Mart ayının 30-u İnşaat Universitetinin idman zalında OL! və Dalğa gəncləri arasında futzal üzrə dostluq oyunu keçirildi. Qeyd edək ki, bu təşkilatların komandaları arasında son oyun keçən ilin may ayında ADR-90 turnirində keçirilmişdir. O zaman turnirin üçüncü yer uğrunda matçında dalğaçılar 6:4 hesabı ilə qələbə qazanmışdılar. Həmin səbəbdən bu dostluq oyunu OLçular üçün bir növ revanş xarakteri daşıyırdı.
Oyunun birinci hissəsi tam olaraq OLçuların nəzarəti altında keçdi. Rəşadət Axundov, Ənvər Bagiyev, Urfan Əsədov hərəyə bir qol, Ruslan Əsədov isə iki qol vuraraq 5:0-lıq hesabla birinci hissənin yekunu vurdular. Qeyd etmək lazımdır ki, OLçuların qapıçısı Turqut Qəmbərin inamlı oyunu dalğaçılar fasiləyə məyus getməsinə səbəb oldu.
İkinci hissənin əvvəlində, OLçular daha iki qola imza atdılar. Rəşadət Axundov və Urfan Əsədov fərqləndilər. Hesab arasındakı böyük fərq OL gənclərinin oyundakı nizamı itirməsinə təsir etdi. Bunun nəticəsi olaraq dalğaçılar dalbadal üç qol vuraraq hesab arasındakı fərqi xeyli azaltmağa nail oldular. Dalğadan iki dəfə Araz Qasımov, bir dəfə isə Zaur Əliyev fərqləndilər. Matçın sonunda Ruslan Əsədovun qolu isə oyunda son nöqtəni qoydu. Beləliklə 8:3 hesabı ilə OL! komandası Dalğa komandası üzərində qələbə əldə etdi.
OL! və Dalğa arasında dostluq oyunu keçirildi
Subscribe to:
Post Comments (Atom)
2 comments:
bu sadece dostlug oyunu idi. Dalghachilara chox saghol deyirem. Kishi kimi sona geder oynadilar.
Maraqli oyun olub deyesen..8:3!Yerim melum:)
Post a Comment