bağlı məhkəmə avqustun 24-nə təyin edilibƏ.

Emin Milli və Adnan Hacızadə iyulun 8-də "Livan" restoranında baş verən münaqişədən sonra həbs olunublar.

Səbail Rayon Məhkəməsi iyulun 10-da gəncləri 2 ay müddətinə həbs edib.

Gənclərin həbsi bir sıra beynəlxalq təşkilatlar tərəfindən pislənilib.

http://www.azadliq.org/content/article/1803202.html

Almaniya Bundestaqının deputatı Yörq Taussun Azərbaycan Respublikası Prezidentinə ünvanladığı məktub

2009-08-19T21:36:00.000-07:00

Hörmətli cənab Prezident,

Almaniya, Avropa və onun hüdudlarından kənarda çox sayda insan iki Azərbaycan vətəndaşı- Adnan və Eminin həbsi və bununla əlaqədar yaranmış vəziyyəti narahatlıqla izləyir.

Qapalı məhkəmə iclasları, onların valideynləri və xarici diplomatlarla görüşməyə icazə verilməməsi, çoxlu sual doğuran istintaq prosesi və həbsin ilk günlərində həbs edilənlərə düzgün olmayan davranış Azərbaycanın Avropa Şurasında üzv olaraq riayət etməyi öhdəsinə götürdüyü prinsiplərə uyğun deyil.

Odur ki, Sizdən bir daha xahiş etmək istəyirəm ki, bu məsələni şəxsən öz nəzarətinizə götürəsiniz. Bakıda son səfərim zamanı prokurorluq və istintaq orqanlarında mənə bildirdilər ki, yüksək hökumət instansiyaları tərəfindən göstəriş olarsa, mənim həbsdə olanlara baş çəkməyimə heç bir maneə olmayacaq.

Cənab prezident, bu səbəbdən, dövlət hakimiyyətinin ən yüksək orqanı kimi, mən bir daha Sizə müraciət edirəm.

Bu ilin 31.08.-01.09. tarixlərində Bakıya növbəti səfərim zamanı həbsdə olan həmin vətəndaşlarla görüşməyim üçün Sizin və ya idarənizin nəzərincə heç bir maneə olmaması və bu günlərin birində yerli idarələr tərəfindən bu görüşə şərait yaradılmasının təmin olunması tapşırığı haqqında Sizdən, və ya əlaqədar nazirlikdən aidiyyatı olan orqanlara təqdim etmək üçün təsdiq məktubu verməyinizi rica edirəm. Əlbəttə, daha yaxşı olardı ki, bu vətəndaşlar o zamana qədər artıq azadlıqda olsunlar.

Polis və prokuroluq orqanları mənim son səfərim zamanı məlumat verdilər ki, həmin iki məhbusa qarşı istintaq fəaliyyəti yekunlaşmışdır. Qanunun aliliyi nəzərindən yanaşdıqda ehtiyac olmadan onların həbsdə saxlanması heç bir halda düzgün hesab edilə bilməz .

Hörmətli cənab prezident,

Sizin ölkənizi çox sevən bir dost kimi mən həmişə Almaniya ilə Azərbaycan arasında münasibətlərin yaxşılaşmasına çalışmışam. Xahiş edirəm ki, bunu nəzərə alaraq mənim xahişimə müsbət cavab verəsiniz. Bu hal Azərbaycanın Avropada və onun hüdudlarından kənarda nüfuzuna ciddi xələl gətirir və bu məsələnin tezliklə həll olunması yaxşı olardı. Həbsdə olanların valideynlərinə və eləcə də mənə görüş üçün icazə verilməsi bu məsələnin həlli yolunda vacib göstərici olardı olardı.

Sizin dəstəyinizə böyük ümid bəsləyirəm və arzu edirəm ki, Bakıya bundan sonrakı səfərlərim daha xoş məqsəd daşısın.
Əvvəlcədən təşəkkür edirəm.

Hörmətlə

Yörq Tauss
Almaniya Bundestaqının deputatı

Hollandiyada Azərbaycan səfirliyi qarşısında etiraz

2009-08-19T03:52:00.000-07:00

19.08.2009

Avqustun 18-də Hollandiyada Azərbaycan Respublikasının bu ölkədəki səfirliyi qarşısında gənc fəallar Adnan Hacızadə və Emin Millinin həbsinə etiraz aksiyası keçirilib.

Aksiya iştirakçıları səfirlik binası önündə şüarlar səsləndirərək Azərbaycanda gənc fəallara qarşı olan basqıları pisləyiblər. Həmçinin azad mətbuata, azad fikrə qarşı təzyiqlərə etirazlarını bildiriblər.

Aksiya iştirakçıları Adnan Hacızadənin, Emin Millinin, həmçinin həbsdə olan digər jurnalistlər Qənimət Zahidin, Eynulla Fətullayevin, Müşfiq Hüseynovun azadlığa buraxılmasını tələb ediblər. Aksiyanın qətnaməsi səfirliyə təqdim edilib.

Aksiyadan sonra Azərbaycandakı real ictimai-siyasi durumu əks etdirən bukletlər şəhər ictimaiyyətinə paylanıb.

Emin Milli və Adnan Hacızadə iyulun 8-də "Livan" restoranında baş verən münaqişədən sonra həbs olunublar. Səbail rayon məhkəməsi iyulun 10-da gəncləri 2 ay müddətinə həbs edib. Gənclərin həbsi bir sıra beynəlxalq təşkilatlar tərəfindən pislənilib.

http://www.azadliq.org/content/article/1802936.html

ABŞ-da hər oxuyandan "Saakaşvili" olmaz

2009-08-17T03:48:00.000-07:00

17.08.2009

Səadət Akifqızı

"ABŞ-da bir universitetə qəbul olunmuşdum, ikinci magistraturaya, elə bilirdim ki, dövlət proqramı çərçivəsində gedib oxuya biləcəm, amma belə olmadı".

Adının çəkilməsini istəməyən müsahibimiz bakalavr və magistratura təhsilini də xarici ölkələrdə dövlət hesabına alıb. İxtisasca iqtisadçı olan bu şəxs deyir ki, Təhsil Nazirliyində ona ABŞ universitetlərinə ərizə qəbulunun dayandırıldığını deyiblər.

"Adnan Hacızadə və Emin Milliylə bağlı qalmaqaldan sonra hökumət ABŞ-a oxumağa tələbə göndərmək istəmir" - deyən müsahibimizin dövlət dəstəyi olmadığından mükəmməl təhsil arzusu yarımçıq qalıb, o, Birləşmiş Ştatlara oxumağa gedə bilməyib.

Bəzi məlumatlara görə isə, yuxarı hakimiyyət dairələrində çoxdan "ABŞ-a göndərilən tələbə Saakaşvili olub qayıdacaq" fikirləri səslənir və indi qeyri-rəsmi şəkildə okeanın o tayına tələbə göndərişi dayandırılıb. Bu məlumatların həqiqət olub-olmadığını öyrənmək üçün Təhsil Nazirliyinin beynəlxalq əlaqələr şöbəsiylə əlaqə saxladıq. Hazırda "2007-2015-ci illərdə Azərbaycan gənclərinin xarici ölkələrdə təhsil üzrə Dövlət Proqramı" çərçivəsində ərizə qəbulu aparılır. Ərizələrin qəbulu avqustun 20-də başa çatacaq. Amma bu dəfə bakalavr pilləsi üzrə təklif olunan ölkələr arasında ABŞ yoxdur. Təhsil Nazirliyinin sözügedən şöbəsindən bildirdilər ki, nəinki bu il, heç əvvəllər də bakalavr pilləsi üçün ABŞ seçilməyib.

Amma Təhsil Nazirliyinin "http://xaricdetehsil.edu.gov.az" saytındakı tələbələr bölümündə biz bir neçə nəfərin ABŞ-da bakalavr təhsili aldığını müəyyənləşdirdik. Onlardan 2008-ci ildə Pittsburq Universitetinə daxil olan Vüsal Babaşov təhsilini 2013-cü ildə başa vuracaq.

"KVOTA" BİTİB

Bəs ABŞ ali məktəblərində magistraturaya ərizə vermək olarmı? Təəssüf ki, yox. Çünki "kvota" dolub. Bu haqda Təhsil Nazirliyinin xarici əlaqələr şöbəsindən bildirdilər:

- Kvota dolub. Yer yoxdur.

Söhbət hansı "kvota"dan gedir? Bir halda ki, hələ seçim aparılmayıb, ərizə qəbulu davam edir, müsabiqə necə yekunlaşıb? Təəssüf ki, bu sualların da cavabını ala bilmədik.

ABŞ-dan HƏM DƏ HAKİMİYYƏTPƏRƏST QAYITMAQ OLAR

Qayıdaq "Saakaşvili" məsələsinə. Doğrudanmı, ABŞ-da hər təhsil alan "Saakaşvili" ola bilər? Hüquqşünas Erkin Qədirlinin fikrincə, söhbət təhsil sistemindən gedirsə, Azərbaycan mükəmməl bilik üçün xaricə tələbə göndərməyi nəinki azaltmalı, hətta artırmalıdır. Amma onun fikrincə, yüksək təhsil almaq heç də demokratik təfəkkür sahibi olmaq demək deyil:

- Bilik vacibdir. Amma biliklə azadlıq arasında səbəb-nəticə əlaqəsi yoxdur. Mən o qədər gənc tanıyıram ki, ABŞ-da təhsil alıblar, amma hakimiyyəti dəstəkləyiblər.

Bəs Adnan Hacızadə və ya Emin Millinin yolu ABŞ-a düşməsəydi, onlar yenə də azad, demokratik təfəkkür yiyəsi olardılarmı? Erkin Qədirli:

- Onlar ABŞ-a oxumağa getməmişdən qabaq bu düşüncənin yiyəsiydilər, azadlıqsevər insanıydılar. Azərbaycanda o qədər sovet təhsili almış adamlar var ki, totalitar hakimiyyətlə mübarizə aparırlar.

ABŞ təhsilli Azərbaycan Məzunları İctimai Birliyinin rəhbəri Ceyhun Kərəmov isə deyir ki, Birləşmiş Ştatlarda təhsil alan gənclər öz ixtisaslarında peşəkar kimi yetişirlər. Yəni dövlət ya özəl sektorda çalışmalarına baxmayaraq, vəzifələrinə peşəkar yanaşırlar. Amma digər məsələlər isə fərdi xarakter daşıyır.

http://www.azadliq.org/content/article/1801582.html

Azərbaycan bloggerlərinin məhkəməsinə beynəlxalq müşahidəçilər gələcək

2009-08-17T03:16:00.000-07:00

17.08.2009

HRW,OMCT, FIDH, Front Line kimi məşhur beynəlxalq hüquq-müdafiə təşkilatları bloggerlər Adnan Hacızadə və Emin Millinin işi üzrə məhkəmə prosesinə öz nümayəndələrini göndərmək barədə qərar qəbul ediblər. Bu barədə hüquq-müdafiə təşkilatları şəbəkəsi ilə əlaqə saxlayan Sülh və Demokratiya İnstitutunun məlumatında deyilir. İnstitut məhkəmə prosesini izləyəcək beynəlxalq müşahidəçiləri qəbul etməyə və yerləşdirməyə hazırdır, deyə bu QHT-dən Turana bildiriblər.

Hələlik məhkəmənin dəqiq tarixi məlum deyil. Proses sentyabrın 10-dan gec olmayaraq keçirilməlidir, bu tarixdə gənclərin 2 aylıq həbs müddəti bitir. Vəkillər məhkəmənin tez keçirilə biləcəyini istisna etmirlər.

Milli və Hacızadə iyulun 8-də Bakıda “Lebanez” kafesində döyülüblər. Lakin polis onların özlərini xuliqanlıqda ittiham edib, Səbail rayon məhkəməsi isə iyulun 10-da gəncləri iki ay müddətinə həbs edib. Azərbaycanın hüquq-mühafizə orqanları məhkəmənin qərarı olmadan bloggerləri ictimai olaraq “xuliqanlıqda” ittiham etməyə tələsiblər.

“Bu həbsəri qanun pozuntusu və özbaşınalıq kimi dəyərləndirirəm. Onların həbsinin göz önündə olan yeganə motivi bu gənclərin ictimai fəallığıdır. Hər ikisinin həbsi siyasi motivlidir”, deyə vəkil Elton Quliyev bildirib. O, DİN və Baş Prokurorluğun mətbuat xidmətlərinin gənclərin restoranda xuliqanlıq etməsi və kimisə döyməsi barədə versiyasını “tamamilə yalan” adlandırıb.

Bir versiyaya görə, hakimiyyətin narazılığına Adnan Hacızadənin rəhbərliyi ilə çəkilmiş və İnternetdə yerləşdirilmiş videosüjet səbəb olub. Bu süjet Almaniyadan gəlmiş və Azərbaycanlı həmkarları ilə təcrübəsini bölüşən eşşəyə həsr olunub.

Bloggerlərin həbsi dünyada geniş etiraza səbəb olub. Hadisə dünya KİV-lərində reportajların mövzusuna çevrilib. Avropa İttifaqı, ATƏT kimi beynəlxalq təşkilatlar Azərbaycan hakimiyyətini bloggerləri azad etməyə çağırıb. Demək olar ki, bütün beynəlxalq təşkilatlar etirazlarını bildiriblər.

Hacızadə və Millinin yaxın gələcəkdə azad ediləcəyi istisna deyil. Keçən həftə Prezident Administrasiyasının beynəlxalq şöbəsinin müdiri Novruz Məmmədov qeyd edib ki, işi siyasiləşdirmək lazım deyil, bloggerlər bir neçə aydan sonra azad olunacaqlar

http://contact.com.az/index.php?type=news&lang=az&news_id=12908

Azərbaycan gənci, azadsanmı?

2009-08-16T03:13:00.000-07:00

16.08.2009

AzadlıqRadiosunun «İşdən sonra» proqramının Beynəlxalq Gənclər Günündə efirə getmiş verilişində «Azadsanmı?» sualına OL Azərbaycan Gənclər Hərəkatının İdarə Heyətinin üzvü Pərvanə Persiani, Yeni Azərbaycan Partiyasının Gənclər Komitəsinin sədr müavini Samirə Quliyeva və hüquqşünas Erkin Qədirli cavab verirdilər.

Bəzi fikirləri diqqətinizə təqdim edirik.

Pərvanə Persiani: «Bugünkü Azərbaycan reallığında azad fikir söyləməyə platforma yoxdur. Bunun nəticəsi olaraq insanlar özləri düşünməyə vaxt sərf eləmirlər. Daha çox başqa adamların həyat tərzini təqlid etməyə üstünlük verirlər. Azərbaycan gəncini hələ ki, azad gənc adlandıra bilmərik».

Samirə Quliyeva: «Mən düşünürəm ki, azadam. Azad xalqın, azad ölkənin nümayəndəsiyəm. Gənclər «azad deyiləm» deyəndə nəyi əsas gətirirlər, bilmirəm».

Pərvanə Persiani: «Gənclər rüşvət vermək, rüşvət almaq istəmirlər, növbəyə durmaq istəyirlər, istədiyi radioya qulaq asmaq istəyirlər, istədiklərini radio və televiziyada dinləmək istəyirlər. Onlar eyni rəngli, eyni formatlı məlumatların onlara sırınmasından yorulublar. Alternativ fikirləri daşıyan gənclər var, amma onların televiziyaya çıxışı yoxdur. Fikirlərini internetdə yayırlar və onları Emin Milli və Adnan Hacızadə kimi buna görə həbs edə bilərlər».

Samirə Quliyeva: «Azadlıq hər kəsin içindədir, razıyam...Bəs belə isə rüşvət almağa kim məcbur edir ki? Televiziyada şou-biznesin çox olması da elə həmin gənclərin tələbatından irəli gəlir. Müxtəliflik var. İnformasiya əsridir, İnternetdən istədiyi məlumatı ala bilər. İnternetlə də istədiyi fikri yaya bilər. Heç kim buna qadağa qoymursa, nə mane olur? O ki qaldı iki bloqçunun həbsinə, azadlıq deyiləndə hər fikri ötürmək olmaz. İnformasiyanı ötürəndə düşünmürlər ki, bu, Azərbaycanın imicinə necə təsir edəcək. Axı bütün bunlar Azərbaycanın imicinə təsir edir. 100 faiz hər şey yaxşıdır demək olmaz. Nöqsanlar da var, irəliləyiş də. Amma nəyimiz var, yaxşısı və pisi ilə birgə bizimdir - azərbaycanlıların. Hər şeyi açıq-aydın demək, dünyaya bunu reklam eləmək, düşünürəm, hardasa düzgün deyil. Elə məsələlər var ki, daxildə qalmalıdır. Bunu qırağa çıxarmaq, Azərbaycanın imicinə ziyan gətirə bilər. Hər kəsə hər şey icazə verilsə, xaos olar. Müəyyən çərçivə olmalıdır ki, bunu gənclər özü də gözləməlidir. Xalqımız naminə. Ola bilsin o gənclər elə bir informasiya veriblər ki, bu, Azərbaycana ziyan gətirə bilərdi».

http://www.azadliq.org/content/article/1800829.html

Novruz Məmmədov: Bloggerlər xuliqandırlar, amma onları buraxacaqlar

2009-08-15T03:17:00.000-07:00

15.08.2009

“Çox təəssüf ki, bu gün Qərb imkanlarından istifadə edərək, kiçik bir milçəyin uçmasını böyük hadisə edərək, dünyaya yaya bilir”, deyə Turana müsahibəsində Prezident Administrasiyasının beynəlxalq əlaqələr şöbəsinin müdiri Novruz Məmmədov beynəlxalq ictimaiyyətin bloggerlər Emin Milli və Adnan Hacızadənin azad edilməsi çağırışı ilə çoxsaylı müraciətlərini şərh edərkən bildirib. “Blogerlərin həbsi sadəcə bir xuliqanlıq hadisəsidir. Bir xuliaqanlıq baş verib və bir-iki aydan sonra onlar buraxılacaq. Amma belə işlər dünyada yüzlərlə olur, sadəcə olaraq onların bir neçəsi kimlərəsə lazım olanda siyasiləşdirilir. Sonra isə kimlərinsə marağına uyğun olaraq, dünyada süni olaraq mühüm hadisə kimi qələmə verirlər”, deyə Məmmədov bildirib.

“7-8 nəfər bu gənclər bir iki nəfərə qarşı olub. Bunu beynəlxalq mətbuat, Azərbaycanda olan səfirlər, beynəlxalq təşkilatlar, qeyri-hökumət təşkilatları, xarici nümayəndələr məsələni şişirdirlər. Amma Azərbaycanın həyati vacib məsələlərindən aylarla danışmırlar”, deyə o qeyd edib.

Azərbaycanın bloggerləri həbsədn azad etmək niyyətində olub-olmaması barədə suala cavabda Novruz Məmmədov bildirib ki, bu məsələ qanunvericilik daxilində həllini tapacaq. “Azərbaycan müstəqil dövlətdir. Biz görəndə ki, kimlərsə Azərbaycana süni təzyiqlər edir, bundan öz məqsədləri üçün istifadə etmək istəyir, biz bunları qəbul etmirik. Azərbaycan bütün dövlətlərlə səmimi əməkdaşlıq edir, dostluğu və tərəfdaşlığı qiymətləndirir. Lakin digər tərəf Azərbaycandan piyada kimi istifadə etməyə çalışırsa, bu qəbul edilməyəcək”.

Azərbaycanın xarici və daxili siyasətinə ədalətsiz kənar təsirlərin qəbul edilmədiyini deyən Məmmədov ölkədəki proseslərin qanunlarla idarə olunduğunu vurğulayıb. “Mən demirəm ki, Azərbaycanda nöqsan yoxdur və hər şey idealdır. Amma Azərbaycan son 17 ildə göstərdi ki, öz seçimində demokratik hüquqi və dünyəvi dövlət qurumunda, bütün çətinliklərə baxmayaraq, irəliləyir. Azərbaycan tezliklə qərbdə olan dövlətlər kimi sivil vətəndaş cəmiyyəti dövlətinə çevriləcək”, deyə Məmmədov bildirib.

http://contact.com.az/index.php?type=news&lang=az&news_id=12894

Bloqqerlərin taleyi Qərb diplomatlarının diqqət mərkəzindədir

2009-08-13T22:50:00.000-07:00

Həbs edilmiş gənc bloqqerlər və ağır xəstə olan məhbus Novruzəli Məmmədovun taleyi beynəlxalq ictimaiyyətin diqqət mərkəzində qalmaqdadır.

Son günlərdə Qərb diplomatik missiyalarının nümayəndələri Azərbaycan ombudsmanı Elmira Süleymanova ilə görüşlər keçiriblər.

Belə ki, avqustun 11-də ombudsman Belçika və Macarıstanın Bakıdakı səfirliklərinin nümayəndələri Peter Booms, Tibor Szilagyi, Zoltan Baç və Avropa Komissiyasının Azərbaycandakı nümayəndəliyinin rəhbəri Alan Vaddamsı, avqustun 12-də isə ABŞ səfirliyinin siyasi məsələlər üzrə müşaviri Coan Qansonu qəbul edib.

Qərb diplomatları həbs edilmiş gənc bloqqerlər Emin Milli və Adnan Hacızadənin həbsindən, o cümlədən Ədliyyə Nazirliyi Penitensiar Xidmətinin müalicə müəssisəsində saxlanılan «Tolışi sədo» qəzetinin sabiq baş redaktoru Novruzəli Məmmədovun vəziyyətindən narahatlıqlarını ifadə ediblər.

Ombudsman Aparatının mətbuat xidmətindən «Turan»a verilən məlumata görə, E.Süleymanova Azərbaycan ombudsman təsisatının insan hüquqlarının müdafiəsi sahəsində çoxşaxəli fəaliyyətini, dövlət orqanları, QHT-lər, vətəndaş cəmiyyəti ilə əməkdaşlığını, həmçinin ixtisaslaşmış beynəlxalq və regional təşkilatlarla, o cümlədən Avropa Birliyi ilə, xarici ölkələrdəki milli insan hüquqları institutları ilə qarşılıqlı əlaqələrini diqqətə çatdırıb.

Gənc bloqqerlərin işinə toxunan Süleymanova bildirib ki, Milli və Hacızadə saxlandığı andan etibarən Ombudsman Aparatının əməkdaşları bir neçə dəfə Xətai Rayon Polis İdarəsinin müvəqqəti saxlanma təcridxanasında onlarla görüşüb. Bundan başqa, Süleymanova Daxili İşlər nazirinə və Baş prokurora müraciət edərək, başlanmış cinayət işinin istintaqının obyektiv aparılmasının nəzarətə götürülməsini, saxlanmanın qanuniliyinin yoxlanılmasını, məhkəməyədək məsələnin barışıq yolu ilə həll edilməsinin mümkünlüyünün nəzərdən keçirilməsini xahiş edib.

E.Süleymanovanın sözlərinə görə, gənclərin saxlanma şəraitindən narazılıqları olmayıb, eyni zamanda, onlar barələrində istintaq hərəkətlərində iştirakdan imtina ediblər. Və onların məhkəmə prosesini gözlədikləri vurğulanıb.

Novruzəli Məmmədovun səhhətinə gəlincə, Ombudsman Aparatının əməkdaşları Penitensiar Xidmətin Tibb Müəssisəsində bir neçə dəfə ona baş çəkiblər və xəstəxana rəhbərliyi ilə görüşüblər. Onun saxlanma şəraiti, lazımi tibbi yardım alınması ilə bağlı müvafiq tövsiyələr verilib.

Müvəkkilin tapşırığından sonra məhkumun müalicəsinə daha diqqətlə yanaşıldığı, onun təkadamlıq palataya keçirildiyi, mütəmadi olaraq vəkili ilə görüşdüyü, saxlanma şəraitindən şikayətinin olmadığı, müayinələrin və müalicə tədbirlərinin müntəzəm aparıldığı diqqətə çatdırılıb. Novruzəli Məmmədovun əlavə müayinə olunması üçün müalicə müəssisəsinə tibb mütəxəssisləri göndərilib, xəstə zəruri olan bütün müayinələrdən keçirilib, bu günlərdə onun səhhəti ilə əlaqədar yekun tibbi rəy veriləcək və buna uyğun müalicə aparılacaq.

http://www.azadliq.org/content/article/1798932.html

Brayza prezidentlə bloqqerlərin həbsindən danışıb

2009-08-13T03:39:00.000-07:00

“Dağlıq Qarabağ münaqişəsi ilə bağlı ATƏT-in Minsk Qrupunun fəaliyyətini çox yüksək qiymətləndirirəm. İki ölkə prezidentinin mövqeyi o qədər yaxındır ki, yaxın zamanlarda çərçivə sazişi imzalana bilər”.

ATƏT-in Minsk Qrupunun amerikalı sabiq həmsədri Metyu Brayza avqustun 12-də Bakıda keçirdiyi mətbuat konfransında belə deyib. Onun sözlərinə görə, bu məsələdə vasitəçilərin üzərinə tərəfləri konstruktiv olmağa təşviq etmək düşür. Münaqişənin birbaşa həlli isə tərəflərdən asılıdır.

M.Brayza prezident İlham Əliyevlə görüşündə həbsdə olan bloqqerlərin həbsi ilə bağlı məsələ qaldırdığını da bildirib. Onun sözlərinə görə, dövlət başçısına deyib ki, bu məsələ ədalətli proses, insan haqlarına müvafiq və Azərbaycanda söz azadlığının inkişafına xidmət edəcək şəkildə həll olunmalıdır.

Brayza artıq ATƏT-in Minsk Qrupunun amerikalı həmsədri kimi fəaliyyətini başa vurduğunu da bildirib. Gələcək diplomatik fəaliyyəti ilə bağlı hər hansı açıqlama verməyən Brayza, yalnız onu deyib ki, çox istərdi ki, bundan sonrakı fəaliyyəti də Cənubi Qafqazla bağlı olsun.

Metyu Brayza avqustun 11-dən Bakıdadır. Onu Minsk Qrupunda kimin əvəz edəcəyi hələlik bilinmir.

http://www.azadliq.org/content/article/1798311.html

Elçin Behbudov dövlət başçısından bloggerləri azad etməyi xahiş edir

2009-08-13T03:38:00.000-07:00

Bazar ertəsi İşgəncələrə Qarşı Azərbaycan Komitəsinin sədri Elçin Behbudov həbs edilmiş bloggerlə əlaqədar dövlət başçısına müraciət edib. Açıq məktubunda hüquq müdafiəçisi prezidentdən hal-hazırda həbsdə olan, Ədliyyə Nazirliyinin Bakı İstintaq Təcridxanasında saxlanılan gənclər Adnan Hacızadə və Emin (Milli) Abdullayevin gənc olduqlarını nəzərə alaraq, onların azad olunması üçün müvafiq tədbirlər görməyi xahiş edir.

Elçin Behbudov həmçinin bildirib ki, bu həftə bloggerlərlə görüşməyi planlaşdırır, belə ki, onların vlideynləri belə bir xahişlə müraciət ediblər.

Xatırladaq ki, gənclər iyulun 8-də xuliqanlıq ittihamı ilə həbs ediliblər, baxmayaraq ki, özləri kafedə basqına məruz qalıblar. Onlar əmindirlər ki, siyasi sifarişin qurbanı olublar və onları İnternetdə yerləşdirdikləri satirik videorolikə görə təqib edirlər.

http://www.contact.com.az/index.php?type=news&lang=az&news_id=12839

Valideynlər məhkəməyə müraciət etməyə hazırlaşırlar

2009-08-10T21:59:00.000-07:00

Emin Milli (Abdullayev) və Adnan Hacızadənin valideynlərinə hələ də övladları ilə görüşməyə icazə verilmir.

Emin Millinin anası Natella Abdullayeva deyir ki, hətta rəsmi müraciətdən sonra da oğlu ilə görüşə bilməyib:

“Əvvəlcə şifahi şəkildə görüş üçün müraciət etdim. Rəis dedi ki, siz gərək yazılı şəkildə müraciət edəsiniz. Yazılı şəkildə də müraciət etdim, hələ bugünəcən bir kəlmə də cavab yoxdur”.

Vəkil Elton Quliyev deyir ki, övladları həbsdə olan valideynlərə görüş verilməməsinin səbəbi məlum deyil. Valideynlər bu məsələ ilə bağlı yaxın günlərdə məhkəməyə müraciət edəcəklər:

“Avropa penitensiar qaydalarında təqsirsizlik prezumsiyası prinsipinin özü onu müəyənləşdirir ki, yalnız ictimai maraqlar və milli təhlükəsizlik nöqteyi–nəzərdən görüşü qadağan etmək mümkündür. Bu, müstəsna hallardır. Emin Milli və Adnan Hacızadə ilə bağlı işdə belə müstəsna hal yoxdur ki, qadağa qoyulsun”.

http://www.azadliq.org/content/article/1796703.html

Gənc fəalların iddiası təmin edilmədi

2009-08-10T21:57:00.000-07:00

Avqustun 10-da Səbail rayon məhkəməsində gənc fəallar – Emin Milliylə Adnan Hacızadənin Bakı şəhər Baş Polis İdarəsi, Bakı şəhər prokurorluğu, Daxili İşlər Nazirliyi və Baş Prokurorluğa qarşı iddia ərizəsinə baxılır.

15.30-da başlayan məhkəmə qapalı keçirilib. Vəkillər məhkəmənin qapalı keçirilməsinə etiraz ediblər. İddia hüquq-mühafizə qurumlarının gənclərin təqsirsizlik pezumpsiyasının pozulmasıyla bağlı verilib. Məhkəmə iddianı təmin etməyib.

Daxili İşlər Nazirliyi və prokurorluğun iki bəyanatında Emin Milliylə Adnan Hacızadənin təqsirindən danışılırdı. Bəyanatlarda deyilirdi ki, gənclər xuliqanlıq ediblər və iki nəfəri döyüblər. Buna görə onların saxlanılması qanunidir. Gənc fəalların vəkilləri isə deyirlər ki, onları yalnız məhkəmə təqsirli bilər.

Emin Milli və Adnan Hacızadə iyulun 8-də “Livan” restoranında baş verən münaqişədən sonra həbs olunublar.

Səbail rayon məhkəməsi iyulun 10-da gəncləri 2 ay müddətinə həbs edib.

Gənclərin həbsi bir sıra beynəlxalq təşkilatlar tərəfindən pislənilib.

http://www.azadliq.org/content/article/1796494.html

Emin Milliylə Adnan Hacızadə istintaq tədbirlərində iştirakdan imtina ediblər

2009-08-10T03:28:00.000-07:00

Hazırda istintaq təcridxanasında saxlanılan gənc fəallar - Emin Milliylə Adnan Hacızadə istintaq tədbirlərində iştirakdan imtina ediblər. Vəkil İsaxan Aşurovun verdiyi məlumata görə, bu addıma səbəb istintaq materiallarının “saxtalaşdırılması” olub.

“Gənclər hesab edirlər ki, istintaq onların ifadələrini yoxlamaq əvəzinə təqsirlərini sübut etmək üçün süni dəlillər axtarmaqla məşğuldur”, deyə Aşurov bildirib. Vəkilin sözlərinə görə, gənc fəallar əmindirlər ki, istintaq işi obyektiv aparmaq niyyətində deyil. Onlar işin ən qısa vaxtda məhkəməyə verilməsini tələb edirlər.

Aşurov onu da deyib ki, Adnanın atası - Hikmət Hacızadə Səbail rayon məhkəməsinə Avropa İnsan Hüquqları Konvensiyasının 8.1-ci maddəsinin pozulması ilə bağlı iddia verib. İddia istintaqın indiyədək saxlanılanlara valideynləri ilə görüşməyə icazə verməməsi ilə bağlıdır. Buna görə Hikmət Hacızadə görüş hüququnun pozulduğunun etiraf edilməsini, bunda təqsirli olanların cəzalandırılmasını tələb edir.

Əgər gənclərin təqsiri sübut olunsa, onları 2 ildən 5 ilədək həbs cəzası gözləyir.

http://www.azadliq.org/archive/news/latest/1/1.html?id=1796277

Beynəlxalq Təhsil üzrə Amerika Konsulluğu Azərbaycan üzrə keçmiş direktorundan dəstək məktubu

2009-08-08T04:23:00.000-07:00

Hörmətli Nazir Məmmədov,

Bu məktub İyul ayının 8-də xuliqanlıq iddiası ilə həbs edilmiş Adnan Hacızadəyə dəstək olaraq təqdim edilir. Mən Beynəlxalq Təhsil üzrə Amerika Konsulluğu adlı qeyri-hökumət təşkilatının Azərbaycan üzrə keçmiş direktoru və hal-hazırda Amerikada məskunlaşmış bir professoram. Adnanı orta məktəb şagirdi olan vaxtlardan tanımışam. 1999-cu ildə 1,500 şagird arasından cəmi 55 nəfər Azadlığa Dəstək Aktı/Gələcək Liderlərin Mübadiləsi Proqramı çərçivəsində ABŞ orta məktəblərinin yuxarı siniflərində bir illik təhsil almaq şansı qazanmışdı. Bu gənclərin arasında Adnan da var idi. Akademik uğurlar və potensiala əlavə olaraq bu şagirdlər açıq fikirlilik, liderlik, cəmiyyətə töhfə, könüllülüyə rəğbət və məsuliyyət kimi şəxsi keyfiyyətlərə malik idilər. Adnan nəinki proqramın sadaladığım tələblərinə uyğun gəldiyini aydın şəkildə büruzə verirdi, elə həmin dövrdən bəri onun Azərbaycanın inkişafına sədaqəti və cəmiyyətə olan tövhələri daha da dərinləşirdi.

Azərbaycanda bu proqramın rəhbəri olduğum zaman Adnanla yaxından tanış olmaq imkanım oldu. Mən Adnanı yüksək keyfiyyətli şagirdi olmaqla bərabər, uşaqların evlərinə, qaçqın düşərgələrinə səfərlər təşkil edən, vətəndaşlarda məlumatlılığı və məsuliyyəti artıran proqramlar hazırlayan, şəhər parklarında təmizliyin qayğısına qalan layihələr həyata keçirən bir gənc kimi gördüm. Adnanın Amerika Konsulluğundakı müxtəlif istiqamətli işlər görüb və o bunu bir borc kimi yox, Azərbaycanın çiçəklənməsi və güclənməsi üçün kollektiv bir təşəbbüsün bir parçası olmağın vacibliyini anlayaraq edirdi.

Adnanın son 10 ildə həyata keçirdiyi işlər istənilən formada, istər Azərbaycanın sosial inkişafı kimi ümumi, istər cəmiyyətdə məlumatlılıq və məsuliyyətin artırılması kimi xüsusi, istərsə də milli sərhədlərin ayrıcı deyil, birləşdirici olmasını nümayiş etdirilməsi formasında özünü doğrultmuşdur. Adnanın müxtəlif layihələr və fərdi cəhdlər vasitəsilə özünü cəmiyyətə həsr etməsi istənilən yaşda insana yaraşan bir hərəkətdir, amma Adnanın cəmi 26 yaşı var.

Adnan yüksək mənəvi keyfiyyətə malik, fərdlərin xeyirxahlıq potensialına və açıq müzakirənin və qeyri-zorakılığın cəmiyyətlər və fərdlər arasında inam və qarşılıqlı anlayış əmələ gətirəcəyinə dərindən inanan bir gəncdir. Mən bu yay Azərbaycana geri qayıtmışdım. İnsanlar məni küçədə görüb “Azərbaycana xoş gəlmişsiniz” deyirdilər. Mən işlədiyim universitetdə və yaşadığım cəmiyyətdə Azərbaycan haqqında danışır, onu tərənnüm edirəm. Bunu Azərbaycanda tanıdığım Adnan və onun simasında bütün fərdlərə hörmət etdiyim üçün edirəm.

Mən Adnanın məsələsini nəzərə aldığınıza görə təşəkkür edir, ona Azərbaycan ədliyyə sistemi tərəfindən ədalətli və tərəfsiz yanaşılacağına inaniram.

Hörmətlə,

Ceremi Təş,
Touson Universiteti professoru,
Merilənd ştatı, Amerika Birləşmiş Ştatları

Bloggerlərin DİN və Prokurorluğa qarşı iddiasına baxılacaq

2009-08-05T22:36:00.000-07:00

Avqustun 10-da Səbail rayon məhkəməsində hakim Nurəddin Bağırovun sədrliyi ilə bloggerlər Emin Milli və Adnan Hacızadənin Bakı şəhər Baş Polis İdarəsi və Bakı şəhər Prokurorluğu, habelə ölkə DİN-i və Baş Prokurorluğuna qarşı iddia ərizəsinə baxılacaq.

Xatırladaq ki, iddia hüquq-mühafizə qurumları tərəfindən bloggerlərin təqsirsizlik prezumpsiyasının pozulması ilə əlaqədar verilib. Belə ki, DİN və prokurorluğun iki bəyanatında Hacızadə və Millinin təqsirindən danışılırdı, bir halda ki, onları yalnız məhkəmə təqsirli billə bilər. iyulun 8-də “Lebanez” kafesində xuliqanlıq əməlləri törədiblər və digər iki nəfəri döyüblər. Buna görə onların saxlanması qanunidir, DİN və prokurorluq belə hesab edir.

İyulun 8-də Bakıda “Lebanez” kafesində Hacızadə və Milli iki naməlum şəxsin basqınına məruz qalıb. Lakin polis onları xuliqanlıqda ittiham edib, Səbail rayon məhkəməsi isə iyulun 10-da gəncləri 2 ay müddətinə həbs edib. Azərbaycanın hüquq-müdafiə orqanları məhkəmənin qərarından əvvəl bloggerləri “xuliqanlıqda” ittiham etməyə tələsiblər. // Turan

http://news.qaynar.info/29594.html

ABŞ Təhsilli Azərbaycan Məzunları İctimai Birliyinin bəyənatı

2009-08-04T02:15:00.001-07:00

ABŞ Təhsilli Azərbaycan Məzunları İctimai Birliyinin üzvləri 8 iyul 2009-cu ildə təşkilatın üzvü Adnan Hacızadənin həbs olunmasından narahatlığını bildirir. Hal-hazırda Adnan Hacızadəyə qarşı Azərbaycan Respublikasının Cinayət Məcəlləsinin 221.2.1 maddəsi (bir qrup şəxs tərəfindən xuliqanlıq) üzrə ittiham irəli sürülmüşdür.

ABŞ təhsilli Azərbaycan Məzunları İctimai Birliyi, ABŞ-da müxtəlif təhsil mübadilə proqramları xətti ilə təhsil almış azərbaycanlı məzunları birləşdirən ictimai birlikdir. 2003-cü ildən etibarən fəaliyyət göstərən təşkilatın əsas məqsədi məzunların yaradıcı potensialının gerçəkləşdirilməsinə dəstək göstərmək və onların bilik və bacarıqlarını respublikamızın inkişafına yönəltməkdən ibarətdir.

Adnan Hacızadə ABŞ Dövlət Departamentinin maliyyələşdirdiyi FLEX (1999-2000) proqramının və ABŞ-ın Riçmond Universitetinin məzunudur. O, təşkilatımızın üzvləri arasında özünün peşəkarlığı və səmimi münasibəti ilə yadda qalmışdır. Adnan təşkilatımızın üzvü kimi treyninqlərdə, xeyriyyə və ətraf mühitin qorunması ilə bağlı layihələr və ölkəmizin inkişafına yönəlmiş bir sıra başqa təşəbbüslərdə iştirak etmişdir. Adnan daim özünü yüksək dərəcədə savadlı və nəzakətli bir Azərbaycan gənci kimi göstərmişdir.

Biz bu hadisənin istintaqının Azərbaycan Respublikasının qanunvericiliyinin bütün tələblərinə uyğun aparılacağına və məhkəmənin ədalətli qərar verəcəyinə inamımızı ifadə edirik.

Bu bəyanat ABŞ Təhsilli Azərbaycan Məzunları İctimai birliyinin üzvlərinin ümumi səsverməsi nəticəsində qəbul edilmiş qərar əsasında hazırlanmışdır.

http://www.aaa.org.az/newsitem.html?id=4002

Londonda gənclərin həbsinə etiraz nümayişi keçirilib

2009-07-31T22:13:00.001-07:00

31.07.2009

Bu gün Londonda, Azərbaycanın Böyük Britaniya və Şimali İrlandiyadakı səfirliyinin binası qarşısında gənc fəallar Emin Milli və Adnan Hacızadənin həbsinə etiraz nümayişi keçirilib.
Tədbirin təşkilatçıları bildiriblər ki, etiraz nümayişində məqsəd Emin və Adnanın həbsi ilə razılaşmadıqlarını və bu iki gəncə və Azərbaycanda yaşayan insanlara dəstək nümayiş etdirməkdir.

Nümyaişdə təxminən 20 nəfər azərbaycanlı və xarici ölkələrin vətəndaşları olan tələbələr iştirak ediblər.

Nümayişi əməkdaşımız Könül Xəlilova izləyib. Onun hazırladığı reportajı aşağıda dinləyin:

Yazının əsli burada

Audio: Tələbələrin Londonda nümayişi

Nümayişdən çəkilmiş şəkillər burada

Nümayişdən hazırlanmış video:

“Mətbuata təzyiqlərə son qoyun”

2009-07-31T22:10:00.001-07:00

31.07.2009

BMT-nin İnsan Haqları Şurasının iyulun 31-də Cenevrədə keçirilən sessiyasında açıqlanan Azərbaycanla bağlı hesabatda bu yaxınlarda həbsə alınan iki İnternet yazarı – Emin Milli və Adnan Hacızadənin həbsindən narahatlıq bildirilir – deyilir ki, onların hücuma məruz qalmaları ilə bağlı polisə məlumat vermələrindən sonra niyə həbs edilmələrinə aydınlıq gətirilməyib.

Ümumiyyətlə, komitə jurnalistlərə qarşı xuliqanlıq ittihamlarının irəli sürməsindən narahatlığını bildirib. Bundan başqa hesabatda Azərbaycanda söz azadlığına qoyulan məhdudiyyətlər, müstəqil qəzetlərin bağlanması, xarici radiostansiyaların FM tezliyindən çıxarılması, jurnalistlərin qətli və döyülməsi haqda xəbərlərdən narahatlıq ifadə olunur.

Komitə Azərbaycan hökumətinə məsləhət görür ki, söz azadlığına qoyulan birbaşa və dolayısı məhdudiyyətlərin aradan qaldırılması, jurnalistlərin zorakılıqdan qorunması üçün tədbirlər görsün. Hesabatda deyilir ki, hökumət müstəqil mətbuatın fəaliyyəti və radiostansiyaların yerli yayımına heç bir səbəb olmadan məhdudiyyət qoymamalıdır.

"MTN-NİN TƏCRİDXANASI BAĞLANMALIDIR!"

BMT-nin İnsan Haqları Komitəsi Azərbaycanda istintaq zamanı insanlardan işgəncə yoluyla ifadə alınması, işgəncə ilə alınan ifadələrdən məhkəmələrdə istifadə edilməsi, işgəncə ilə bağlı şikayətlərin araşdırılmaması, polis məntəqələrində ölümlər haqda xəbərlərdən də narahatdır.

Komitə Azərbaycan hökumətinə məsləhət görür ki, hüquq-mühafizə orqanları haqqında şikayətləri araşdırmaq üçün müstəqil orqan yaratsın, günahı olanlar cəzlandırılsın. Bundan başqa hesabatda bildirilir ki, Milli Təhlükəszlik Nazirliyindəki təcridxana ya bağlanmalı, ya da Ədliyyə Nazirliyinin tabeçiliyinə verilməlidir.

QAFQAZ MÜSƏLMANLARI İDARƏSİ HANSI PRİNSİPLƏRLƏ İŞLƏYİR?

BMT-nin İnsan Haqları Komitəsi həm də insanların sərbəst toplaşmasına məhdudiyyət qoyulması, dinc nümayişlərin həddən ziyadə zor tətbiq etməklə dağıdılması haqda xəbərlərdən də narahatlıq keçirir. Komitə Azərbaycan hökumətinə məsləhət görür ki, sərbəst toplaşma ilə bağlı qaydaları yenidən nəzərdən keçirsin, həmin qaydalar insanların sərbəst toplaşmaq hüquqlarından yararlanmasına şərait yaratsın.

Hesabatda deyilir ki, Azərbaycan hökumətinin təmsilçiləri dini azadlıqların məhdudlaşdırılmadığını bildirsələr də, dini icmalar sərbəst fəaliyyət göstərmək üçün qeydiyyatdan keçməyə məcbur edilirlər. Bundan başqa Komitə ondan da narahatdır ki, müsəlman icmaları dövlət qeydiyyatından keçməmişdən qabaq Qafqaz Müsəlmanları İdarəsindən ilkin razılıq almalıdırlar. Amma həmin təşkilatın hansı prinsiplər əsasında müraciətləri qiymətləndirməsi haqda məlumat yoxdur.

http://www.azadliq.org/content/article/1789793.html

Bundestaqın deputatini məhbus gənclərin yanına buraxmayıblar

2009-07-31T22:04:00.000-07:00

31.07.2009

Almaniya Bundestaqının deputatı Yorq Taussa həbsdə olan gənc fəallar Emin Milli və Adnan Hacızadə ilə görüş icazəsi verilməyib. Adnan Hacızadənin atası Hikmət Hacızadə “Media forum” saytına belə deyib. O, əlavə məlumatının olmadığını, yalnız alman deputatın görüş istəyinə mənfi cavab verildiyinə dair bilgi aldığını vurğulayıb. Özünün də indiyə qədər oğlu ilə görüşə bilmədiyini xatırladan H.Hacızadə istintaq orqanına bu haqda müraciətinin cavabsız qaldığını söyləyib.

A.Hacızadənin vəkili İsaxan Aşurov isə alman deputata görüş verilib-verilmədiyi ilə bağlı məlumatsız olduğunu deyib.

E.Milli və A.Hacızadə iyulun 8-də Bakıdakı “Livan” restoranında baş vermiş davaya görə saxlanıblar. İyulun 10-da Səbail Rayon Məhkəməsi Cinayət Məcəlləsinin 221.2.1 maddəsi (bir qrup şəxs tərəfindən törədilən xuliqanlıq) üzrə başlanan işlə əlaqədar onların hər biri barəsində iki aylıq həbs-qətimkan tədbiri seçib.

http://www.mediaforum.az/articles.php?lang=az&page=00&article_id=20090731014013527

Vəkillər hüquq mühafizə orqanlarını məhkəməyə veriblər

2009-07-31T01:01:00.001-07:00

2009-07-30

Gənclər hərəkatı fəalları Adnan Hacızadə ilə Emin Millinin vəkilləri İsaxan Aşurov və Elton Quliyev iyulun 30-da Səbail Rayon Məhkəməsinə Bakı Şəhər Baş Polis İdarəsi və Bakı Şəhər Prokurorluğu, habelə Daxili İşlər Nazirliyi və Baş Prokurorluğa qarşı iddia ərizəsi veriblər.

İsaxan Aşurovun “Turan”a verdiyi məlumata görə, iddia bu qurumların 2009-cu ilin 11 iyul və 14 iyul bəyanatları ilə əlaqədardır: “Bu bəyanatlarda müştərilərimizin təqsirsizlik prezumpsiyası pozulub. Bəyanatlarda Adnan Hacızadə və Emin Millinin təqsirli olduğu bildirilir, halbuki onları yalnız məhkəmə təqsirli çıxara bilər. Məhkəmə isə hələ olmayıb. Bu, Avropa İnsan Hüquqları Konvensiyasının 6.2-ci maddəsinin pozulmasıdır”.

Vəkil bildirib ki, iyulun 30-da Bakı İstintaq Təcridxanasında Adnanla Eminə baş çəkib: “Onlar saxlanma şəraitindən şikayətlənmədilər. Lakin onlara indiyədək valideynləri və yaxınları ilə görüşmək imkanı verilmədiyi üçün məyus olublar. Bu məhdudiyyətlər qanunsuzdur”.

Gənclər iyulun 8-də saxlanıblar. Buna həmin gün axşam Bakıdakı “Livan” restoranında baş verən dava səbəb olub. A.Hacızadə və E.Milli ilə qonşu masada olan Vüsal Məmmədov və Babək Hüseynov arasında düşən davaya görə Cinayət Məcəlləsinin 221.2.1 maddəsi (bir qrup şəxs tərəfindən törədilən xuliqanlıq) üzrə cinayət işi başlanıb. İyulun 10-da Səbail Rayon Məhkəməsi A.Hacızadə və E.Milli barəsində iki aylıq həbs-qətimkan tədbiri seçib. Bakı Apellyasiya Məhkəməsi qərarı qüvvədə saxlayıb.

http://www.mediaforum.az/articles.php?lang=az&page=00&article_id=20090730071707296

Almaniya deputatı həbsdəki gənclərlə görüşmək üçün Bakıya gəlib

2009-07-31T00:59:00.000-07:00

2009-07-30

Almaniya Bundestaqının deputatı Yorq Tauss həbsdə olan iki gənc fəal - Emin Milli və Adnan Hacızadə ilə görüşmək üçün Bakıya gəlib. Məlumatı “Turan” agentliyi Almaniyanın Azərbaycandakı səfirliyinə istinadla yayıb.

Y.Tauss Sosial Demokrat Partiyasının üzvüdür. Təhsil və elmi araşdırmalar məsələləri ilə məşğul olan deputatın Azərbaycanla, xüsusilə Milli Elmlər Akademiyası ilə sıx əlaqələri var.

E.Milli və A.Hacızadə iyulun 8-də Bakıdakı “Livan” restoranında baş vermiş davaya görə saxlanıblar. İyulun 10-da Səbail Rayon Məhkəməsi Cinayət Məcəlləsinin 221.2.1 maddəsi (bir qrup şəxs tərəfindən törədilən xuliqanlıq) üzrə başlanan işlə əlaqədar onların hər biri barəsində iki aylıq həbs-qətimkan tədbiri seçib.

http://www.mediaforum.az/articles.php?lang=az&page=00&article_id=20090730071443346

Müstəntiq suallara cavab vermir, DİN-in mətbuat xidmətində isə yeni məlumat yoxdur

2009-07-30T00:58:00.000-07:00

2009-07-30

Gənclər hərəkatı fəalları Adnan Hacızadə və Emin Millinin işini araşdıran müstəntiq, Səbail Rayon Polis İdarəsinin zabiti Ziya Əliyev “Media forum” saytının suallarını cavablamayıb. O, gənclərin istintaqına yönəlik bütün sualları Daxili İşlər Nazirliyinin mətbuat xidmətinə ünvanlamağı məsləhət bilərək telefonu qapadıb.

Saytın əməkdaşı istintaqın gedişi ilə bağlı məlumat almaq niyyətində olub. A.Hacızadə və E.Millinin vəkilləri Elton Quliyevlə İsaxan Aşurov mediaya açıqlamalarında hazırda heç bir istintaq hərəkəti aparılmadığını bildirirlər. Onların dediyinə görə, son 20 gündə - gənclər həbs olunandan bəri gəncləri dindirən olmayıb.

Daxili İşlər Nazirliyi mətbuat xidmətinin rəhbəri Sadiq Gözəlov “Media forum”a deyib ki, istintaqı aparılan işlə bağlı hər hansı münasibət bildirməsi mümkün deyil: “Respublika Prokurorluğu və Daxili İşlər Nazirliyi bu işlə bağlı iki birgə məlumatı yayılıb. Hazırda istintaq gedir. Mənim istintaqın işinə qarışmağa, istintaqla bağlı hər hansı bir açıqlama verməyə ixtiyarım yoxdur. İstintaq necə gedir, bilmirəm”.

E.Milli və A.Hacızadə iyulun 8-də saxlanıblar. Buna həmin gün axşam Bakıdakı “Livan” restoranında baş verən dava səbəb olub. E.Milli və A.Hacızadə ilə qonşu masada olan Vüsal Məmmədov və Babək Hüseynov arasında düşən davaya görə Cinayət Məcəlləsinin 221.2.1 maddəsi (bir qrup şəxs tərəfindən törədilən xuliqanlıq) üzrə cinayət işi başlanıb. İyulun 10-da Səbail Rayon Məhkəməsi A.Hacızadə və E.Milli barəsində iki aylıq həbs-qətimkan tədbiri seçib. Bakı Apellyasiya Məhkəməsi qərarı qüvvədə saxlayıb.

http://www.mediaforum.az/articles.php?lang=az&page=00&article_id=20090730022000704

"Gənclərin işiylə bağlı istintaq hərəkəti aparılmır"

2009-07-29T21:18:00.001-07:00

29.07.2009
Şahnaz Bəylərqızı

Gənc fəal Adnan Hacızadənin atası Hikmət Hacızadə deyir ki, oğlu ilə bağlı istintaq aparılmır. "Adnanı heç yerə aparmırlar, elə müstəntiq də gəlmir. Oturub özü üçün kitablar oxuyur". Hikmət Hacızadə istintaqın aparılmamasını belə izah edir: "Yəqin onlara hər şey aydındır".

"SON 15 GÜNDƏ NƏ ÜZLƏŞMƏ, NƏ DİNDİRMƏ OLUB"

Yada salaq ki, OL Gənclər Hərəkatının həmtəsisçisi Adnan Hacızadə və AN Gənclər şəbəkəsinin təsisçilərindən Emin Milli xuliqanlıqda ittiham olunurlar. Gənclər iyulun 8-də Livan restoranında şam edərkən qonşu masada oturan Vüsal Məmmədov və Babək Hüseynov onlara yaxınlaşıb və bundan sonra dava düşüb. Emin Milli və Adnan Hacızadə döyüldüklərini, zərərçəkən olduqlarını desələr də, hüquq-mühafizə orqanları əksini iddia edir. İyulun 10-da Səbail Rayon Məhkəməsi onların barəsində iki aylıq həbs-qətimkan tədbiri seçib.

Adnan Hacızadənin vəkili İsaxan Aşurov isə deyir ki, vəkillərə istintaq hərəkətləri haqda məlumat verilmir. Onun sözlərinə görə, istintaqla bağlı onlar da məlumatlandırılmalıdırlar.

"Əlbəttə ki, tərəf etdiyi hərəkətlə bağlı digər tərəfə məlumat verməlidir. Bu bir yanaşma qaydasıdır".

Emin Millinin vəkili Elton Quliyevin sözlərinə görəsə, gənclərin haqqında həbs qətimkan tədbiri seçiləndən bəri onların iştirakı ilə heç bir istintaq hərəkəti aparılmır. Vəkilin sözlərinə görə, son on beş gündə müdafiə etdiyi şəxs nə dindirilib, nə də üzləşdirilib: "Onun iştirakı ilə istintaq hərəkəti məhkəmə qərarına qədər aparılıb. Yəni iki gündə, şübhəli şəxs qismində saxlanılandan məhkəmə qarşısına çıxarılana qədər".

Amma Elton Quliyev bunu da deyir ki, istintaq onların iştirakı olmadan da aparıla bilər. Ola bilsin sübutlar, dəlillər toplanır və buna görə müstəntiqdən şikayət verə bilməzlər. Özü də indilik istintaqla bağlı müddət pozulmur.

O zaman sual yaranır, istintaq hərəkəti iki gündə aparılmışdısa, iki aylıq həbs qətimkan tədbirinə nə ehtiyac vardı? Elton Quliyev deyir ki, onlar ilk gündən həbs qətimkan tədbiri haqda qərarın düzgün olmadığını bildiriblər. Bu tədbirin seçilməsini pisləyir və əsassız sayırlar.

"PROKURORA ŞİKAYƏT EDƏ BİLƏRLƏR"

İstintaqı aparan Səbayel rayon Polis İdarəsinin baş müstəntiqi Ziya Əliyevdən deyilənlərə münasibət öyrənə bilmədik. Amma sualımızı Respublika Prokurorluğu mətbuat xidmətinin rəhbəri Eldar Sultanov cavablandırdı:

"Cinayət prosesinin iştirakçıları kimi təqsirləndirilən şəxslər Adnan Hacızadə və Emin Abdullayevin müdafiəçilərinin müstəntiqin hərəkətlərindən və qəbul etdiyi qərarlardan hər hansı narazılıqları varsa, onların Cinayət Prosessual Məcəlləsinin tələblərinə müvafiq olaraq ibtidai araşdırmaya prosesual rəhbərliyi həyata keçirən prokurora şikayət etmək hüququ var".

Hüquqşünas Erkin Qədirli isə bu fikirdədir ki, istintaq özü anlaşılmazlıq içindədir, bu işi hara qədər aparacaqlarını bilmirlər…

"DÜNYA BU İŞİ DİQQƏTDƏ SAXLAYIR"

Son günlər beynəlxalq qurumlardan gənc fəalların dərhal azadlığa buraxılması ilə bağlı çağırışlar gəlir. Sonuncu belə bəyanatı AŞPA-nın Azərbaycandakı siyasi məhbuslar üzrə məruzəçi Kristof Ştrasser verib. O Adnan Hacızadə və Emin Millinin dərhal və qeyd-şərtsiz azadlığa buraxılmalarını tələb edir.

İyulun 29-da isə Avropa Parlamentinin insan hüquqları üzrə alt komitəsi Azərbaycanın Belçika, Lüksemburq və Avropa Birliyindəki səfirinə gənclərlə bağlı müraciət göndərib. Komitə rəhbəri Azərbaycanın Avropa İnsan Hüquqları Məhkəməsi çərçivəsindəki öhdəliklərini xatırladaraq gənclərin həm saxlanarkən, həm də istintaq zamanı hüquq və azadlıqlarını pozulduğunu vurğulayıb.

Bu cür bəyanatların istintaqın gedişinə və ya gənclərin azadlığa buraxılmasına faydası ola bilərmi? Hikmət Hacızadəyə görə:

"Olmamış olmaz. Hər bəyanatdan sonra uşaqları azadlığa buraxmayacaqlar. Amma bütün bunlar dünya ictimaiyyətinin hadisəni diqqətdə saxladığını göstərir. Bu yaxşı haldır".

http://www.azadliq.org/content/article/1788137.html

Gənc fəalların hüquq və azadlıqlarını pozulub

2009-07-29T02:00:00.000-07:00

Ülkər Akifqızı

Avropa Parlamentinin insan hüquqları üzrə alt komitəsi Azərbaycanın Belçika, Lüksemburq və Avropa Birliyindəki səfirinə gənclər hərəkatı fəalları Adnan Hacızadə və Emin Millinin həbsi ilə əlaqədar müraciət göndərib. Müraciətdə gənclərin həbsindən, o cümlədən Apellyasiya Məhkəməsinin aşağı instansiya məhkəməsinin qərarını qüvvədə saxlamasından narahatlıq ifadə olunub.

Bildirilir ki, gənclərin həm saxlanarkən, həm də istintaq zamanı hüquq və azadlıqlarını pozulub. Həmçinin qeyd olunur ki, məhkəmənin qapalı keçirilməsi Azərbaycanın qoşulduğu beynəlxalq razılaşmalara ziddir.

Emin Milli və Adnan Hacızadə iyulun 8-də «Livan» restoranında baş verən münaqişə ilə bağlı xuliqanlıqda ittiham olunurlar. Məhkəmənin qərarı ilə hər iki gənc barəsində 2 ay müddətinə həbs-qətimkan tədbiri seçilib.

Bir sıra beynəlxalq insan haqları təşkilatları gənclərə qarşı irəli sürülən xuliqanlıq ittihamını əsassız sayırlar.

http://www.azadliq.org/content/article/1788016.html

Erkin Qədirlinin "Turan"a müsahibəsi

2009-07-28T03:48:00.000-07:00

“Respublikaçı Alternativ” (REAL) vətəndaş birliyinin həmtəsisçisi, həbs edilmiş bloggerlər Emin Milli və Adnan Hacızadənin hüquqlarını müdafiə Komitəsinin koordinatoru Erkin Qədirli Turana verdiyi müsahibəni təqdim edirik.

- Bloggerlər Emin Milli və Adnan Hacızadənin həbsindən 3 həftə keçib. Bu, dünyada böyük rezonans doğurub və Azərbaycan hakimiyyətinin ünvanına kəskin beynəlxalq tənqidə səbəb olub. Hadisələrin inkişafının müsbət nəticəsinə və gənclərin cinayət təqibinə son qoyulacağına ümid etmək olarmı?

- Hansısa nəticədən danışmaq çox çətindir, biz yalnız müsbət nəticələrə ümid edirik. Tam informasiyaya malik olmaq və hakimiyyətdə nə baş verdiyini, bunu kimin hazırladığını və bunun kimə lazım olduğunu, niyə belə kobud və tələsik qərarlar qəbul edildiyini anlamaq lazımdır. Biz bütün bunları bilmirik, buna görə bizim etdiklərimizin və dediklərimizin əksəriyyəti ehtimallara əsaslanır, amma bu, bizim obyektivliyimizə və ədalətliliyimizə təsir etmir.

Adnan və Emin özləri qanunun onları müdafiə edəcəyi ümidilə polisə müraciət ediblər. Bir neçə saat ərzində onları zərərçəkmişdən şübhəli şəxsə çeviriblər, tibbi yardım göstərmədən 48 saat saxlayıblar, iki gün sonra qapalı məhkəmə iclası keçirilib, məhkəmə az qala axşam saat 10-da iki aylıq həbs qərarı çıxarıb. Tamamilə aydındır ki, uşaqları onsuz da həbs edəcəkdilər, “Azadlıq” qəzetinin redaktoru Qənimət Zahidin işində olduğu kimi.

- Bloggerlərin həbsinin arxasında nə durur? Bu fərqli düşüncəyə görə “qisasdır”, ya digərlərinə İnternetdə “inqilabçılığa” aludə olmamaları üçün “dərsdir”?

- Bu, adi qisas deyil. Çox maraqlı proses baş verir ki, bu, cəmiyyətdə hələ bir o qədər də hiss edilmir, çünki əsasən İnternet şəbəkəsində gedir. Müasir dünya belədir ki, öz siyasi əqidəni formalaşdırmaq üçün heç də meydanlarda mitinqlər, manifestasiyalar, qurultaylar keçirmək mütləq deyil. Aydındır ki, ideyalar hər yerə nüfuz edə bilir, onları dayandırmaq, qadağan etmək mümkün deyil və alternativ informasiya axtaran insanlar şəbəkədə birləşirlər. Bizim televiziyamızın və çap KİV-lərinin faydalı informasiya və balanslı təhlil yaymadığını nəzərə alaraq, istənilən informasiya İnternetdən götürülür. Xüsusən, xarici dilləri bilənlər üçün tək You Toube kifayətdir ki, bütün dünya verilişlərini izləmək mümkün olsun. Və son 5-6 il ərzində bu proseslər keyfiyyətcə yeni səviyyəyə çıxıb. Belə ki, gənclər virtual dünyadan real aləmə keçirlər, yəni regionları gəzirlər, həmyaşıdları ilə görüşürlər. Leksiyalar, seminarlar və digər tədbirlər zamanı onlar bir-biriləri ilə tanış olur, əlaqələr qurur və birləşirlər.

Uzun müddət buna qeyri-ciddi yanaşıblar, məlum olub ki, bu «şıltaqlıq» vasitəsilə insanlar bir-birində etimad qazanır, siyasi fikirlərini bölüşürlər. Adnan Hacızadə də, Emin Milli də həm şəbəkədə, həm də cəmiyyətdə öz fikirlərini kifayət qədər açıq bildirirdilər. Elə bu yaxınlarda keçirilən referenduma münasibəti götürək. Bu, Azərbaycan vətəndaşlarının BMT-nin mənzil- qərargahı qarşısında qeyri-legitim referenduma qarşı ilk etiraz aksiyası idi. Bu aksiyada, yeri gəlmişkən, Emil Milli fəal iştirak edib. Sonra sosial, tənqidi videoroliklər, məqalələr getdi və s. İndi onlar həbs edildikdən sonra Parisdə, Strasburqda dəstək aksiyaları keçirilib. Başqa ölkələrdəki gənclər artıq başa düşürlər ki, azərbaycanlı olmaq təkcə onun təbiətini, musiqisini sevmək deyil, həm də siyasi vəziyyətin sağlamlaşması üçün nə isə etməyə çalışmaqdır.

Bizim hakimiyyətimizdə isə elementar vaxt duyğusu yoxdur, o, zamanın içində itib-batıb və müasir templərdən xeyli geriyə qalıb. O güman edir ki, ölkə daxilində sakitlikdirsə, insanlar öz baxışlarını açıq-aşkar ifadə edə bilmirlərsə, deməli vəziyyət nəzarət altındadır. Gənclərin məsələsində olduğu kimi: onları cəzalandırdılar və ölkə daxilində xüsusi reaksiya olmadı, əvəzində bu, necə beynəlxalq rezonans doğurdu. Bu gün informasiya texnologiyaları harada və kim olursan ol və hakimiyyətin dəyər verdiklərinə – pula, fiziki qüvvəyə, əhalinin dəstəyinə malik olmadan proseslərə təsir etməyə imkan verir.

Şəbəkə münasibətəri ona görə cəzbedicidir ki, orada lider, rəhbər yoxdur, hamının bərabər şansları var. Əgər başqalarının fikir bildirməsinə imkan versən, sən də fikrini bildirə bilirsən və əlaqə yaranır. Emin və Adnan saxlanılan gecə Səbail rayon polis idarəsinin qarşısında toplaşan gəncləri dağıtmaq istəyirdilər. Biz polislərə sadəcə gənclərin dostları olduğunu izah etməyə başlayanda, onlardan biri maraqlı ifadə işlətdir: “Ola bilməz, mən 30 ildir Bakıda yaşayıram, mənim bu qədər dostum yoxdur”.

Mətbuatda gənclərlə bağlı bütün çirkin fikirlər bir daha sübut edir ki, bir çox insanlar sadəcə başa düşə bilmirlər ki, gənclər hər-hansı təşkilati formatsız necə birləşirlər.

- Hakimiyyətin bundan sonra hücuma keçərək, İnternetdə məhdudlaşdırıcı tədbirlər üçün hüquqi əsaslar tətbiq etməsi mümkündür?

- Şəbəkə münasibətlərini eyniləşdirmək, onların qadağan etmək mümkün deyil. İnternetdə məhdudlaşdırma hakimiyyətin özünə qarşı zərbə olar, onlar özləri şəbəkədən istifadə etmək məcburiyyətindədirlər. Texniki cəhətdən, əlbəttə ki, bu, mümkündür, amma ikinci Şimali Koreya və ya hansısa digər təcrid olunmuş ölkə yaranacaq. Hələlik gənclər şəbəkələrinin siyasi çəkisindən danışmaq çətindir, amma proses artıq gedir və o, qarşısıalınmazdır. Hakimiyyətdə, sözsüz, ağıllı insanlar var, amma belə qərarları qəbul edənlər, aydındır ki, uzaqgörən insanlar deyil, onlar başqa vaxt ölçüləri ilə yaşayırlar. Onlar özləri üçün dünya fikirləşiblər, onu “sabitlik” adlandırıblar və hesab edirlər ki, vəziyyətə nəzarət edirlər.

- Azərbaycanda demokratiya uğrunda mübarizənin gələcəyini necə görürsünüz? Hakimiyyət repressiya yolu ilə ölkənin siyasi meydanını fərqli düşüncədən tamamilə “təmizləyə” biləcək?

- İstənilən fərqli düşüncə totalitar sistemi qorxudur, amma repressiya yalnız fərqli düşüncəni gücləndirir. Bu halda, əgər hakimiyyət fərqli düşüncə prosesini sürətləndirməkdə maraqlıdırsa, qoy təzyiqi davam etdirsin. Son vaxtlar cəmiyyətdə nəsillər arasında fərq yaranıb və bioloji yaşın burada heç bir rolu yoxdur. Fərq düşüncə sürətinin səviyyəsində, onun formatında və istiqamətindədir. Gənclər ölkələrində oturub, baş verənlər haqda xarici mənbələrdən xəbər alırlar, onlar operativlik, obyektivlik, anlaşılan dil nöqteyi-nəzərdən xarici KİV-lərə etibar edirlər. Hakimiyyət isə hesab edir ki, məsələn, dini ədəbiyyatın ölkəyə gətirilməsini qadağan etməklə, 2-3 fəal insanı həbs etməklə, QHT-lərin fəaliyyətini qadağan etməklə və s. hakimiyyətin problemləri həll ediləcək.

Hazırki düşünən gənclər sadəcə hakimiyyəti saymamağı üstün tutur, elə yaşlı nəsil özü də. Demokratiya uğrunda real mübarizə, əgər “mübarizə” sözü yerinə düşürsə, gənclərin arasında baş verir. Burada bir neçə qrup var: dini qruplar, solçular, liberallar və s. Və onlar bir-biriləri ilə mübahisə etməyi və rəqibi ilə razı olmadıqda onun fikrinə hörmət etməyi öyrənirlər. Onlar, hakimiyyətin təsəvvür etdiyi kimi, hazırki hakimiyyətə qarşı mübarizə aparmağı qarşılarına məqsəd qoymurlar.

Bu hakimiyyət istənilən halda gedəcək: həm nəsil, həm də sistem olaraq. Sistem artıq göstərib ki, əvvəllər olduğu kimi idarə edə bilmir, hələlik o, əhalinin fikrindən asılı deyil, belə ki, neft resursları var, amma bunun da nə vaxtsa sonu gələcək.

- Yəni, Azərbaycan cəmiyyətində ölkənin avtoritarizmə doğru yuvarlanmasının qarşısını almaq üçün potensial var?

- Düşünürəm ki, yuvarlanma hələ bir müddət davam edəcək. Amma sistemin özünün daxili məntiqi var. Onda prosesləri kimin idarə etdiyi mühüm deyil, sistem özü repressiyalara, qurbanlara proqramlaşdırılıb, çünki başqa cür özünü təsdiq edə bilməz. Yeganə məqsəd hakimiyyəti saxlamaqdır. Vaxt var idi, hakimiyyətin bu gənclərlə heç bir işi yox idi, başqa vəzifələr var idi: əvvəlcə onlar rəsmi müxalifətlə hesablaşdılar, sonra KİV, həmkarlar ittifaqları, QHT-lərlə və s. Gənclərin həbsi son addım deyil, hələ yenə həbslər və qorxutmalar olacaq. Bu sistem islah olunan deyil, radikal dəyişikliklər lazımdır və yaxşıdır ki, hakimiyyətdə bunu kimsə başa düşür və hansısa tədbirlər görür. İstənilən halda, repressiyaların davam edəcəyini dərk etmək azad düşünmək istəyənləri həvəsdən salmamalıdır. Uzaq gələcəyi görmək lazımdır. Ciddi, düşünən gənclər kimi potensial isə var. Və onlar özləri hakimiyyətə doğru can atmırlar, onlar sadəcə özlərini axtarırlar. Bu axtarış onları bərabər imkanlardan imtina etmiş cəmiyyətdə özünü tapmağın mümkün olmadığını dərk etməyə gətirib çıxarıb.

- İctimai Komitə gənc bloggerləri müdafiə üçün hansı addımları atmaq niyyətindədir?

- Şişirtmədən deyim ki, beynəlxalq reaksiya Emin və Adnanın həm buradakı, həm də xaricdəki dostlarının səyidir. Mən bütün hadisələrin real iştirakçısı kimi həqiqətən bu gənclərlə fəxr edirəm. Biz Emin Milli və Adnan Hacızadənin azad edilməsi üçün əlimizdən gələni etmişik və edəcəyik.

http://news.qaynar.info/29322.html

“Tələb aydındır: Qeyd-şərtsiz azadlıq”

2009-07-28T03:44:00.000-07:00

28.07.2009

Bundestaqın Almaniya Sosial Demokrat Partiyası fraksiyasının sözçüsü və AŞPA-nın Azərbaycanda siyasi məhbuslar məsələsi üzrə məruzəçi Kristof Ştresser gənc fəallar Emin Milli və Adnan Hacızadənin həbsi ilə bağlı bəyanat verib.

Fraksiyanın adından mətbuata yayılan bəyanatda deyilir ki, onlar Emin Milli və Adnan Hacızadənin həbs olunmasına ən kəskin formada etirazını bildirirlər.

Gənclərin hər ikisinin Azərbaycanda mülki cəmiyyətin fəal üzvləri və öz internet bloqlarında Azərbaycanda siyasi vəziyyətə dair öz tənqidi münasibətlərini bildirən gənclər olduğunu qeyd edən Ştrasser Milli və Hacızadənin bu fəaliyyətin qurbanına çevrildiyini vurğulayıb:

“Bundestaqın Sosial-demokrat fraksiyasının tələbi aydındır: Öz söz azadlığı hüququndan istifadədən başqa bir şey etməyən Emin Milli və Adnan Hacızadənin dərhal və qeyd-şərtsiz azadlığa buraxılması”.

Emin Milli və Adnan Hacızadə iyulun 8-də Lebanese restoranında onlara qarşı baş vermiş hücumdan polisə şikayət etdikdən sonra iyulun 9-a keçən gecə xuliqanlıq ittihamı ilə həbs olunublar. Məhkəmə onlar haqqında məhkəməyə qədər həbs qətimkan tədbiri seçib. Sosial-demokratların bəyanatında qeyd olunur ki, “əsl xuliqanlar Emin Milli və Adnan Hacızadə yox, kafedə onlara səbəbsiz olaraq hücum edən və döyənlərdir. Milli və Hacızadəyə bu günədək lazımi tibbi yardım göstərilməyib”.

“HÖKUMƏT ÖZÜNƏ ZİYAN VURUR”

Ştresserin imzaladığı bəyanatda ölkədə söz azadlığı ilə bağlı ümumi şəraitə də toxunulub.

“Azərbaycan hökuməti jurnalistlər, bloq yazarları və müxalifətçilərlə qaba rəftarı ilə məşhurdur. Təsadüfi deyil ki, AŞPA mütəmadi olaraq Azərbaycandakı siyasi məhbuslara dair hesabatlar qəbul edir. Növbəti hesabat artıq planlaşdırılır. Emin Milli və Adnan Hacizadə kimi iki tanınmış və xaricdə də geniş şəbəkəyə malik olan tənqidçiləri həbs etməklə hökumət özünə ancaq ziyan vurub. Onların taleyi ictimaiyyətin diqqətini təkcə prezident İlham Əliyevin rəhbərlik etdiyi siyasi sistemə deyil, həm də və xüsusilə şübhə doğuran xuliqanlıq və böhtan ittihamları ilə mühakimə edilmiş jurnalistlərə yönəltmiş oldu” deyə sənəddə vurğulanır.

Bəyanatda o da qeyd olunur ki, Almaniya Federal hökuməti Emin Milli və Adnan Hacızadəni müdafiə etmək üçün əlindən gələni edib. “Beynəlxalq etirazlar davam edir. Avropa İttifaqı Şurasının hazırkı sədri Karl Bildt Bakıda səfərdə olan zaman iki gəncin həbsini pisləyib”.

Almaniya Bundestaqının Sosial-demokrat fraksiyasının sözçüsü onu da qeyd edib ki, Avropa İttifaqı ATƏT-in Daimi Şurasında rəsmi bəyanat verdikdən sonra qurumun bu məsələdə qətiyyətinə şübhə qalmayacaq.

Avropa Şurası Parlament Assambleyası da bu gün Ştrasserin bəyanatını yayıb. Bu bəyanatında alman deputatı bildirib ki, siyasi məhbuslar məsələsinə dair hazırladığı hesabatda mülki cəmiyyət nümayəndələrinin həbsinə xüsusi diqqət yetirəcək.

http://www.azadliq.org/content/article/1787239.html

Ombudsman Aparatının əməkdaşları Bakı istintaq təcridxanasinda Emin Milli və Adnan Hacızadə ilə görüşmüşlər

2009-07-28T02:02:00.000-07:00

Azərbaycan Respublikasının İnsan Hüquqları üzrə Müvəkkili Elmira Süleymanovanın tapşırığına əsasən, Ombudsman Aparatının əməkdaşları Ədliyyə Nazirliyi Penitensiar Xidmətinin Bakı İstintaq Təcridxanasında saxlanılan “Alumni Network” Gənclər Şəbəkəsinin nümayəndəsi Emin Milli və “Ol” Gənclər Hərəkatının təsisçilərindən olan Adnan Hacızadə ilə görüşmüşlər.

Söhbət zamanı gənclər saxlanılma şəraitindən şikayətlərinin olmadığını, onlara qarşı müəssisə əməkdaşları tərəfindən qeyri-insani rəftara və ya zorakılığa yol verilmədiyini, lazımi qida təminatı və tibbi yardımın göstərildiyini bildirmiş, eyni zamanda barələrində məhkəmənin çıxardığı həbs qətimkan tədbirindən narazı olduqlarını söyləmişlər. Onlar həmçinin valideynləri ilə görüş üçün səlahiyyətləri çərçivəsində şəraitin yaradılmasını Ombudsmandan xahiş etmişlər.

Gənclərə Müvəkkil Elmira Süleymanovanın onların barəsində başlanmış cinayət işinin istintaqının obyektiv aparılmasının nəzarətə götürülməsi ilə bağlı Daxili İşlər nazirinə və Baş Prokurora müraciət etdiyi bildirilmişdir.

http://www.ombudsman.gov.az/az/news/1425/

Gənclərin Hüquqlarını Müdafiə Hərəkatının təqdimatı olub

2009-07-28T01:24:00.000-07:00

Sevinc Hüseynzadə

İyulun 25-də həbs olunmuş gənclər - Emin Milli və Adnan Hacızadənin Hüquqlarını Müdafiə Hərəkatının təqdimatı olub.

Bu barədə «Azadlıq» radiosuna həmin hərəkatın təşkilatçılarından Turqut Qənbər məlumat verib. Bildirib ki, «toplantının məqsədi bizə qoşulan üzvləri bir araya toplamaq, onlarla görüşmək idi».

Emin Milli və Adnan Hacızadə iyulun 8-də «Livan» restoranında baş verən münaqişə zamanı xuliqanlıqda ittiham olunurlar. Məhkəmənin qərarı ilə hər iki gənc barəsində 2 ay müddətinə həbs-qətimkan tədbiri seçilib.

Bir sıra beynəlxalq insan haqları təşkilatları gənclərə qarşı irəli sürülən xuliqanlıq ittihamını əsassız sayırlar.

http://www.azadliq.org/content/article/1785304.html

200-dən çox imza ilə prezidentə məktub göndərilib

2009-07-24T06:50:00.000-07:00

Babək Bəkir

200-dən çox imza ilə prezident İlham Əliyevə məktub göndərilib. Məktubda gənc fəallar Adnan Hacızadə və Emin Milinin haqsız yerə həbs edildiyi vurğulanır, onların azadlığa buraxılması istənilir. Bu barədə «Azadlıq» radiosuna AN şəbəkəsinin üzvü Vəfa Cəfərova məlumat verib:

«Məktubda biz prezidentə onun konstitusiyaya and içərkən üzərinə götürdüyü vəzifələri xatırladırdıq. Prezident bütün ölkə vətəndaşlarının hüquqlarını qoruyacağına and içib, deməli hamının hüquqlarını qorumalıdır. Çünki hamının prezidentidir və ona görə də bu missiyanı yerinə yetirməlidir».

Vəfa Cəfərov deyir ki, onlar Adnan Hacızadə və Emin Millinin əfv olunmasını yox, günahsızlıqlarının sübut edilməsini istəyirlər.

Emin Milli və Adnan Hacızadə iyulun 8-də «Livan» restoranında baş verən münaqişəyə görə həbs olunub və xuliqanlıqda ittiham olunurlar. Məhkəmənin qərarı ilə hər iki gənc barəsində 2 ay müddətinə həbs-qətimkan tədbiri seçilib.

Bir sıra beynəlxalq insan haqları təşkilatları gənclərə qarşı irəli sürülən xuliqanlıq ittihamı əsassız hesab edirlər.

http://www.azadliq.org/content/article/1784459.html

Qarşıdurma məntiqi

2009-07-24T06:48:00.000-07:00

Qorxmaz Əsgərov (Vaşinqton)

Azərbaycan hökuməti yenə də beynəlxalq birliklə qarşı-qarşıya durub. Gənc fəallar Adnan Hacızadə və Emin Millinin həbsi qeyri-hökumət təşkilatları haqqında qanuna təklif olunan dəyişikliklər zamanı müşahidə olunan beynəlxalq etirazları daha böyük miqyasda təkrarlayıb.

İndiyə qədər artıq Avropa Şurası, Avropa Birliyi və ATƏT bu həbsə öz qəti etirazlarını bildiriblər. BMT-nin İnsan Haqları Komitəsi eyni addımı atmağa hazırlaşır. ABŞ və Böyük Britaniya rəsmiləri Azərbaycan hökumətinə öz narahatlıqlarını çatdırıblar. Avropa Birliyi dövlətlərinin bir neçəsinin nümayəndələri məsələyə kəskin reaksiya veriblər. Almaniya rəsmilərindən olan Günter Nuke «Azərbaycanda tiraniya var» bəyanatı belə verib. Amnesty İnternational, Freedom House, Human Rights Watch və onlarla digər təşkilat bu məsələdə Azərbaycan hökumətini pisləyən bəyanatlarla çıxış edib. Adnan Hacızadənin təhsil aldığı Riçmond Universitetinin 17 professor-müəllim heyəti bəyanatla çıxış edib.

Azərbaycan hökuməti də təbii ki, reaksiya verib. Daxili İşlər Nazirliyi və Prokurorluq birgə bəyanatla çıxış edərək Azərbaycandakı diplomatik korpusu ölkənin daxili işlərinə qarışmaqda ittiham edib və bildirib ki, həbs olunan gənclərin işi adi xuliqanlıq məsələsidir, amma... Bu «xırda» işə görə məhkəmələr qapalı keçirilir və məhkəmə də iki aylıq həbs qətimkan tədbirini ciddi cəhdlə qüvvədə saxlayır, sanki iri bir kriminal şəbəkə aşkar olunub və gənclər məhkəməyə qədər azadlıqda olsalar, qaçıb gizlənə, yaxud digər cinayət işləri görə bilərlər. «Adi xuliqanlıq işinə» görə Azərbaycan hökumətinin bu cür təhlükəsizlik tədbirləri görməsinin özü məntiqə zidd gedir və düşüncə qabiliyyəti olanları belə fikrə sövq edir ki, söhbət «adi xuliqanlıqdan» getmir. Zatən, beynəlxalq birliyin də kəskin reaksiyasının səbəbi budur.

DİLEMMA

Nə baş verir? Belə görünür ki, Azərbaycanda gənclərin yeni bir hərəkat dalğası ilə dirçəlişindən qorxan Azərbaycan hökuməti 2010-cu ilin parlament seçkilərindən öncə preventiv həbslərlə ictimai müqavimət cücərtilərini ibrətamiz bir tərzdə əzməyə cəhd edib və tanış metodlardan istifadə edib – şərləyib tutdurmaq (zatən, beynəlxalq təşkilatların etirazlarında və beynəlxalq mətbuatda gənclərin yalançı ittihamlarla həbsi kifayət qədər aydın şəkildə qeyd olunub). O da görünür ki, Azərbaycan hökuməti beynəlxalq reaksiyanın belə kəskin olacağını gözləmirdi. Bu çaşqınlıq Azərbaycan hökumətinin verdiyi reaksiyada da özünü göstərir. «Ölkənin daxili işlərinə qarışmaq» ittihamı ilə diplomatik korpusa etiraz notasını Xarici İşlər Nazirliyi əvəzinə hüquq mühafizə orqanları verir. Sanki hökumət koridorlarında, hansısa məmur o birinə deyir ki, «bu iş mənlik olmayıb, özünüz eləmisiniz, özünüz də bəyanat verin».

İndi Azərbaycan hökuməti dilemma qarşısındadır. Ya beynəlxalq birliklə qarşıdurmanı bir az da gücləndirərək gənclərin həbsini əsaslandırmalıdır, ya da güzəştə gedərək öz səhvini etiraf etməlidir. Belə görünür ki, Azərbaycan hökuməti güzəştə getməkdən xeyli qorxur. Səbəbləri görmək elə də çətin deyil. İndi həbsdə olan gəncləri buraxsa, Azərbaycan hökuməti beynəlxalq birlik qarşısında avtoritar olduğunu etiraf edib sifətini itirməkdən ehtiyat edir və güman edir ki, bu addımı ilə Azərbaycan gəncliyi daxilində cücərməkdə olan etiraz hərəkatını da müəyyən qədər gücləndirmiş olar. Bu səbəbdən apellyasiya instansiyaları gənclərin həbs qətimkan tədbirini qüvvədə saxlayır və onların şikayətlərini rədd edir və qızıl-qırmızı beynəlxalq birliyin üzünə durmaqda davam edir.

Lakin beynəlxalq birliyin və Azərbaycan hökumətinə bu məsələdə etirazlarını bildirmiş Qərb dövlətləri nümayəndələrinin də eyni durumda olduğunu nəzərə almaq lazımdır. Bu qədər etirazlardan sonra beynəlxalq birlik nümayəndələrinin Azərbaycan polisinin və məhkəməsinin gəncləri dama basmasını udmaları həmin təşkilatların və həmin dövlətlərin beynəlxalq imicini ciddi zərbə altına qoyur. Onsuz da, zaman-zaman neft-qaz məsələlərinə görə Qərb ölkələrinin Azərbaycan siyasəti elə Qərb mətbuatının özündə ciddi tənqid atəşinə tutulur. Belə olan şəraitdə Qərb təşkilatlarının və Qərb dövlətlərinin Adnan və Eminin həbsini «adi xuliqanlıq işi» sayaraq Azərbaycan hökuməti ilə razılaşmaları qeyri-mümkündür.

SOYUQ MÜHARİBƏNİN HAVASI

Azərbaycanın indiki hakim elitası keçmiş sovet məmurlarının düşüncə tərzini əks etdirir. İndiki qarşıdurma da Soyuq müharibə erasının Sovet-Amerika qarşıdurmalarını xatırladır. Amma ortada ciddi bir fərq var – dövlətimizin ölçüləri. Həm SSRİ, həm indiki Rusiya, həm Çin, lap elə İran iri dövlətlərdir və Qərblə insan haqları məsələsində ciddi qarşıdurmaya davam gətirə bilirlər. Azərbaycan isə ağ və qaranın aşkar göründüyü məsələlərdə Qərblə qarşıdurmaya girdikdə Qərbi dəvət etmiş olur ki, ona qarşı açıq sanksiyalar tətbiq olunsun. Bir növ Türkmənistan, yaxud Belarusun vəziyyətinə düşmüş oluruq.

ƏSAS TƏHLÜKƏ

Bu cür rejimlərdə hakimiyyətin legitimliyi asanlıqla sual altına qoyulur və ölkədəki siyasi sabitlik çox şərti xarakter daşımağa başlayır. Yaranan şəraitdə istənilən hakimiyyət dəyişikliyi imkanı zamanı (qanuni, yaxud qeyri-qanuni) hökumətin legitimlik arqumenti ilə beynəlxalq birlikdən dəstək qazanmaq imkanı çox məhdud olur. Nə qədər qəribə də görünsə, qeyd olunan ssenaridə indiki hakimiyyətə əsas təhlükə tutub damladığı gənc fəallardan, yaxud demokratik siyasi qüvvələrdən gəlmir. Əsas təhlükə mənbəyi bu rejimin öz qoynunda bəslədiyi və indi şişərək heç kimi saya almayan məmur-oliqarxlardır. Keçmiş prezident Heydər Əliyev bu məsələni o qədər ciddi hesab edirdi ki, insan haqları məsələsində Qərblə heç vaxt pərdəni aradan qaldırmırdı. Həm 1994-cü, həm də 1995-ci illərdə yaranan çevriliş təhlükəsi vaxtı beynəlxalq aləmdə Azərbaycan hökumətinin legitimliyi birmənalı olaraq qəbul edilirdi və bu məsələ Əliyevə öz hakimiyyətini qorumağa ciddi yardım edirdi. İndi isə Azərbaycan hökuməti maskasız zorakılıqla beynəlxalq səhnədəki legitimliyinə zərbə dalınca zərbə vurur.

Hələ gec deyil. Ali Məhkəmə hələ ki, işə qarışmayıb. Kifayət qədər ciddi hüquqi resurs kimi çıxış edə biləcək bu qurum ən azı məhkəməyə qədər gənclərin tutqulanmasını aradan qaldıran qərarla özündən aşağı instansiyaların hökmlərini ləğv edə bilər. Əsas məhkəmə vaxtı isə «nə şiş yansın, nə kabab» prinsipi ilə gəncləri öz evlərinə buraxmaqla Azərbaycan bütöv bir dünya ilə qarşıdurmaya getmək yolundan geri qayıda bilər.

http://www.azadliq.org/content/article/1784338.html

Avropa Birliyi, BMT, ABŞ-ın nümayəndəliyi narahatdır

2009-07-23T22:16:00.000-07:00

BMT-NIN İNSAN HAQLARI KOMITƏSI HESABAT HAZIRLAYIR

«Komitə üzvlərinin bu həftə verdikləri bəyanatlardan aydın görünür ki, hesabat çox sərt olacaq»- bunu adının çəkilməsini istəməyən BMT mənbəsi «Reuters» agentliyinə deyib.

İyulun 31-də BMT-nin İnsan Haqları Komitəsi Azərbaycanın insan haqlarına necə riayət etməsi haqda hesabat verəcək.

Keçən bazar ertəsi və çərşənbə axşamı öz iclasına toplaşan 18 üzvlük komitə araşdırıb ki, Azərbaycanda nə baş verir? Jurnalistlər niyə tutulur və öldürülür? Həbsxanalarda niyə intiharlar baş verir? Müxalifət nümayişlərinə niyə qadağandır?

Komitə qarşısında çıxış eləyən Azərbaycanın xarici işlər nazirinin müavini Xələf Xələfov deyib ki, Azərbaycanda jurnalistlər yalnız qanunu pozduqlarına görə tutulublar. Onda bir komitə üzvü deyib ki, belə görünür, Azərbaycan polis zorakılığını danmağı özünə adət eləyib. Digər Komitə üzvləri də Xələfovun cavabını bədgumanlıqla qarşılayıblar.

Xələfov vəziyyətə bir izah da verib. O deyib ki, Azərbaycanda proletariat diktaturası olub, ədliyyə sistemi o diktaturanın altında idi, həmin diktatura bir gecəyə yox olmur. Komitənin Cenevrədəki iclası Avropa Birliyi ölkələrinin 27 səfirindən ibarət nümayəndə heyəti ilə birlikdə keçirilib. Səfirlər də Azərbaycanda insan haqlarının və azadlıqların vəziyyətindən narahatlıqlarını bildiriblər.

Bu yaxınlarda Azərbaycanda olan İsveçin xarici işlər naziri Karl Bildt də üç gün qabaq demişdi ki, o, iki bloqçunun həbsindən narahatlığı İlham Əliyevin diqqətinə çatdırdı.

Bakıda ofisləri olan beynəlxalq QHT-lər Cenevrədə mətbuat konfransı keçiriblər və deyiblər ki, Avropa Birliyinin və beynəlxalq aləmin tənqidləri söz olaraq qalacaq, çünki Azərbaycan neft və qaz ölkəsidir. Cenevrədəki Human Rights House Foundation təşkilatından olan Florian İrminger isə deyib ki, «təcrübəmizə görə, Amerika və Norveç sərt mövqe tutmalıdırlar - onların öz nefti var».

AVROPA BIRLIYI NARAHATDIR

İyulun 23-də Avropa Birliyi də bəyanat yayaraq Emin Millinin və Adnan Hacızadənin həbsi barədə verilən qərardan narahat olduğunu bildirir. Avropa Birliyi qeyd edir ki, beynəlxalq ictimaiyyətin hüquqi prosedurların ədalətli və şəffaf olması barədə çağırışlara qoşulur:

“Biz Azərbaycanın ATƏT-də iştirakı, Avropa Şurasında üzvülüyü və həmçinin Şərq Tərəfdaşlıq da daxil olmaqla Avropa Birliyi ilə münasibətlər çərçivəsində üzərinə götürdüyü demokratiya prinsipləri və yaxşı dövlət idarəçiliyi, qanun aliliyi, müstəqil məhkəmə sistemi, insan haqlarına və fundamental azadlıqlara dair öhdəlikləri Azərbaycanın nəzərinə çatdırmaq istəyirik”.

Avropa Birliyi Azərbaycan rəsmilərini çağırırı ki, Emin Milli və Adnan Hacızadənin işi ilə bağlı Azərbaycanın öhdəliklərinə uyğun hüquqi addımların atılmasını təmin etsin.

Sonda Avropa Birliyi Azərbaycanda keçirilən siyasi islahatların həyata keçirilməsində və onların Avropa Birliyinin standartlarına uyğunluğunun təmin olunmasında dəstək niyyətini yenidən təkrar edir. Xatırladır ki, 2009-cu ilin martında elan olunmuş amnistiya, həbsxanalarda olan insanlarla görüş imkanlarının əldə olunması, məhkəmə proseslərinin müşahidəsi sahəsində irəliləiş və həmçinin insan haqlarına dair bir neçə vacib milli strateqiyalarının qəbul edilməsi alqışlanmışdı.

ABŞ-IN ATƏT-DƏKI MISSIYASI GƏNCLƏRI AZAD ETMƏYƏ ÇAĞIRIR

ABŞ-ın ATƏT-dəki missiyasının rəhbəri Kayl Skott cümə axşamı ATƏT-in daimi komitəsinin iclasında Azərbaycanda fikir azadlığı və fundamental insan hüquqlarının pozulması haqda bəyanatla çıxış edib. Bəyanatda deyilir:

“ABŞ bu yaxınlarda Azərbaycanda gənc liderlər Emin Milli və Adnan Hacızadənin həbsindən narahatdır. Biz israrla Azərbaycan hökumətini Milli və Hacızadəni məhkəməyə qədər azad etməyə, onları tibbi və hüquqi yardımla təmin etməyə çağırırıq”.

Gənclər təşkilatları liderləri, fəal bloqçular Emin Milli və Adnan Hacızadə iyulun 8-də xuliqanlıq ittihamı ilə həbs ediblər. Məhkəmə onların iki aylıq istintaq müddəti üçün həbs olunmasına qərar verib. İstintaqın yekununda da gənclər suçlu hesab olunsalar, onları bir neçə illik azadlıqdan məhrumetmə cəzası gözləyir.

Yerli və beynəlxalq insan haqları fəalları onların əslində hakimiyyəti tənqid etdiklərinə görə üstlərinə şər atılaraq tutulduqlarını bildirirlər.

http://www.azadliq.org/content/article/1784080.html

Qolları qandallı gənclik…

2009-07-23T22:13:00.000-07:00

Babək Bəkir

İyulun 23-də Səbail Rayon Məhkəməsi gənc fəallar Adnan Hacızadə və Emin Millinin vəkillərinin şikayətini təmin etmədi. Vəkillər gənclərə qarşı qeyri-insani münasibətdən şikayətlənirdilər. Şikayətdə qeyd edilirdi ki, Adnan Hacızadə və Emin Milli həbs edilərkən nə həkimlə, nə də müdafiəçi ilə təmin ediliblər. Bundan başqa, hər iki gəncin əllərinin qandallanması və bu qandalla onların bir-birlərinə bağlanması da qeyri insani münasibətlər sırasına aid edilir.

Vəkil İsaxan Aşurov deyir ki, hakim həm maddi, həm də prosessual hüquq qaydalarını pozub:

«Həm iclası qapalı keçirdi, həm də hökmü qapalı şəkildə oxudu. Bu isə qanunsuzdur. Çünki istər ölkə konstitusiyası, istər məhkəmə və hakim haqqında qanun, istərsə də Cinayət-prosessual məcəllə belə bir vəziyyətdə aşkarlığı tələb edir».

TƏQSİRLƏNDİRİLƏN ŞƏXSƏ QANDAL VURULA BİLƏRMİ?

Vəkil İsaxan Aşurov yada salır ki, hələ 3 il əvvəl Avropa məkanında qandal qadağan edilib. Avropa Şurası Nazirlər Kabineti bundan ötrü üzv ölkələrə tövsiyə verib. Bu tövsiyə də Avropa penitensiar qaydalarında öz əksini tapır. İsaxan Aşurov deyir ki, yalnız zəruri hallarda təqsirləndirilən şəxslərin qolları plastik qandalla bağlana bilər. Bundan ötrü də ya təqsirləndirilən şəxsin qaçmaq istəməsi və ya onun qaçırılmasına cəhd olacağı haqqında sübutlar olmalıdır.

Məsələ ilə bağlı Sabail Rayon Polis İdarəsi ilə əlaqə saxlasaq da, oradan gənclərin şikayətinə münasibət bildirmək istəmədilər.

Başqa bir hüquqşünas Fuad Ağayev isə deyir ki, Azərbaycanda hələ də dəmir qandaldan istifadə edilməsi müasir Avropa dəyərləri ilə ziddiyyət yaradır:

«Avropa Şurası Parlament Asambleyasının, Nazirlər Kabinetinin bir sıra normaları, qərarları, tövsiyələri var. Mütləq Azərbaycan qanunları həmin normalara uyğunlaşdırılmalıdır».

QANDAL YOXSA BAYRAQ?

Azərbaycanda isə təqsirləndirilən şəxslərin qollarına dəmir qandalın vurulması geniş yayılıb. Elə jurnalistlər də bu münasibətdən kənarda qalmayıblar. İstər həbsdə olan «Azadlıq» qəzetinin baş redaktoru Qənimət Zahid, istərsə də bu yaxınlarda azadlığa çıxın həmin qəzetin satirik yazarı Mirzə Sakit məhkəməyə dəmir qandalla gətirilirdilər. Mirzə Sakit təqsirləndirilən şəxslərə belə münasibəti pisləsə də, qollarına vurulan dəmir qandalın ondan ötrü başqa anlam daşıdığını deyir:

«Günahsız tutulmuşdum. Qollarıma vurulan dəmir qandal elə bil şərəfi tərənnüm edirdi. Mən elə bilirdim ki, qollarıma narıncı bayraq bağlamışam».

Vəkil İsaxan Aşurov isə deyir ki, onlar Səbail Rayon məhkəməsinin qərarından şikayət etmək fikrindədir. Əvvəlcə ardıcıllıq üzrə yerli instansiyalara, sonra isə Avropa İnsan Hüquqları Məhkəməsinə üz tutacağıq. İsaxan Aşurovun sözlərinə görə, Emin Milli və Adnan Hacızadə qollarına qandal taxıldığına görə məhkəməyə üz tutan ilk azərbaycanlılardır. O ümid edir ki, belə şikayətlər çox olsa bəlkə Azərbaycan orta əsrlər dövrünün mirası olan dəmir qandallardan vaz keçə.

Materialla bağlı video burada

http://www.azadliq.org/content/article/1783853.html

Gənc fəalların vəkillərinin şikayəti təmin edilmədi

2009-07-23T22:11:00.000-07:00

Ülkər Akifqızı

İyulun 23-də Səbail Rayon Məhkəməsində gənc fəallar - Adnan Hacızadə və Emin Millinin vəkillərinin polisə qarşı qaldırdığı iddiaya baxılıb. Prosesə hakim Famil Nəsibov sədrlik edib. Proses qapalı keçirilib.

Vəkillər şikayət ərizəsində gənc fəalların saxlanarkən Səbail Rayon Polis İdarəsində pis rəftara məruz qaldıqlarını və onların müdafiə hüququnun pozulduğunu yazıblar.

Məhkəmə iddianı təmin etməyib. Vəkillər bu qərardan yuxarı instansiyalar şikayət edəcəklərini deyiblər.

Emin Milli və Adnan Hacızadə iyulun 8-də «Livan» restoranında baş verən münaqişəyə görə həbs olunub və xuliqanlıqda ittiham olunurlar. Məhkəmənin qərarı ilə hər iki gənc barəsində 2 ay müddətinə həbs-qətimkan tədbiri seçilib.

Bir sıra beynəlxalq insan haqları təşkilatları gənclərə qarşı irəli sürülən xuliqanlıq ittihamı əsassız hesab edirlər.

http://www.azadliq.org/content/article/1783439.html

Hüquqlarımızı necə qoruyaq?

2009-07-23T22:09:00.000-07:00

Gənclərin Hüquqlarını Müdafiə Hərəkatı ilk tədbirinə hazırlaşır

İyul ayını 25-i saat 15:00-da Gənclərin Hüquqlarını Müdafiə Hərəkatı “Hüquqlarımızı necə qoruyaq?” mövzusunda tədbir keçirəcəkdir. Tədbirdə mövzu ilə əlaqədər müzakirələr keçiriləcək, eləcə də Hərəkatın təqdimatı və bu günə qədər görülmüş işlər barəsində məlumat veriləcəkdir.

Tədbirdə çıxış etmək istəyən gənclər üçün də şərait yaradılacaq. Bu səbəbdən göstərilən mövzu ətrafında çıxış etmək istəyən gənclər Hərəkatın rəsmi e-mail ünvanına (azghmh@gmail.com) çıxış edəcəkləri mövzunun adını yazıb göndərməklə, qeydiyyatdan keçməlidirlər. Tədbir 3 saat davam edəcək.

Onu da qeyd edək ki, Gənclərin Hüquqlarını Müdafiə Hərəkatı 11 iyul, 2009-cu il tarixində təsis edilmişdir. Hərəkatın təsisçiləri arasında ölkənin bir çox aparıcı gənclər təşkilatları və hərəkatları da var. Hərəkatın hal-hazırda fəaliyyət istiqaməti gənclər hərəkatı fəalları ve bloqqerlər Emin Milli və Adnan Hacızadə tezliklə azadlığa çıxması ilə bağlıdır. Qısa zaman öncə yaranmasına baxmayaraq, Hərəkatın artıq 100-dən çox üzvü var.
Əlavə məlumat üçün 050 636 28 77 (Pərvanə) və ya azghmh@gmail.com ünvanına müraciət edə bilərsiniz.

http://news.qaynar.info/29170.html

Parisdə etiraz aksiyası

2009-07-22T08:39:00.000-07:00

Aygün Muradxanlı

Fransada yaşayan bir qrup azərbaycanlı Azərbaycanın Fransadakı səfirliyi qarşısında Azərbaycanda söz azadlığına basqılara etiraz olaraq aksiya keçirib. Xəbəri «Azadlıq» radiosuna etiraz aksiyasının təşkilatçılarından Aqil Xəlil verib.

Aqil Xəlilin sözlərinə görə, təxminən 20-yə yaxın aksiya iştirakçısı səfirlik binası önündə şüarlar səsləndirərək Azərbaycanda azad fikrə basqılara etirazlarını bildiriblər:

«Biz aksiyanın qətnaməsini səfirliyə təqdim etdik. Sənəddə həbsdə olan jurnalistlərin dərhal azadlığa buraxılması, ölkənin Avropa Şurası qarşısında götürdükləri öhdəliklərə əməl etməsi, fərqli siyasi görüşü olan insanlara qarşı təqibləri dayandırması tələb olunur».

Azərbaycanın Parisdəki baş konsulu Famil Əliyev aksiya iştirakçıları ilə görüşərək onların tələblərini dinləyib.

Aqil Xəlilin sözlərinə görə, etiraz aksiyasını Fransa və İsveçin KİV-i izləyib.

İyulun 23-də Fransada yaşayan azərbaycanlılar YUNESKO-nun baş qərargahı qarşısında Azərbaycanda gənc fəallar Adnan Hacızadə və Emin Millinin həbsi ilə bağlı etiraz aksiyası keçirməyi planlaşdırırlar.

Məqalənin əsli burada

Video:

Aksiyadan şəkillər görmək ücün bura daxil olun

СEU məzunları gənclərin həbsi ilə bağlı bəyanat yaydı

2009-07-22T01:00:00.000-07:00

Mərkəzi Avropa Universitetinin bir qrup Azərbaycanlı məzunu adından

Bəyanat

Məlum olduğu kimi iyulun 8-də gənc fəallar - “AN” sosial şəbəkəsinin təsisçilərindən biri Emin Abdullayev (Milli) və “OL” Azərbaycan Gənclər Hərəkatının xarici əlaqələr koordinatoru Adnan Hacızadə “Lebanese” restoranında iki nəfərin hücumuna məruz qalmışlar. Hadisədən sonra hüquq mühafizə orqanlarına şikayət ərizəsi ilə müraciət edən gənclər özləri xuliqanlıqda təqsirləndirilərək barələrində iki aylıq həbs qəti imkan tədbiri seçilmiş və əksinə gənclərə qarşı zor tətbiq etmiş, əvvəlcə polis tərəfindən şübhəli şəxs qismində saxlanılan digər iki nəfər isə azad edilmişdir. Hadisə nəticəsində hətta müxtəlif dərəcəli bədən xəsarəti almış gənclərə ilkin tibbi yardım göstərilməmişdir.

Biz - Azərbaycanda ədalətli cəmiyyətin və hüquqi dövlətin bərqərar olmasını arzulayan bir qrup gənc bu hadisədən təəssüfləndiyimizi bildirir və gənclərə qarşı bu cür rəftara, hüquq mühafizə orqanları əməkdaşlarının hadisəyə birtərəfli münasibətinə, gənclərin elementar insan hüquqlarına və əsas azadlıqlarına hörmət edilməməsinə qarşı öz etirazımızı bildiririk. Bu cür hadisələrin ölkəmizin nüfuzuna beynəlxalq aləmdə ciddi ziyan vurduğu kimi, həm də ölkəmizin hərtərəfli inkişafına çalışan gənclərdə ruh düşkünlüyü yaratdığını da təəssüflə qeyd etməliyik. Həmçinin, yuxarıda adı çəkilən iki gəncin ictimaiyyət arasında, təhsil aldıqları və işlədikləri kollektivlərdə müsbət keyfiyyətləri ilə tanınması və əvvəllər heç bir cinayət tərkibli əməlin iştirakçısı olmadıqlarını nəzərə alaraq istintaq orqanlarından onların barəsində çıxarılmış həbs qəti imkan tədbirinin dəyişdirilməsini, istintaq prosesinin ədalətli aparılmasını və həqiqi təqsirkarların cəzalandırılmasını tələb edirik.

Bəyanata qoşulan məzunlar:

Rəşadət Axundov
Pərviz Abbasov
Aytən Qəhrəmanova
Cavid Qədirov
Sabit Abdullayev
Aida Bədəlova
Hüseyn İsmayılov
Fuad Əliyev
Anar Mehdiyev
Azər Saqiyev
Aysel Soltanova

Gənclərin həbsi AlJazeera-da

2009-07-21T21:33:00.000-07:00

AlJazeera televiziya kanalı gənc fəalların həbs olunması ilə bağlı reportaj hazırlayıb. Reportajı sizlərə təqdim edirik.

Azərbaycana beynəlxalq sanksiyalar vəd olunur

2009-07-21T21:15:00.000-07:00

Anna Zamejc

Fransada yerləşən Sərhədsiz Reportyorlar Təşkilatının İnternet Azadlığı bölməsindən Clothilde Le Coz “Azadlıq” radiosuna müsahibə verib. Müsahibəni təqdim edirik.

Dünən Bakı Apelyasiya Məhkəməsi həbsdə olan bloqqerlər – Adnan Hacızadə və Emin Millinin şikayətini rədd etdi. Bu barədə Sizin fikrinizi bilmək istəyirik…

Bu qəbuledilməz haldır. Bu bloqqerləri etmədikləri bir əmələ görə iki ay müddtəinə azadlıqdan məhrum edirlər. Onlar sadəcə olaraq Azərbaycanda nə baş verdiyi haqqında internetdə yazıblar.

Bir neçə gün əvvəl Siz Azərbaycanın Ədliyyə nazirinə məktub göndərmişdiniz ki, Adnan və Eminə qarşı ittihamlar ləğv olunsun. Bir cavab alıbsınızmı?

Hələlik yox. Amma bilmirik ki, nə vaxt cavab verəcəklər, yaxud ümumiyyətlə cavab verəcəklərmi.

Sizcə, bloqqerlər Azərbaycanda həqiqətənmi təhlükədədirlər?

Bloqqerlərin dediklərini televiziyalar, radiolar, qəzetlər deyə bilmədiyi üçün hakimiyyət onları özünə təhlükəli hesab edir. Azərbaycan media vasitələrinin çoxu nəzarət altındadır. Bloqqerlər isə istədiklərini yazırlar.

Sizcə, informasiyaların yayılmasında və ictimai fikir formalaşmasında online media nə qədər rol oynaya bilər?

Bu ölkədən asılıdır. Azərbaycanda bu, adamların internetə çıxışından asılıdır. İnternet həqiqəti yaymaq üçün əla vasitədir. Amma hər kəsin də internetə çıxışı və bu məlumatları almaq imkanı yoxdur. İndi həbs olunan iki cavan oğlan da internetdə liderə çevrilmişdilər. Ona görə də hakimiyyət onları susdurmaq istəyir.

Iki gün əvvəl Azərbaycan rəsmilərindən biri Sizin Azərbaycanda ifadə azadlığı haqqında dəyərləndirmənizi şübhəli və əsassız adlandırıb. Buna Sizin cavabınız nədir?

O, izah edə bilərmi ki, niyə əsassızdır? Bizim qiymətləndirmələrimiz faktlara əsaslanır. Əgər hökumət bizim müraciətlərimizə cavab versələr, biz onların üzərində düşünərik. Amma fakt budur ki, heç bir cavab yoxdur. Belə çıxır ki, onların gizlətməli nəylərisə var. Problem ondadır ki, ölkədə şəffaf siyasi proses yoxdur.

Bloqqerlərin buraxılması üçün güclü beynəlxalq təzyiqlər var. Sizcə, Azərbaycan hökuməti onları buraxacaq?

Ümid edirk ki, bəli. Biz dünən məhkəmənin açıq keçirilməsini istədik, amma bunu etmədilər. Hələlik atasına da imkan verməyiblər ki, Adnanı görsün. Əgər proses bu cür davcam etsə, biz mütləq Azərbaycana sanskiyalar qoyulması üçün dünyaya müraciət edəcəyik.

Avropa İnsan Haqları Məhkəməsinə müraciət edəcəyik. Azərbaycan buna görə qınanmalıdır. Hakimiyyət nə etdiyinin fərqində olmalıdır. Əgər onlar beynəlxalq təzyiqlərlə bloqqerləri buraxmasalar, biz Azərbaycana beynəlxalq sanksiyalar tətbiq olunması üçün tədbirlər görəcəyik.

Hansı sanksiylar?

Ona baxacağıq. Bunu indi deyə bilmərəm. Əlbəttə, Sərhədsiz Reportyorlar Təşkilatı kim bizim bunu etməyə imkanımız yoxdur. Amma bəzi addımlar və tədbirlər var ki, biz bunlardan istifadə edəcəyik.

http://www.azadliq.org/content/article/1782136.html

Gənclərin polisdən şikayətinə iyulun 23-də baxılacaq

2009-07-21T21:11:00.000-07:00

Ülkər Akifqızı

Səbail Rayon Məhkəməsində gənc fəallar Adnan Hacızadə və Emin Millinin vəkillərinin həmin rayonun polis idarəsindən şikayətinə iyulun 23-də baxılacaq.

Bunu “Azadlıq” radiosuna gənclərin vəkilləri - İsaxan Aşurov və Elton Quliyev deyib. Vəkillərin dediyinə görə, hakim Famil Nəsibovun sədrlik edəcəyi proses saat 10:30-da başlayacaq.

Vəkillər şikayət ərizəsində gənc fəalların saxlanarkən Səbail Rayon Polis İdarəsində pis rəftara məruz qaldıqlarını və onların müdafiə hüququnun pozulduğunu yazıblar.

Emin Milli və Adnan Hacızadə iyulun 8-də “Livan” restoranında baş verən münaqişəyə görə həbs olunub və xuliqanlıqda ittiham olunurlar. Məhkəmənin qərarı ilə hər iki gənc barəsində 2 ay müddətinə həbs-qətimkan tədbiri seçilib.

Bir sıra beynəlxalq insan haqları təşkilatları gənclərə qarşı irəli sürülən xuliqanlıq ittihamı əsassız hesab edirlər.

http://www.azadliq.org/content/article/1781926.html

Gənc fəalların azadlığı uğrunda kampaniya davam edir

2009-07-21T21:07:00.001-07:00

Bir sıra beynəlxalq təşkilat Azərbaycanda həbs edilən iki gənc fəalın azad edilməsinə çağırıb.

Onların arasında nüfuzlu Amnesty İnternational, Sərhədsiz repotyorlar və Article 19 adlarıni çəkmək olar.

Avropa Birliyinin 27 üzv dövlətinin səfirləri "Azərbaycanda insan haqları və azadlıqlarının vəziyyətinə dair narahatlıq" izhar edən bəyanatı hakimiyyətə təqdim ediblər.

Adnan Hacızadə ilə Emin Milli Bakının mərkəzindəki kafedə iyulun 8-də "xuliqanlıq" ittihamları ilə həbs olunublar.

İnsan haqları qrupları isə bildirib ki, bu ittihamlar hakimiyyətə qarşı müxalif mövqeyi ilə fərqlənən bu gəncləri cəzalandırmaq üçün quraşdırılmış bir uydurmadır.

İndi isə gənclərin azad olunmasına dair səsyığma kampaniyası internet məkanında təşkil edilib.

Vusal Həmzəyev kampaniya təşkilatçılarından biridir.

V.H.: Təbii ki, bu, internet məkanında olduğundan onun hüdudu yoxdur. Dünyanın hər yerindən insanlar buna qoşula bilərlər. Kampaniya Bakıdan təşkil olunub və məqsəd prezidentə təqdim etmək üçün imza toplamaqdır. Bu kampaniya internet və elektron məktub yollama yolu ilə həyata keçirilir. Hər kəs bu məktubu tanıdığı şəxsə ötürərək göstərir və razılığını alır. Kampaniya məhz bu şəkildə həyata keçirilir. Biz prezidentdən məsələyə müdaxilə etməsini və gənclərin azad edilməsini istəyirik.

BBC: Sizcə çağırışınız əks səda doğuracaqmı? Sadəcə olaraq səs yığmanın kəsərli tədbir olduğuna inanırsızmı?

V.H.: Əlbəttə ki, biz buna ümid edirik. Həmin gənclər bizim üçün dəyərlidir. Əgər bu cür insanlar bu şəkildə həbs edilirsə, onda Azərbaycandan beyin ixracından narahat olanlar bu haqda düşünməlidirlər. Onları tanıyanlar və hadisələrdən narahat olan gənclər çalışırlar ki, bu məsələ yayılsın və təzyiqlər artsın ki, bu insanlar tez bir zamanda azadlığa çıxsınlar.

http://www.bbc.co.uk/azeri/news/story/2009/07/090721_campaion.shtml

Emin, Adnan və xaricdə təhsil almış gənclər barədə

2009-07-21T20:59:00.000-07:00

Dünən Bakı Apellyasiya məhkəməsi Emin Milli və Adnan Hacızadənin birinci instansiyanın qərarından verdikləri şikayəti təmin etməyib. Məhkəmə prosesi qapalı keçib. Onları müdafiə edən vəkillər məhkəmə tərkibinə etiraz etsələr də, bu vəsatət təmin edilməyib. Adnan Hacızadə və Emin Milli xuliqanlıqda təqsirləndiriliblər və barələrində iki aylıq həbs-qətimkan tədbiri seçilib.

Prosesin qapalı keçirilməsi iki şeyə işarə edir: birincisi, gənclərin aldığı xəsarətlər hələ tam sağalmadığından onları ictimaiyətə göstərmək məqsədəuyğun deyil. Digər tərəfdən isə bu qədər gülünc görünən ittihamı əsaslandırmaqla məhkəmə özünü daha artıq rüsvay etmək istəməyib.

Əslində bu yazı ilə bir neçə şeyə münasibət bildirmək istəyirdim. Heç kimi ittiham etmək fikrim yoxdu, sadəcə bir iki faktı diqqətinizə çatdırmaq istəyirəm və bundan hərə özünə nəticə çıxartsın.

"Lebanese" restoranında video müşahidə var. Bunu şəxsən görməsəydim bura yazmazdım. Yəqin belə bir ittiham açılandan sonra həmin videogörüntülər istintaq tərəfindən götürülüb. Çox güman ki, həmin videoyazı bir çox şübhələrə aydınlıq gətirər.

Bu yaxınlarda qəzetlərdən birində hadisə şahidlərindən birinin fikirlərini oxudum. Həmin adam iddia edirdi ki, "Lebanese" restoranında adam şox olduğundan onlar əvvəlcə stol sifariş etmişdilər. Həmin hadisə baş verməzdən iki gün öncə, mən bir nəfər dostua həmin restorana getdik. Lakin içəridə adam olmadığından, biz oradan çıxıb yaxınlıqda olan başqa bir yerdə yemək yedik. Həmin şahid fikirlərində onu da bildirir ki, onlar restoranda olarkən orada başqa adam (hadisə iştirakçılarından savayı) olmayıb. Şahid ona sürülən gəncləri ora məqsədli çağırmaq barədə olan şifahi ittihamları da rədd edir.

Emin və Adnan bu gün sayı on mindən çox olan qərbdə təhsil almış parlaq Azərbaycan gəncliyinin təmsilçiləridir. Onların ictimai fəallığını isə nəinki biz gənclər, elə hökumət özü də çox gözəl bilir. Mətbuatda dövlət rəsmilərinin onların haqqında heç vaxt oxumadığını oxuyanda növbəti bir yalan ortaya çıxır. İki il öncə Avropada təhsil alan Azərbaycanlı tələbələr, köhnə qitənin müxtəlif paytaxtlarında forumlar keçirəndə, həmin tədbirlərdə nazrilərdən tutmuş digər aşağı ranqlı məmurlara kimi çox adam iştirak edirdi. Emin Milli isə həmin forumların əsas təşkilatşılarından biri idi. Bunun üçün AZTV-nin arxivlərinə baxmaq kifayət edər.

İndiki müxalifətin özündə, Emin və Adnan kimi gənclərə qarşı qısqanclıq var. Belə olmasaydı, gənclərin ABŞ-ın dəstəyi ilə Azərbaycanda dövlət çevrilişinə hazırlaşdıqlarını iddia edən yazılar olmazdı. Bunun səbəbi, həmin gənclərin ənənəvi müxalifətlə eyni baxışlara malik olmamasıdır. Bu isə siyasi arenada köhnələr üçün yeni rəqiblərin yaranması deməkdir. Əslində həbs edilən gənclər siyasi deyil ictimai fəaliyyətlə məşğul olurdular. Xüsusilə də, ictimaiyyəti maarifləndirmək kimi bir rol oynayırdılar.

Gənclərə qarşı edilən provokasiyaya gəlincə, onun hakimiyyətin lap yuxarı eşelonundan gəldiyini tam qətiyyətlə demək olmaz. Hədəfin qərbtəhsilli gənlər olduğu tam aydındır. Məqsəd daha fəal olanları qorxutmaqdır. Əgər yalançı ittiham əsasında Emin və Adnan həbs olunacaqsa, o zaman digərlərini susdurmaq və çəkindirmək müəyyən qədər mümkün olacaq. Lakin hökumət bu addımı atarsa, əslində özü itirmiş tərəf olacaq. Hakimiyyət belə gənclərdən qorxmaqdansa, onlarla işləsə daha yaxşı olar.

Sirr deyil ki, bu gün xaricdə təhsil alıb, yeni düşüncə ilə ölkəyə qayıdan və mühüm vəzifələrdə çalışan gənclər var. Digər tərəfdən Azərbaycanın yeni burjuaziyasının (hazırkı məmur və varlıların övladları) əksəriyyəti qərbdə təhsil alır və onların ölkədəki proseslərə və vəziyyətə münasibəti valideynlərinin yanaşmasından fərqlidir. Bundan əlavə, dövlət 2015-ci ilə kimi 5000 tələbəni xaricdə təhsil almaq üçün göndərmək barədə proqram qəbul edib və hal-hazırda bu proses gedir. Bu gün Avropa və Amerikada təhsil almış və Azərbaycanda özünə perspektiv görmədiyindən ölkəyə qayıtmayan 5000 nəfərə yaxın gənc var. Yaxşı olardı ki, hökumət həm də bu kadr potensialından istifadə etsin və onu tmamamilə itirməsin.

Ehtiyatlı olun!

Kamil Piriyev

Qeyd: Məqalə Facebook-da yayılıb.

ABŞ səfirliyi başqa qərar gözləyirmiş

2009-07-20T07:48:00.000-07:00

“Biz gözləyirdik ki, Bakı Apellyasiya Məhkəməsi iki gəncin azadlığa buraxılması qərarını verəcək”. Bu sözləri ABŞ səfirliyinin ictimaiyyətlə əlaqlələr departamentinin müdir əvəzi Dmitri Teraxovski iyulun 20-də Bakı Apellyasiya Məhkəməsinin binası qarşısında jurnalistlərə açıqlamasında deyib.

“Media forum” saytının məlumatına görə, D.Teraxovski bildirib ki, səfirlik Adnan Hacızadə və Emin Millinin mühakimə olunması prosesini yaxından izləməkdə davam edəcək: “Eyni zamanda bu işlə əlaqədar hökumətlə danışıqlar davam etdiriləcək”.

İyulun 8-də “Livan” restoranında baş vermiş davaya görə saxlanan, iyulun 10-da Səbail Rayon Məhkəməsinin qərarı ilə barələrində iki aylıq həbs-qətimkan tədbiri seçilən, Cinayət Məcəlləsinin 221.2.1 maddəsi (bir qrup şəxs tərəfindən törədilən xuliqanlıq) ilə günahlandırılan AN Sosial Şəbəkəsinin təsisçisi Emin Milli və OL Gənclər Hərəkatının təsisçilərindən olan Adnan Hacızadənin həbsindən verilən şikayəti Bakı Apellyasiya Məhkəməsi iyulun 20-də rədd edib. Hər iki gənclə bağlı proses qapalı keçirilib.

Bakı Apellyasiya Məhkəməsinin binası qarşısına toplaşan gənclər təşkilatları nümayəndələri, gənc yazarlar, ziyalılar, siyasi partiya təmsilçiləri həbsin qüvvədə saxlanması qərarına etirazlarını Azərbaycan dövlət himnini oxumaqla bildiriblər. Polis toplaşanlara müdaxilə etməyib.

http://www.mediaforum.az/articles.php?lang=az&page=00&article_id=20090720060527376

Gənc fəallar haqqında məhkəmə qərarı qüvvədə qaldı

2009-07-20T07:43:00.000-07:00

İlqar Rəsul

İyulun 20-də gənc fəallar - Adnan Hacızadə və Emin Millinin apellyasiya şikayəti üzrə məhkəmə prosesi davam edib.

Bakı Apellyasiya Məhkəməsində keçirilən prosesdə təqsirləndirilən şəxslərin vəkilləri hakimlərin dəyişdirilməsi üçün vəsatət qaldırıblar. Onlar iclası qapalı keçirdiyi üçün məhkəmə tərkibinə etiraz ediblər.

Adnan Hacızadənin işi üzrə hakim Mirpaşa Hüseynov, Emin Millinin işi üzrə hakim isə Cəlal Ramazanovdur.

Məhkəmə vəsatəti rədd edib.

İlk öncə Emin Millinin məhkəmə qərarından verdiyi apellyasiya şikayəti təmin edilməyib. Bu barədə jurnalistlərə onun vəkili Elton Quliyev məlumat verib.

Daha sonra digər vəkil İsaxan Aşurov deyib ki, onun müdafiə etdiyi Adnan Hacızadənin də şikayəti təmin edilmədi.

Məhkəmə qarşısında ölkədəki bir sıra səfirliklərin və beynəlxalq təşkilatların təmsilçiləri, həmçinin vətəndaş cəmiyyəti nümayəndələri, jurnalistlər yığışmışdılar.

Gənc fəallar Adnan Hacızadə və Emin Milli xuliqanlıqda təqsirləndiriliblər və barələrində iki aylıq həbs-qətimkan tədbiri seçilib. Bir çox beynəlxalq hüquq müdafiə təşkilatları gənclərin saxlanmasını pisləyib və onlara qarşı irəli sürülən ittihama inanmadıqlarını bəyan ediblər.

http://www.azadliq.org/content/article/1780951.html

Zərərçəkən kimi tanınan şəxslər dilə gəldi

2009-07-20T07:34:00.000-07:00

Aygün Muradxanlı

Gənc fəallar Adnan Hacızadə və Emin Milli haqqında qaldırılmış cinayət işində zərərçəkmiş kimi tanınan Babək Hüseynov və Vüsal Məmmədov mətbuata müraciət ediblər. Onlar bildirirlər ki, bir sıra media orqanları hadisəni təhrif edərək onlara böhtan atır: «Bizi günahkar çıxarmağa çalışırlar. Biz buna etirazımızı bildiririk. Onu da hiss edirik ki, elə bil polis idarəsi də bu uydurmaların təsiri altına düşüb bizim əleyhimizə iş aparır».

Müraciət müəllifləri iddia edir ki, Adnan, Emin və onlarla bərabər olan şəxslər «Livan» restoranında hündürdən söyüş söydüklərinə görə onların istirahətini pozub. İradlarını bildirəndə isə onları döyüblər. Dediklərinə görə, aldıqları xəsarətlərə görə hələ də xəstəxanada müalicə alırlar.

Babək Hüseynov və Vüsal Məmmədov media təmsilçilərini faktları təhrif etməməyə və doğrunu yazmağa çağırıb.

Gənc fəallar Adnan Hacızadə və Emin Milli xuliqanlıqda təqsirləndiriliblər və barələrində iki aylıq həbs-qətimkan tədbiri seçilib. Bir çox beynəlxalq hüquq müdafiə təşkilatları gənclərin saxlanmasını pisləyib və onlara qarşı irəli sürülən ittihama inanmadıqlarını bəyan ediblər.

http://www.azadliq.org/content/article/1780884.html

İstintaqa kim müdaxilə edir?

2009-07-19T20:39:00.000-07:00

Azərbaycanda gənc fəallar Adnan Hacızadənin və Emin Millinin (Abdullayevin) xuliqanlıq ittihamı ilə əlaqədar barələrində həbs qətimkan tədbirinin seçilməsi cəmiyyətdə müəyyən rezonansa səbəb oldu. Bununla bağlı bir sıra təşkilatlar, beynəlxalq qurumlar və səfirliklər bəyanatlar qəbul etmiş və etməkdədir. Obyektiv istintaq aparılması çağırışları ilə yanaşı gənclərin həbsinə açıq etiraz edənlər də var. Bu açıqlamalarla bağlı Azərbaycan Respublikasının Daxili işlər nazirliyi və Baş prokurorluğu (BP) birgə bəyanat vermişdir. Kütləvi informasiya vasitələrində yayımlanan bu bəyanatda baş vermiş olaya və faktlara konkret qiymət verilmiş, həbs olunan gənclərin birmənalı təqsirli olması elan edilmişdir. Bununla yanaşı DİN və BP istintaqın işinə müdaxilə etməmək və təsir göstərməmək çağırışlarında bulunmuşdur.

Sözügedən bəyanatla bağlı sual meydana çıxır: istantaqın işinə kim müdaxilə edir?

Bəyanatın məzmunu göstərir ki, istantaqın işinə müdaxilə edən faktiki Daxili işlər nazirliyi və Baş prokurorluqdur. Çünki, inzibati cəhətdən DİN strukturuna daxil olan istintaq orqanlarının prosessual müstəqilliyi aşkar pozulmuşdur. Bəyanatda istintaqın hansı istiqamətdə aparılması haqqında istintaq orqanına və müstəntiqlərə konkret göstərişlər verilməsi açıq-aydın görülməkdədir. İstintaq orqanının inzibati baxımdan DİN-in strukturuna daxil olması və bundan irəli gələn faktiki tabeçilik vəziyyəti istintaq orqanının (müstəntiqlərin) bəyanatdan asılı olmayan və “fərqli həqiqət” üzə çıxartmasına imkan vermir. Belə olan halda isə obyektiv istintaqdan söhbət gedə bilməz.

Deyilənlərlə bağlı cinayət-prosessual qanunvericiliyinin bəzi normalarını xatırlatmaq yerinə düşərdi. Birincisi, Cinayət prosessual məcəlləsinin 21-ci maddəsində təsbit edilmiş təqsirsizlik prezumpsiyasına görə cinayətin törədilməsində təqsirləndirilən hər bir şəxs onun təqsiri nəzərdə tutulmuş qaydada sübuta yetirilməyibsə və bu barədə qanuni qüvvəyə minmiş məhkəmənin hökmü yoxdursa, təqsirsiz sayılır. Bu mühüm prinsipə zidd olaraq DİN və BP-un bəyanatında göstərilən mövqe bir sıra KİV-də sübut olunmuş kimi qələmə verilir. İkincisi, Cinayət-prosessual məcəlləsinin 139-cu maddəsində sübut edilməli hallar göstərilmişdir. Bu hallar sırasında cinayət qanunu ilə nəzərdə tutlmuş əməldə cinayətin əlamətləri, cinayət qanunu ilə nəzərdə tutlmuş əməlin törədilməsində şəxsin təqsirliliyi, cinayət qanunu ilə nəzərdə tutulmuş cəzanı yüngülləşdirən və ağırlaşdıran hallar göstərilir. Lakin istintaqın lap başlanğıcında DİN və BP-un bəyanatında bütün bunlara dair rəy bildirilmişdir – hadisədə cinayət əlamətinin olması, gənclərin təqsirli olması və bu əməli sərxoş vəziyyətdə törətmələri. Üçüncüsü, cinayət prosessual məcəlləsinə görə müstəntiq istintaqı ibtidai araşdırmaya rəhbərlik edən prokurorun göstərişlərinə və daxılı inamına əsaslanaraq aparır. Zəruri hallarda müstəntiq ibtidai araşdırmaya rəhbərlik edən prokurorun göstərişlərindən yuxarı prokurora şikayət edə bilər. Lakin gördüyümüz kimi bu bəyanatı imzalamaqla yuxarı prokuror öz rəyini artıq vermişdir. Dördüncüsü, İstintaq orqanının DİN strukturuna daxil edilməsi DİN rəhbərliyinin məcburi göstərişlər vermək hüququ olması kimi başa düşülməməlidir. İstintaq orqanının prosessual müstəqilliyi təmin edilməlidir.

Deyilənləri nəzərə alaraq belə nəticəyə gəlmək olar ki, istintaqın işinə müdaxilə və təzyiq edən elə Daxili işlər nazirliyi və Baş prokurorluğun özüdür.

Başqa bir sual da qətimkan tədbirinin seçilməsi ilə bağlıdır. Dəfələrlə deyilib – nədən istintaq orqanları mütləq həbs qətimkan tədbirini seçirlər? Cinayət-prosessual məcəlləsində həbsdən başqa digər qətimkan təbirləri də nəzərdə tutulmuşdur – ev dustaqlığı, girov, başqa yerə getməmək barədə iltizam, şəxsi zaminlik, təşkilatın zaminliyi və s. Qətimkan tədbirinin seçilməsi zamanı təqsirləndirilən şəxsin şəxsiyyəti, cinayətin birinci dəfə törədilməsi, daimi yaşayış yerinin olub-olmaması və s. kimi amillər nəzərə alınır. Bəs nədən daha çox həbs qətimkan tədbiri seçilir? Belə qanaətə gəlmək olar ki, bunun səbəbi ondadır ki, 1) istintaq daha çox ittihamedici yöndə aparılır, 2) sözügedən bəyanatların verilməsi ilə istintaq və məhkəmə orqanlarına güclü təsirlər edilir. Belə olan halda müstəqil və obyektiv istintaqın aparılması əsaslı olaraq şübhə altına alına bilər.

Qeyd etmək lazımdır ki, bu problemlər yalnız konkret bu işlə bağlı deyil, ümumiyyətlə Azərbaycanda cinayət prosesinə aiddir. Sadəcə ictimai rezonans yaradan işlərdə üzə çıxır. Bunların aradan qaldırılması üçün bir sıra hüquqi və təşkilati tədbirlərin həyata keçirilməsi labüddür.

Söylənənlər bu olayla bağlı ilk təəsuratlardır. Bilərəkdən işin faktiki hallarına toxunmuruq və yalnız bir neçə hüquqi məsələlərə toxunduq. Ümid edirik ki, bunlara baxmayaraq istintaq müstəqil və obyektiv aparılacaq və sonda ədalət bərqərar olacaq. Amin!

http://www.legal.az/content/view/10239/1

Konqresdə azərbaycanlı gənclərin həbsindən narahatlıq bildirildi

2009-07-19T20:37:00.000-07:00

Vagif Məmmədli

Amerika Konqresinin Helsinki Komisiyasında keçirilən dinləmələrdə gənc fəallar Emin Milli və Adnan Hacızadənin həbsiylə bağlı narahatlıq bildirilib.

İyulun 16-da İran böhranı və ATƏT ölkələrindəki vəziyyətlə bağlı keçirilən dinləmələrdə çıxış edən Amerika German Marşal Fondunun təmsilçisi Devid Kramer Azərbaycanda insan haqlarıının vəziyyətinin pisləşdiyini deyib.

O bildirib ki, gənclər naməlum şəxslər tərəfindən döyüldükdən sonra müəmmalı şəkildə həbs olunublar, bundan sonra onlara qarşı xuliqanlıq ittihamı irəli sürülüb və beynəlxalq ictimaiyyətin etirazlarına baxmayaraq onlar hələ də həbsdə saxlanılır, gənclərə hücum edənlərsə azadlıqda gəzir.

Kramer daha sonra deyib : “Biz gərək prezident İlham Əliyev və Azərbaycan hökumətinə təsir göstərək ki, onlar gənc fəallar və həbsdə olan jurnalistlərin azad edilməsini , habelə xarici radioların FM tezliyində yayımının bərpasını təmin etsin".

Kramerin fikrincə, gənc fəalların başına gələnlər Azərbaycanda heç də nadir hadisə deyil.

O qeyd edib ki, Azərbaycanda insan haqlarının vəziyyəti pisləşməkdə davam edir və hökumət mülki cəmiyyət üzərində hökmranlığını artırmağa çalışır.

http://www.azadliq.org/content/article/1780452.html

Amnesty International: “Gənclər dərhal azad olunmalıdır”

2009-07-17T11:00:00.000-07:00

Anna Zamejc

Amnesty İnternational təşkilatı bəyanat verib ki, Azərbaycanda vətəndaş cəmiyyətinə və media fəallarına davam edən hücumlardan dərin narahatdır.

Təşkilatın iyulun 17-də yayılan bəyanatında qeyd edilir ki, Adnan Hacızadə və Emin Milli fikirlərini açıq demək haqlarına görə hədəfə alıblar. Onlarla bağlı istintaq tərəfsiz aparılmayıb, şahidlər dindirilməyib, hakimiyyət bu iki gəncin haqlarına hörmət etmir.

Amnesty İnternationalda olan məlumata görə, onlara tutulandan sonra iyulun 9-na kimi öz vəkilləri ilə görüşmələrinə imkan verilməyib. Ancaq həmin vaxtda dindiriliblər.

Təşkilatın fikrincə, əgər Emin Milli və Adnan Hacızadə məhkum olunsalar, bu, Azərbaycanın söz azadlığını pozması olacaq.

Amnesty International hesab edir ki, hər iki gənc dərhal azad olunmalıdır.

“Azadlıq” radiosunun əməkdaşı Anna Zamejc təşkilatın Avropa və Orta Asiya üzrə mətbuat nümayəndəsi Lidiya Aroyodan söz azadlığı ilə bağlı Azərbaycandakı ümumi vəziyyəti qiymətləndirməyi xahiş edib.

Aroyo cavab verib ki, iki bloqqerlə baş verənlər Azərbaycanda müstəqil medianın gözünün qorxudulması prosesinin davamıdır. Təşkilat bunu İlham Əliyevin diqqətinə çatdırıb. Hərçənd İlham Əliyev deyir ki, dövlət jurnalistlərin haqlarını qoruyur, ancaq sözlər əməllə düz gəlmir.

İkinci sual belə olub ki, ATƏT-in fikrincə, Azərbaycanda söz azadlığı ölür. Amnesty İnternational nə düşünür?

Aroyo cavab verir ki, Azərbaycanda söz azadlığının vəziyyətindən Amnesty İnternational narahatdır. Ancaq Azərbaycanda söz azadlığı uğrunda vuruşanlar da var.

http://www.azadliq.org/content/article/1779566.html

Britaniya millət vəkilləri Azərbaycana petisiya imzalayır

2009-07-17T10:56:00.000-07:00

Britaniya Parlamentinin bir qrup üzvü Azərbaycan hökumətinə ünvanlanmış petisiya imzalayıb. Petisiyanın mətni Britaniyadakı Azərbaycan icmasının gənc fəalları tərəfindən hazırlanıb.

Petisiyada deyilir ki, biz Azərbaycanda insan haqları ilə bağlı vəziyyətin sürətlə pisləşməsindən dərin narahatlıq hissi keçiririk. Biz bu il iyul ayının 10-da Azərbaycanlı gənclərin üzərinə basqını və onların həbs edilməsini qətiyyətlə pisləyirik. Biz onların dərhal azadlığa buraxılmasını, müstəqil mətbuat və müxalifət fəallarının təqib edilməsinin dayandırılmasını, habelə Əliyev hökuməti tərəfindən bu ilin əvvəllərində bağlanmış BBC yayımlarının yerli tezliklərdə bərpasını tələb edirik.

Bu da qeyd olunmalıdır ki, İlham Əliyevin Londona səfəri ərəfəsində hazırlanmış sənəddə Britaniya xarici işlər nazirindən bu məsələlərlə bağlı Azərbaycan hökumətinə təsir göstərmək rica olunur.

Emin Milli və Adnan Hacızadənin həbsini hökumət və media fərqli əsaslandırır. Polis onlarıın xuliqanlıq üstündə həbs olunduqlarını bildirsə də, istər xarici, istərsə də yerli mətbuat gənclərin siyasi fəaliyyətinə və ələlxüsus da hökumət rəsmisini məsxərəyə qoyan videoklipə görə həbs olunduqlarını yazır.

Petisiyanı imzalamış Britaniya millət vəkillərindən Pol Flin (Paul Flynn) redaktorumuz Yohannes Dellin Britaniyada bu tipli siyasi tənqid nə dərəcədə normal sayılır sualına belə cavab verib:

Tamamilə normal baxılır. Çünki bizdə media azaddır. Adamlar əgər istəyirlərsə, kimisə siyasi məsxərəyə qoya bilərlər. Qaldı Azərbaycanda insan haqlarının tapdanması məsələsinə, bizi narahat edən budur ki, bu iki gənc - Hacızadə və Milli bundan əvvəl Qənimət Zahidin həbsinə bənzər şəkildə həbs ediliblər. Onun da xuliqanlıq etdiyi iddia olundu və 4 illik həbsə atıldı. Mən güman edirəm ki, onları davaya xüsusi xidmətlərin iştirakilə salıblar. Məqsəd onların susdurulmasıdır.

Siz bu petisiyanı İlham Əlyevin Londona gəldiyi gün imzalamısınız. O heç bu sənəddən xəbər tutdumu?

Məncə bu petisiya olmasa idi, onun gəlişindən biz də xəbər tutmaya bilərdik. Bu, az qala məxfi bir səfər idi. Bu səfər haqqında çox az xəbər yayılmışdı. Odur ki, biz indi o gedəndən sonra da bu petisiyanı imzalamaqda davam edirik və artıq 20 imza var. Azərbaycanda insan haqları ilə bağlı başqa məsələlər də var. Biz orada seçkilərdən sonra nümayişçilərə divan tutulduğunu, BBC radiosunu yerli dalğada qadağan olunduğunu bilirik. Azərbaycan insan haqlarının ciddi zərbələrə məruz qaldığı ölkəyə çevrilməkdədir.

Siz bu petisiyada xarici işlər nazirini bu məsələni Azərbaycan hökumətinin qarşısında qaldırmağa çağırırsınız. Çağırışınıza cavab varmı?

Mən bu barədə cənab nazirə yazmışam və ümid edirəm ki, cavab olacaq. Mən bu məsələni onunla üzbəüz də müzakirə edəcəyəm. Biz Qafqazlarda kifayət qədər maraqlara malikik və biznes məsələləri ilə yanaşı insan haqları məsələsini də müzakirə etməliyik.

Lakin burası da var ki, Azərbaycan hökuməti, elə İlham Əliyevin özü də Avropanın ikili standardlarından gileylənirlər. Deyirlər ki, məsələn, başqa hansı ölkə xarici yayımlara icazə verir?

Burda söhbət xırda insidentlərdən getmir. Mən məsələnin arxa tərəfini görürəm. Məsələn Azərbaycanı, məsələn Ukrayna ilə müqayisə etsək, görərik ki, Ukraynada da nümayişlər olub, Narıncı inqilab olub. Və orada nümayişçiləri seçkilərdən sonra qəddarlıqla döyməyiblər.

http://www.bbc.co.uk/azeri/news/story/2009/07/090717_britain_aliyev.shtml